Isajos 34:9 - Библия - Пэ Балтитко Романи чиб (Романэс) 2019

⁹ Рэ́ки лэ́скирэ сыр смола ячэ́на, пра́хо лэ́скиро ячэ́ла дзэвэляса (сераса) и явэ́ла пхув лэ́скири сыр хачкирды смола.

Biblija - Pe Baltitko Romani čib (Romanes) 2019

⁹ Réki léskire syr smola jačéna, práho léskiro jačéla dzeveliasa (sierasa) i javéla phuv léskiri syr xačkirdy smola.

Isajos 34:9 Referans Kwoze

Яви́р Зако́но 29:23

‘Сера (дзэвэля) и лонд, схачкирибэ́н пир сари́ пхув; ёй на сеинэлапэ и на барьякирэ́ла, и на выджа́ла пэ ла́тэ ни сави́ чар, сыр пало́ (после) дова́, ке́ли сыс хасякирдэ́ Содо́мо, Гомо́ра, Адма и Севоимо, савэ́ хасякирдя́ Рай Дэвэ́л дрэ холы́ Пэ́скири, и дрэ Пэ́скиро мижэхипэн’.

Psalmy 11:6

Ёв кэрэ́ла, со болыбна́стыр пэрэ́на брышында́, хачкирдэ́ вангара и зэвэлытка (серна) бара́ и хачкирды балва́л, со пэкэла, акэ, со явэ́ла лэ́нгэ Дэвлэ́стыр.

Sykadyipén 21:8

А даранду́ки, напатяибна́скирэ, магирдэ́ дро вари-со, замарибна́рья; одолэ́, кон кэрдя́ биладжаипэ́н, човаханэ́, кон клониндяпэ патыва́са (кэрдэ шэрэ́са) идолэ́нгэ, хохаибна́рья-лэ́нгири паш явэ́ла кхэтанэ́ дро зеро (озеро), со хачола яга́са и дзэвэля́са (сераса); дава́ исын-яви́р мэрибэ́н.”

Sykadyipén 19:20

И рискирибна́скиро мурда́л сыс лыно́ и кхэтанэ́ лэ́са хохано́ проро́ко, саво́ кэрдя́ ди́вы анги́л лэ́стэ, савэ́нца ёв хохавэлас манушэ́н, савэ́ дорэснэ́ рискирибна́скирэ-мурдалэ́скири шпэ́ра сыр клеймо и клониндлэпэ патыва́са мурдалэ́скирэ патриня́кэ (образо́скэ). Ёнэ сыс чхурдынэ́ джидэнца дро зеро (озеро) яга́са, со хачолас дзэвэляса (сераса).

Juda 1:7

адя́кэ сыр Содо́мо и Гомо́ра и пашатунэ́ форицы, савэ́ адя́кэ-паць, сыр одолэ́ Янго́лы отдынэ́ пэс пэ блэ́ндо и ваш тырдыпэ́н кэ яви́р манушы́тко лоч: далэ́ фо́рья сыс схачкирдэ́ вечнонэ яга́са сыр приме́ро (сыкаибэ́н) тумэ́нгэ.

Luka 17:29

нэ дро дова́ дывэ́с, ке́ли Лото выгия́ Содомостыр, ягитко и дзэвэликано́ (серно) брышы́нд гия́ болыбна́стыр и хасякирдя́ сарэ́н;

Ióvo 18:15

Дрэ лэ́скири ша́тра явэ́на тэ дживэ́н чу́жа мануша́, а се́ра (дзэвэ́ля) почхувэна пир лэ́скиро кхэратуно штэ́то:

Džiibén 19:28

и подыкхця́ пэ Содо́мо и Гомо́ра, и пэ саро́ штэ́то, со сыс пашы́л, и дыкхця́: ґа́да, тхув (дымо) ґаздэ́лапэ пхувья́тыр, сыр тхув бовэстыр.

Isajos 30:33

Пал-дова́ со Тофето ґара́ кэрдо́; ёв сыс кэрдо́ ваш крали́скэ, ёв исын хор и бугло; дрэ яг лэ́скири бут кашта́ чхудэ́; пхурдыпэн Ра́скирэ-Дэвлэ́скиро лэс захачкирэла лэс сыр хачкирды се́ра (дзэвэ́ля).

Ереме́ё 49:13

Пал-дова́ со Мэ совлахадём Мирэ́ Лавэ́са”, – ракирэ́ла Рай Дэвэ́л, “со пэ Восоро (Хацоро) явэ́на тэ дивинэнпэ трашаса, лэ́скэ явэ́ла бипатыв, прокошыбэ́н (арман) и ёв ячэ́ла чхучо́. И сарэ́ лэ́скирэ форье́ндыр явэ́на ўса́ды / сак (всегда) чхучэ́ штэ́ты.”