Isajos 34:3 - Библия - Пэ Балтитко Романи чиб (Романэс) 2019

³ Лэ́нгирэ замардэ́ мануша́ явэ́на росчхурдынэ, и закхандэна лэ́нгирэ тру́пы, бэ́рги явэ́на киндлэ лэ́нгирэ ратэстыр.

Biblija - Pe Baltitko Romani čib (Romanes) 2019

³ Léngire zamardé manušá javéna rosčhurdyne, i zakhandena léngire trúpy, bérgi javéna kindle léngire ratestyr.

Isajos 34:3 Referans Kwoze

Ioil 2:20

И Мэ дурьякирава тумэ́ндыр халадыбэ́н паш-ратитконэ́ (севернонэ) рига́тыр, и Мэ традава лэн криг пэ бипанескири и чхучи́ пхув, лэ́нгирэ муенца тэ рисён кэ васточно мо́рё (дэрья́в), и лэ́нгирэ думэнца тэ рисён кэ пал-панитко (за́падно) мо́рё (дэрья́в). Лэ́нгири кхан явэ́ла тэ ґаздэлпэ, и джунгало́ (брыдко) кхандыпэн лэ́ндыр джа́ла упрэ́, пал-дова́ со ёнэ кэрдэ́ барэ́ ди́вы.

Езэкилё 39:4

Ту пэрэса пэ Израилёскирэ бэ́рги, ту и сарэ́ тырэ́ халадэ́нгирэ полки, сарэ́ народы, савэ́ исын ту́са; Мэ отда́ва, соб (кай) тэ хан тут рискирибна́скирэ (хишчна) чирикля́ и фэлды́тка рискирибна́скирэ мурдала́.

Isajos 34:7

Гурува пэрэ́на лэ́нца, и гуруворэ кхэтанэ́ гурувэнца; чалякирэлапэ (панякирэлапэ) пхув лэ́нгирэ ратэ́са; пра́хо чалёла лэ́нгирэ тхулыпнаса.

Sykadyipén 14:20

и сыс штакирдэ (стопчындлэ) му́ри дро пресо, пало́ фо́ро, и рат тхадыя пресостыр кэ грэ́нгирэ шварья́ ручаёса пэ трин шэла́ километры (вэрсты) длэнгипна́са и пашы́л дуй шэла́ мэтры дро хорипэ́н.

Amoso 4:10

“Мэ бичхававас пэ тумэ́ндэ мэрибнытка фра́нсы, сыр и пэ Еги́пто: Мэ мулякиравас тумарэ́ тэрнэ́ муршэ́н куртала́са кхэтанэ́ грэнца, савэ́н лэнас дро пле́но; Мэ кэравас адя́кэ, доя́ кхан (смрадо) ґаздэласпэ пир тумарэ́ станы (таборы) дрэ тумарэ́ рутхуня, нэ тумэ́ на рисинэ́ кэ Мэ”, – ракирэ́ла Рай Дэвэ́л.

Езэкилё 39:11

“Явэ́ла дро дова́ дывэ́с: Мэ да́ва Гогаскэ штэ́то ваш мэрибэ́н дро Израилё: до́ло, кай проджа́на мануша́, пэ васто́ко морёстыр (дэрьявэстыр); дава́ штэ́то явэ́ла тэ зарикирэл кажнонэс, кон тэ на джа́лас пашы́л одо́й; гаравэна одо́й Гогас и саро́ лэ́скиро-халадыбэ́н; явэ́на тэ кхарэ́н дава́ штэ́то, Гогаскирэ халадэ́нгиро табороскиро до́ло.

Езэкилё 38:22

И Мэ ява́ва Тэ сэндякирав пхарэ́с лэс; Мэ выкхарава пэ лэ́стэ мэрибнытка фра́нсы и ратвало домарибэн, и Мэ вычхувава пэ лэ́стэ, пэ лэ́скирэ халадэ́нгирэ полки, пэ бут народы, савэ́ исын лэ́са тасадыпнаскиро брышы́нд, саво́ сарэ́н хасякирэ́ла, баруно градо, яг и се́ра (дзэвэ́ля).

Езэкилё 35:6

Пал дава́ – ‘Тэ джива́в Мэ’, – ракирэ́ла Рай Дэвэ́л, Дэвэ́л, Мэ кэра́ва тут ратэ́са, рат явэ́ла тэ традэлпэ пал ту́тэ; ту нашты́ тэ дыкхэ́с, ко́ли чхувэласпэ рат, палдава́ рат и традэлапэ пал ту́тэ.

Езэкилё 14:19

Ко́ли Мэ тэ бичхавав пэ доя́ пхув мэрибнытка фра́нсы, и тэ вычхував пэ ла́тэ Миро холямипэн тэ чхувэлпэ дро рат, соб (кай) тэ хасякира́в пэ пхув манушэ́н и кхэритконэ́ мурдалэ́н (ското),

Ереме́ё 22:19

И гаравэна лэс сыр осло́с, вытырдэна лэс, и чхурдэна лэ́скиро тру́по пал Ерусалимо́скири по́рта.’

Isajos 10:4

Би Миро тумэ́ бандёна машки́р манушэ́ндэ, савэ́н залынэ дро бэшыбэн, пэрэ́на машки́р домардэ́ манушэ́ндэ. Пир саро́ дава́, Лэ́скири холы́ на пириячэ́ла и васт Лэ́скиро исын протырдыно.

Isajos 66:24

“И ёнэ явэ́на тэ выджа́н и явэ́на тэ дыкхэ́н одолэ́-манушэ́нгирэ тру́пы, кон отгия́ Ма́ндыр; пал-дова́ со кирмо лэ́нгиро на хасёла, и яг лэ́нгири на мурдёла; ёнэ явэ́на сыр джунгалыпэ́н (магирипэ́н) ваш кажно лоч (плоть).”

Ереме́ё 25:33

И бари хась (хасибэ́н) пэ манушэ́ндэ явэ́ла Ра́стыр-Дэвлэ́стыр дро дова́ дывэ́с екхэ ягоро́стыр пэ пхув аж кэ яви́р яго́ро пэ пхув: нико́н на явэ́ла тэ обровэл лэн, нико́н на укэдэла лэн, нико́н на явэ́ла тэ гаравэл лэн, ёнэ явэ́на сыр гнэё, пир сари́ пхув.

Naumo 3:3

Уклистэнгирэ халадэ́ сы́гэс вурняна зяиндлэ курталэнца, марибны́тка бустя́ отмарнапэ зяиндлэ курталэнца; бут исын замардэ́, бут бут исын мулэ́ тру́пы, со нашты́ тэ погинэс: – ёнэ обштавэнапэ пир тру́пы.

Езэкилё 32:4

И вычхурдава Мэ тут пэ пхув, чхурдава Мэ тут пэ откэрды фэ́лда, и явэ́на тэ бэшэ́н пэ ту́тэ ра́зна болыбны́тка чирикля́, явэ́на тэ хан тут рискирбнаскирэ мурдала́ (звери) сарэ́ пхувья́тыр.