Isajos 38:3 - Библия - Пэ Балтитко Романи чиб (Романэс) 2019

³ “О, Раё Дэ́вла! Пририпир, со мэ псиравас анги́л Ту́тэ дро чачипэ́н, сарэ́ илэ́са, и кэравас мэ анги́л Тырэ́ якха́ лачхэ́ рэ́нды.” И зарондя Езэки́я зоралэ́с.

Biblija - Pe Baltitko Romani čib (Romanes) 2019

³ “O, Rajo Dévla! Priripir, so me psiravas angíl Túte dro čačipén, saré ilésa, i keravas me angíl Tyré jakhá lačhé réndy.” I zarondia Jezekíia zoralés.

Isajos 38:3 Referans Kwoze

Юдэ́нгэ 6:10

Пал-дова́ со Дэвэ́л нанэ напатяибнаскиро и Ёв на бистрэла тумари́ буты́ и паты́в кэ яви́р мануша́, савэ́ тумэ́ кэрдэ́ ваш Лэ́скиро лав, ке́ли тумэ́ помогинэнас (дэ́нас васта́) и какана́ помогинэна дэвлытконэнгэ.

Юдэ́нгэ 5:7

Ке́ли Христо́со дживдя́ пэ пхув, Ёв барэ́ годла́са и ясвэ́нца мангдя́ и мангдя́пэ Дэвлэ́скэ, Кон могиндя́ тэ зракхэ́л Лэс мэрибна́стыр. Дэвэ́л шундя́ Лэс пал Лэ́скири дар анги́л Лэ́стэ;

Ниеми́я 13:14

Ри́пир ман пал дава́, миро Дэ́вла, и на бистыр мирэ́ лачхэ́ рэ́нды, савэ́ мэ кэрдём ваш миро Дэвлэ́скиро Кхэр и ваш раша́нгирэ рэ́нды (де́лы) паш лэ́стэ.

2 Коринфянэнгэ 1:12

Пал-дова́ со амэ радынасапэ далэ́стыр, ке́ли амари́ ладж патякирэла амэн, со амэ свэнтымаса и Дэвлытконэ́ чачипна́са на пир манушы́тко годы́, а пир Дэвлэ́скиро бахталыпэ́н дживдям пэ дава́ свэ́то, и буты́р сарэ́стыр, сыр амэ отлыджиямпэ кэ тумэ́.

Joannostir 1:47

Ису́со дыкхця́, со Нафанаило джа́ла кэ Ёв, и пхэндя́ пал лэ́стэ: “Ѓа́да, исын чачуно́ Израильтянино, саво́ исын би хохаибнаскиро.”

Ниеми́я 13:22

Мэ припхэндем Левитэ́нгэ, соб (кай) ёнэ тэ кэрэнпэ жужэ́ (чыста) и тэ явэ́н тэ рикирэ́н стрэ́га пэ по́рта, ваш дова́, соб (кай) тэ свэнкинэн дывэ́с саватытко. И пал дава́, “Ри́пир пал ма́ндэ, Дэ́вла, и приманг ман пир Пэ́скири лачхэ́-илы́ткима.”

Ниеми́я 5:19

Ри́пир, миро Дэ́вла, дро лачхипэ́н ма́нгэ саро́, со мэ кэрдём ваш далэ́ манушэ́нгэ (народоскэ)!

Яви́р Зако́но 6:18

кэр чачипэ́н и лачхипэ́н анги́л Ра́скирэ-Дэвлэ́скирэ якха́, соб (кай) шука́р тэ явэ́л ту́кэ, и соб (кай) ту тэ заджас и тэ хулаинэс лачхэ́ пхувья́са, сави́ Рай Дэвэ́л совлахадя́ тэ дэл тырэ́ дадэ́нгэ,

Psalmy 6:8

Мирэ́ якха́ на́бут дыкхэ́на мирэ́ калыпна́стыр. Ёнэ пхуранынэ мирэ́ вэргэ́ндыр.

1 Паралипоменоно 29:19

Соломоно́скэ, мирэ́ чхавэ́скэ, дэ ило́ чачуно́, соб (кай) ёв тэ ракхэ́л припхэныбэна́ Тырэ́, отчхакирибэн Тыро́ и упхэныбэна́ Тырэ́, и тэ кэрэ́л саро́ дава́ и тэ кэрэ́л кхэр, ваш саво́ мэ кэрдём запасы.”

Osija 12:4

Чачо́, ёв спробиндя зорья Янголоса, и ёв пиризорьякирдя Лэс; ёв рондя́ и ёв родыя бахтякирибэ́н Лэ́стыр. Ёв, Дэвэ́л, латхя́ лэс дрэ Вефи́лё и одо́й Ёв ракирдя́ амэ́нца.

Psalmy 119:80

Мэк тэ явэ́л миро ило́ бидошэ́нгиро дрэ Тырэ́ стату́ты, соб (кай) ма́нгэ тэ на явэ́л ладжаво.

Psalmy 102:9

Мирэ́ вэ́рги обракирэна ман со дывэ́с, и кодолэ́, савэ́ санапэ холямэс ма́ндыр, прокошэна ман.

Psalmy 32:2

Бахтало́ исын ману́ш, конэ́скэ Рай Дэвэ́л на загинэла лэ́скиро фуипэ́н, конэ́стэ нанэ хараныпэ́н (жэ́лучо) пэ ило́.

Psalmy 101:2

Мэ ява́ва тэ рикиравпэ годьварэс кэ бидошакиро джиибэ́н. Ке́ли Ту явэ́са кэ мэ? Мэ ява́ва тэ джива́в дро миро кхэр чачунэ́ илэ́са.

Psalmy 26:3

Пал-дова́ со Тыри́ лачхэ́-илы́ткима исын анги́л мирэ́ якха́. И мэ дживдём пир Тыро́ чачипэ́н.

Psalmy 16:8

Мэ кажно мо́ло рипирава, со Ту сан на́дур; пал-дова́ со Ту сан чачэ́ рига́тыр, мэ на ява́ва би радымакиро.

Ниеми́я 13:31

И кашта́ тэ янэ́н кэ пэ́скиро часо и англатунэ́ барьякирдэ́ (пло́ды). Ри́пир ман, Дэ́вла миро, ваш миро миштыпэ́н!

Ниеми́я 1:4

Сыр мэ шундём, мэ бэсцём и зарондём, и со́мас мэ дрэ ту́га ада́кицы дывэса́, рикирдём мэ бокхало посто и мангдёмпэ анги́л болыбна́скирэ Дэвлэ́стэ,

Е́здра 10:1

Акана́, сыр о Е́здра мангэласпэ Дэвлэ́скэ, и сыр Ёв приджинэлас лэ́нгирэ грэ́хи, рови́ и пэри шэрэ́са анги́л Кхэр (Кхангири́) Дэвлэ́скиро древа́н бут мануша́ скэдынэ́пэ: мурша́, джувля́ и бияты Израилёскирэ, ёнэ тэрдинэ́ екх пашы́л екхэ́стэ, ёнэ адя́кэ-паць рондлэ́ киркэс.

2 Паралипоменоно 25:2

И кэрдя́ ёв лачхэ́с дрэ Ра́скирэ-Дэвлэ́скирэ якха́, нэ на сарэ́ илэ́стыр.

2 Паралипоменоно 16:9

пал-дова́ со якха́ Ра́скирэ-Дэвлэ́скирэ обдыкхэна сари́ пхув, соб (кай) тэ подрикирэс одолэ́н, конэ́скиро ило́ сарэ́са отдыно́ Лэ́скэ. Нагодьварэс ту кэрдя́н акана́. Палдава́ далэ́ дывэсэ́ндыр явэ́на ту́тэ марибэна.”

1 Паралипоменоно 29:9

И радындлэпэ мануша́ зэвлыпнаскэ лэнгирэскэ, пал-дова́ со ёнэ сарэ́ илэ́стыр отдэнас Ра́скэ-Дэвлэ́скэ; адя́кэ-паць и кра́ли Дави́до древа́н радындяпэ.

3 Kralip 2:4

Соб (кай) Рай Дэвэ́л тэ сполнинэл лав Пэ́скиро, саво́ Ёв пхэндя́ пал ма́ндэ, ракири́: “Ко́ли чхавэ́ тырэ́ явэ́на тэ дыкхэ́н пал дрома́ пэ́скирэ, соб (кай) тэ псирэ́н анги́л Ма́ндэ дро чачипэ́н сарэ́ пэ́скирэ илэ́стыр и сарэ́ пэ́скирэ де́стыр, тэды мурш тырэ́ сэм΄ ятыр явэ́ла пэ Израилёскиро троно.”

Džiibén 17:1

Аврамоскэ сыс енядэша еня́ бэрш, и Рай Дэвэ́л сыкадыя́ Аврамоскэ и пхэндя́ лэ́скэ: “Мэ сом Сарэзорья́киро Рай Дэвэ́л; псир анги́л Ма́ндэ и яв бидошэ́нгиро;

Džiibén 6:9

Ѓа́да, исын лав пал Ноёскиро ро́до: Ноё сыс чачуно́ ману́ш и би грэхоскиро дро пэ́скиро ро́до, Ноё псирдя́ дро екхипэ́н анги́л Дэвлэ́стэ.

3 Kralip 15:14

Вучипэна́ на сыс пхагирдэ́. Нэ ило́ Аса́скиро сыс отдыно́ Ра́скэ-Дэвлэ́скэ дрэ сарэ́ лэ́скирэ джиибна́скирэ дывэса́.

1 Паралипоменоно 28:9

и ту Соломо́но, миро чхаво́, джин Дэвлэ́с тырэ́ дадэскирэс, и дынарин Лэ́скэ сарэ́ илэ́стыр и сарэ́ де́стыр, пал-дова́ со Рай Дэвэ́л спробинэла сарэ́ илэ и джинэ́ла сарэ́ ду́мы. Ко́ли ту явэ́са тэ родэс Лэс, тэды латхэса Лэс, а ко́ли ячкирэса Лэс, Ёв ячкирэ́ла тут сарэ́са.

Psalmy 6:6

Пал-дова́ со муло́ на явэ́ла тэ рипирэл Тут. Кон явэ́ла тэ парикирэл Ту́кэ маґилатыр?

Isajos 38:2

Тэ́ньци Езэки́я рисия́ мо́са кэ ва́нта и мангэласпэ Ра́скэ-Дэвлэ́скэ и ракирэ́лас:

Isajos 38:4

Сыс Ра́скирэ-Дэвлэ́скиро лав кэ Исаё, и сыс пхэндло́:

4 Kralip 18:3

И кэрдя́ ёв лачхэ́с дрэ якха́ Ра́скирэ-Дэвлэ́скирэ дро саро́ адя́кэ, сыр кэрдя́ Дави́до, лэ́скиро дад.