Isajos 38:16 - Библия - Пэ Балтитко Романи чиб (Романэс) 2019

¹⁶ Раё Дэ́вла! Адя́кэ дживэ́на далэ́ мануша́, дро саро́ дава́ дживэ́ла миро ду́хо (фа́но), Ту састякирэса ман, и дэ́са ма́нгэ джиибэ́н.

Biblija - Pe Baltitko Romani čib (Romanes) 2019

¹⁶ Rajo Dévla! Adiáke dživéna dalé manušá, dro saró davá dživéla miro dúho (fáno), Tu sastiakiresa man, i désa mánge džiibén.

Isajos 38:16 Referans Kwoze

1 Коринфянэнгэ 11:32

Нэ Дэвэ́л сэндякирэ́ла и чхувэ́ла хась (ка́ра) пэ амэ́ндэ, соб (кай) амэн тэ на сэндинэ́н кхэтанэ́ свэтоса.

Матфеё 4:4

Нэ Ёв отпхэндя́ лэ́скэ: “Исын чхиндло́: ‘На марэ́са екхэ́са дживэ́ла ману́ш, а кажнонэ́ лавэ́са, со джа́ла яври́ Дэвлэ́скирэ уштэндыр’”

Psalmy 119:25

Миро ди пририкирдо зоралэ́с кэ пра́хо; джидякир ман пир Тыро́ лав.

Isajos 64:5

Ту лачхипна́са прилэсас одолэ́с, кон радынэласпэ и кэрэ́лас пир чачипэ́н, кон рипирэлас пал Ту́тэ пэ Тырэ́ дрома́. Нэ, акэ, Ту холясыян, пал-дова́ со амэ гара (длу́гэс) лыям тэ кэра́с грэ́хи; и сыр же амэ зракхасапэ?

Psalmy 71:20

Ту дыя́н ма́нгэ тэ пиридживав пхарэ́ и фуй дывэса́; нэ Ту и джидякирэса ман нэвэ́стыр и Ту вылыджаса нэвэ́стыр ман пхувья́кирэ хорипнастыр.

Яви́р Зако́но 8:3

Ёв штылякирдя тут, спробиндя пхарэ́с (мориндя) тут бокхаса и чалякирдя тут маннаса, сави́ ту на джиндян, и на джиндлэ́ тырэ́ дада́, соб (кай) тэ сыкавэ́л ту́кэ, со на екхэ марэ́са дживэ́ла ману́ш, нэ кажнонэ́ лавэ́са, саво́ джа́ла Дэвлэ́скирэ уштэндыр, дживэ́ла ману́ш.

2 Коринфянэнгэ 4:17

Пал-дова́ со амарэ́ кро́тка и локхэ́ пиридживибэна янэ́на бут-бут барэды́р ве́чно сла́ва,

Юдэ́нгэ 12:9

И ишчо (инкэ́): ке́ли амэ́ндэ сыс дада́ пир амаро́ рат, савэ́ сыклякирдэ́ амэн, и палдава́ амэ кутякирдям лэн, тэды ци пэ бут буты́р амэ́нгэ трэй тэ кандас амарэ́ Дадэ́с пэ ду́хо (фа́но), соб (кай) тэ джива́с?

Psalmy 39:13

Шун мири́ па́тери (моли́тва), о Раё Дэ́вла, и причху́в кан, со мэ ровава, на яв штыл мирэ́ ясвэндыр, со мэ сом чу́жо ману́ш Ту́кэ, саво́ лодэла, сыр сыс мирэ́ дада́.

Psalmy 119:71

Ту пририкирдян ман ваш миро лачхипэ́н, соб (кай) ма́нгэ тэ высыклёвав Тырэ́ стату́ты.

Psalmy 119:75

Мэ джино́м (джина́в), о Раё Дэ́вла, со Тыро́ сэ́ндо исын чачуно́, и со Ту тасадян ман пир Тыро́ чачипэ́н.

Psalmy 30:3

О Раё Дэ́вла, Дэвэ́л миро, мэ да́ва го́дла кэ Ту тэ помогинэс, и Ту састякирдян ман.