Isajos 34:2 - Библия - Пэ Балтитко Романи чиб (Романэс) 2019

² Холы́ Ра́скирэ-Дэвлэ́скири ґаздыя́пэ пэ сарэ́ народы, пэ сарэ́ лэ́нгирэ халадыбэна (халадэ́ндэ). Ёв совлахадя́ пал лэ́ндэ, отдыя́ лэн пэ хасибэ́н.

Biblija - Pe Baltitko Romani čib (Romanes) 2019

² Xolý Ráskire-Devléskiri ĥazdyjápe pe saré narody, pe saré léngire xaladybena (xaladénde). Jov sovlahadiá pal lénde, otdyjá len pe xasibén.

Isajos 34:2 Referans Kwoze

Софония 3:8

“Палдава́ ужакирэн Ман”, – ракирэ́ла Рай Дэвэ́л, – “кэ/ жы́ко дава́ дывэ́с, дро саво́ Мэ ява́ва тэ бангякирав. Миро припхэныбэ́н исын дасаво, соб (кай) тэ кэдав кхэтанэ́ кралипэна́ тэ вычхував пэ лэ́ндэ Мири́ холы́, сари́ Мири́ бари холын; пал-дова́ со Мирэ́-зэвлыныпнаскири яг похала сари́ пхув.

Заха́рия 14:3

Тэ́ньци явэ́ла Рай Дэвэ́л и холясо́ла пэ Наюды́тка на́цыи, сыр холя́сыя пэ лэ́ндэ дро марибнаскиро дывэ́с.

Isajos 30:25

И пэ кажно бэ́рга, пэ кажно бэ́ргица тхадэ́ла пани́, дава́ явэ́ла дрэ баро́ марибны́тко дывэ́с, ко́ли вучэ́ кхэра́ пэрэ́на.

Isajos 13:5

Ёнэ джа́на дуратунэ́ рига́тыр, болыбна́скирэ ягоро́стыр (краёстыр) Рай Дэвэ́л и струме́нты Лэ́скирэ холя́тыр, соб (кай) тэ хасякирэ́н сари́ пхув.

Sykadyipén 20:15

И ко́ли вари-кон на сыс латхно дрэ джиибнаскри лылвари́, ёв сыс чхурдыно́ дро зеро (озеро) яга́са.

Sykadyipén 20:9

И яг пыя́ болыбна́стыр и хая лэн. И ёнэ гинэ́ сарэ́са пир пхувья́киро буґлыпэ́н и облынэ свэнтонэ́ Дэвлэ́скиро фо́ро, со сыс дро́го Дэвлэ́скэ.

Римлянэнгэ 1:18

Пал-дова́ со болыбна́стыр зджа́ла Дэвлэ́скири холы́ пэ кажно бидэвлыткима и пэ манушэ́нгиро хохаибэ́н, савэ́ пэ́скирэ начачипнаса хасякирэна чачипэ́н.

Isajos 10:5

“О, Асуре, дэсто́ Мирэ́ холя́тыр! Чхупны дро лэ́скиро васт исын Мири́ холы́!

Isajos 13:6

Ровэ́н, джа́ла Ра́скирэ-Дэвлэ́скиро дывэ́с, джа́ла, сыр зор, сави́ пхагирэ́ла саро́, Сарэзорьякирэстыр.

Isajos 26:20

Джа́, миро народо, заджа́ дро тыро́ кхэр, закэр вудара́ пал пэ́стэ, гарадёв пэ на́бут, анги́л сыр проджа́ла холы́.

Isajos 61:2

Соб (кай) тэ пхэна́в пал лачхо́ бэрш Ра́скирэ-Дэвлэ́скиро, пал дывэ́с, ко́ли пхэрдёла холы́ амарэ́ Дэвлэ́скири, тэ подрикирав сарэ́н, дрэ конэ́стэ исын ту́га (тугинэла).

Isajos 63:6

Тэл ґэра́ Мэ чхудём народы дрэ Мири́ холы́, хасякирдём лэн дэ Мири́ холы́, и вычхудём пэ пхув лэ́нгиро рат.”

Isajos 65:12

Мэ тумэн отда́ва курталакэ; тумэ́ пэрэ́на пэ чанга́ и тумэн замарна, пал-дова́ со Мэ кхардём и тумэ́ на отпхэндлэ́, ракирдём – тумэ́ на шунэнас, а кэрэ́нас накуч анги́л Мирэ́ якха́ и выкэдэнас дова́, со сыс Ма́нгэ на пир ило́.’”

Isajos 66:14

И тумэ́ дыкхэ́на дава́, и обрадынэлапэ тумаро́ ило́; кокалы́ тумарэ́ сы́рбы нэвэ ячэ́на, сыр зэлэны чар, и одкэрлапэ Ра́скиро-Дэвлэ́скиро васт кэ Лэ́скирэ писха́рья, а пэ пэ́скирэ вэргэ́ндэ Ёв холясо́ла.

Ереме́ё 25:32

Адя́кэ ракирэ́ла Рай Дэвэ́л болыбна́скирэ-янголэ́нгиро: ‘Акэ, биба́хт (бари би́да) явэ́ла тэ джал екхэ нацыятыр кэ яви́р, и баро́ штормо ґаздэ́лапэ дуратунэ́ ягорэндыр (краендыр) пэ пхув.’”

Ереме́ё 25:33

И бари хась (хасибэ́н) пэ манушэ́ндэ явэ́ла Ра́стыр-Дэвлэ́стыр дро дова́ дывэ́с екхэ ягоро́стыр пэ пхув аж кэ яви́р яго́ро пэ пхув: нико́н на явэ́ла тэ обровэл лэн, нико́н на укэдэла лэн, нико́н на явэ́ла тэ гаравэл лэн, ёнэ явэ́на сыр гнэё, пир сари́ пхув.

Vygiiben 8:14

И скэдынэ́ лэн дрэ кучы, и закхандыя пхув.

Isúso 11:20

пал-дова́ со Ра́стыр-Дэвлэ́стыр сыс дова́, со ёнэ холякирдэ ило́ пэ́скиро и марибна́са стрэниндлэ Израилё, ваш дова́, соб (кай) тэ явэ́н отдынэ́ совлахакэ и соб (кай) тэ на явэ́л лэ́нгэ отмэкибэн, нэ, соб (кай) тэ явэ́н протрадынэ адя́кэ, сыр припхэндя́ Рай Дэвэ́л Мойза́скэ.

Psalmy 2:5

Тэ́ньци Ёв пхэнэ́ла лэ́нгэ дрэ Пэ́скири холы́ и Ёв страхакирэла лэн Пэ́скирэ барэ́ холынаса:

Isajos 66:16

Рай Дэвэ́л явэ́ла тэ сэндинэл кажно лоч (плоть), яга́са и холя́са, бут манушэ́н Ёв хасякирэ́ла.

Ереме́ё 25:31

Глумо (шумо) доджа́ла кэ яго́ры (кэ краи́) пхувья́кирэ: пал-дова́ со Растэ-Дэвлэ́стэ исын чинга́рд (споро) Наюдытконэ́ нацые́нца, Ёв явэ́ла тэ лыджа́л сэ́ндо кажнонэ́ лочаса (плотяса), нэ фуе́ манушэ́н Ёв бичхавэ́ла сарэ́н тэл курта́ла,” – адя́кэ ракирэ́ла Рай Дэвэ́л.

Езэкилё 36:5

Палдава́ адя́кэ ракирэ́ла Рай Дэвэ́л, Дэвэ́л: “Дрэ Мири́ зэвлыныпнаскири яг Мэ пхэндём лав пэ яви́р народы, пэ сари́ Идумея, пэ народы, савэ́ думинэнас тэ залэн Мири́ пхув пэ́скэ; илэ́скирэ радыма́са и налачхэ́ дыкхибнаса дро ди камэнас тэ залэн ла пэ́скэ.”