Isajos 34:6 - Библия - Пэ Балтитко Романи чиб (Романэс) 2019

⁶ Курта́ла Ра́скирэ-Дэвлэ́скири пхэрдёла ратэ́са, тхулёла бакрэскирэ и бузнэскирэ ратэстыр, бакрэскирэ тхулыпнастыр, пал-дова́ со свэ́нто дыибэ́н (жэ́ртва) исын кэ Рай Дэвэ́л дрэ Восоро, баро́ замарибэн исын пэ Едомоскири пхув.

Biblija - Pe Baltitko Romani čib (Romanes) 2019

⁶ Kurtála Ráskire-Devléskiri pherdjola ratésa, thuljola bakreskire i buzneskire ratestyr, bakreskire thulypnastyr, pal-dová so svénto dyibén (žértva) isyn ke Raj Devél dre Vosoro, baró zamariben isyn pe Jedomoskiri phuv.

Isajos 34:6 Referans Kwoze

Isajos 63:1

Кон дава́ джа́ла Едомостыр, джа́ла дрэ лолэ́ и́ди Восоростыр, адасаво́ баро́ дро Пэ́скиро урибэ́н, Саво́ выджа́ла дро Пэ́скирэ-зорьякиро пхэрдыпэн? “Мэ сом Одова́, Кон пхэнэ́ла чачипэ́н, зорало́, соб (кай) тэ зракхав.”

Ереме́ё 49:13

Пал-дова́ со Мэ совлахадём Мирэ́ Лавэ́са”, – ракирэ́ла Рай Дэвэ́л, “со пэ Восоро (Хацоро) явэ́на тэ дивинэнпэ трашаса, лэ́скэ явэ́ла бипатыв, прокошыбэ́н (арман) и ёв ячэ́ла чхучо́. И сарэ́ лэ́скирэ форье́ндыр явэ́на ўса́ды / сак (всегда) чхучэ́ штэ́ты.”

Софония 1:7

Яв штыл анги́л Растэ Дэвлэ́стэ, пал-дова́ со Ра́скирэ-Дэвлэ́скирэ Дывэ́с исын пашы́л, пал-дова́ со Рай Дэвэ́л исын скэдыно́ тэ янэл свэ́нто дыибэ́н, Ёв посвэнцындя Лэ́скирэ манушэ́н, савэ́н Ёв замангдя.

Ереме́ё 51:40

“Мэ яна́ва лэн сыр бакрорэ́н тэл чхури, сыр бакрэ́н бузнэнца (козлэнца).

Ереме́ё 50:27

Чхинэн сарэ́ ла́кирэ гурувэ́н: мэк ёнэ сарэ́ тэ джа́н тэл чхури! Бида пэ лэ́ндэ! Лэ́нгиро дывэ́с явдя́, соб (кай) лэн пхарэ́с тэ сэндякирэн.

Isajos 63:3

“Мэ тасадём ґэрэ́нца екхджино́, на сыс Ма́нца нико́н народо́стыр. Мэ тасадём лэн дрэ Мири́ холы́, дро Миро холямипэн, Мэ пэ лэ́ндэ ґаздаваспэ; лэ́нгиро рат прочхудяпэ пэ Мирэ́ и́ди, Мэ замакхцём саро́ Пэ́скиро урибэ́н.

Isajos 34:5

Скэдыны исын пэ болыбэ́н Мири́ курта́ла, акэ, ваш сэ́ндо змэкэлпэ ёй пэ Едомо, и пэ народо, конэ́с Мэ отдыём прокошыбнаскэ.

Яви́р Зако́но 32:14

гурумнитконэ ксилэса, и бакранэ тхудэса, и масэса тэрнэ́ бакрэнгирэса и Васаноскирэ бакрэнца и бузнэнца, и выкэдымэ пшэницаса (парнэ́ тивэса), и ту, Израилё, пиян мол (вино), рат винаградоскирэ мурьенгиро.

Езэкилё 21:10

Кэрды востро (чолалы) ваш дова́, соб (кай) бут тэ мулякирэ́л, жужакирды, соб (кай) тэ хачол, сыр блискавица. Ци трэй амэ́нгэ тэ радынаспэ, со Мирэ́ – чхавэ́скирэ дэсто́ исын вучэды́р кажнонэ́ каштэ́стыр?

Яви́р Зако́но 32:41

Ке́ли востринава Мэ курта́ла Мири́ зяиндлы, и васт Миро прилэ́ла сэ́ндо, то тэды отхава (отда́ва) палэ Мэ Мирэ́ вэргэ́нгэ, и конэ́скэ Мэ на сом дро́го, Мэ отда́ва;

2 Kralip 1:22

Би ратэскиро раненэндыр, би тукоскиро (чэкэноскиро) зоралэнгирэ Ионафаноскиро лу́ко на рисия́ палэ, и Саулоскири курта́ла на рисия́ чхучи́ (пусто).

1 Паралипоменоно 1:44

и мыя́ Бэла, и яця́ крали́са пал лэ́стэ Иоваво, чхаво́ Зерахоскиро, Восоратыр.

Psalmy 137:7

О, Раё Дэ́вла! Ри́пир Эдомоскирэ чхавэ́нгэ пал Ерусалимоскиро дывэ́с, савэ́ пхэндлэ́: “Пхагирэн сарэ́са! Пхагирэн сарэ́са кэ са́мо пхув.”

Isajos 65:12

Мэ тумэн отда́ва курталакэ; тумэ́ пэрэ́на пэ чанга́ и тумэн замарна, пал-дова́ со Мэ кхардём и тумэ́ на отпхэндлэ́, ракирдём – тумэ́ на шунэнас, а кэрэ́нас накуч анги́л Мирэ́ якха́ и выкэдэнас дова́, со сыс Ма́нгэ на пир ило́.’”

Ереме́ё 12:12

Мижэх чора явэ́на пэ вучэ́ штэ́ты пир чхучэ́ прахи, пал-дова́ со Мэ, Рай Дэвэ́л, бичхава́ва курта́ла екхэ ягоро́стыр пэ пхув кэ яви́р; со на явэ́ла рама́нё ни екхэ джидэ́ дескэ.

Ереме́ё 25:34

Тугинэн роибнаса, чхупна́рья (пастыри), и ровэ́н! Катынэнпэ дрэ пра́ска, барэ́ шэрэ́ пир ґурто! Пал-дова́ со подгинэ́ дывэса́, соб (кай) тумэн тэ хасякирэ́н, и тэ росчхурдэн; тумэ́ пэрэ́на сыр куч кхорэ́ (сасу́ды).

Ереме́ё 46:10

Пал-дова́ со дава́ исын дывэ́с Ра́скирэ-Дэвлэ́скиро, болыбна́скирэ-янголэ́нгиро дывэ́с, со Рай Дэвэ́л рискирэ́ла (отдэ́ла) палэ фуипэ́н, соб (кай) тэ отхал (отдэ́л) палэ (рискирэ́л фуипэ́н) пэ Пэ́скирэ вэргэ́ндэ. Э курта́ла явэ́ла тэ чхинэл и ёй чалёла, и ёй матёла лэ́нгирэ ратэстыр. Пал-дова́ со Рай Дэвэ́л, болыбна́скирэ-янголэ́нгиро Дэвэ́л прилэ́ла свэ́нто дыибэ́н дрэ паш-рати́тко (севе́рно) пхув пашы́л рэка (лэнь) Евфрато.

Ереме́ё 49:7

Пал Эдо́мо адя́кэ ракирэ́ла болыбна́скирэ-янголэ́нгиро Рай Дэвэ́л: “Со нанэ буты́р годыпэ́н дро Фемано? Ци со барэ́-годякирэ мануша́ пириячнэ тэ дэн годы́ явирэ́нгэ? Ци со годыпэ́н нашадыя?

Езэкилё 35:8

Пхэрдякирава Мэ ла́кирэ вучэ́ штэ́ты домардэ́ манушэ́нца; пэ тырэ́ бэ́ргицы, пэ Тырэ́ долы, пэ сарэ́ Тырэ́ хор штэ́ты явэ́на тэ пэрэ́н домардэ́ куртала́са.

Езэкилё 35:15

Сыр ту радынэсаспэ, со чхучи́ яця́ Израилёскирэ-кхэрэ́скири пхув, адя́кэ и Мэ кэра́ва ту́са: ту явэ́са чхучи́, бэ́рга Сеиро, кхэтанэ́ сарэ́ Идумеяса, и сарэ́ ґалёна, со Мэ сом Рай Дэвэ́л, Дэвэ́л.’”

Amoso 1:11

Адя́кэ ракирэ́ла Рай Дэвэ́л: “Пал трин чорипэна, со кэрдэ́ мануша́ Эдомостыр, и пал штар чорипэна, Мэ на отмэка́ва лэ́нгэ банг, пал-дова́ со ёнэ традэнаспэ пал пэ́скирэ пшалэ́стэ куртала́са и ёнэ на тангиндлэ лэн сыр сэмэ́нца, и лэ́нгири холы́ хачолас бипириячыбнаскиро, и ёнэ ўса́ды (сак) рикирэнас холы́ (мижэхипэн).

Isajos 29:2

Нэ Мэ тасавава Ариило, явэ́на тэ годлэн, явэ́на тэ ровэ́н, и ёв ячэ́лапэ Ма́ндэ, сыр Ариило.