Isajos 34:1 - Библия - Пэ Балтитко Романи чиб (Романэс) 2019

¹ Явэ́н, народы! Шунэ́н и прилэ́н, кхэри́тка ро́ды (пле́ми)! Мэк тэ шунэ́л пхув и саро́, со исын пэ ла́тэ, баро́ свэ́то (лот) и саро́, со бияндёла дрэ лэ́стэ!

Biblija - Pe Baltitko Romani čib (Romanes) 2019

¹ Javén, narody! Šunén i prilén, kherítka ródy (pliémi)! Mek te šunél phuv i saró, so isyn pe láte, baró svéto (lot) i saró, so bijandjola dre léste!

Isajos 34:1 Referans Kwoze

1 Коринфянэнгэ 10:26

Пал-дова́ со пхув исын Дэвлэ́скири и саро́, со исын пэ пхув, исын Дэвлэ́скиро.

Isajos 43:9

Мэк сарэ́ народы тэ скэдэ́нпэ кхэтанэ́, и сарэ́ кхэри́тка ро́ды тэ явэ́н кхэтанэ́. Кон машки́р лэ́ндэ дава́ анги́л пхэндя́? Мэк тэ пхэнэ́н, со сыс англэды́р сарэ́стыр, мэк тэ дэн кхэри́тка пэ́скирэ манушэ́н тэ досыкавэн (тэ допхэнэн) пал дава́, мэк тэ пхэнэ́н пал пэ́стэ чачипэ́н, соб (кай) тэ шунэ́с и тэ пхэнэ́с: “Чачо́!”

Isajos 41:1

“Явэ́н штыл анги́л Ма́ндэ, островы, и мэк манушы́тка на́цыи тэ кэдэн нэвэ́стыр пэ́скиро зоралыпэ́н! Мэк ёнэ тэ явэ́н пашы́л, и мэк ёнэ тэ пхэнэ́н: ‘Тэрдёваса кхэтанэ́ пашылэды́р пэ сэ́ндо.’

Isajos 1:2

Шунэ́н, болыбэна, пошун, пхув, пал-дова́ со пхэнэ́ла Рай Дэвэ́л: “Мэ барьякирдём, ґаздыём чхавэ́н, а ёнэ ґаздынэ́пэ пэ Ма́ндэ.

Ереме́ё 22:29

О пхув, пхув, пхув! Шун Ра́скирэ-Дэвлэ́скиро лав!

Isajos 33:13

Шунэ́н, дуратунэ́, со Мэ кэра́ва, и тумэ́, пашатунэ́, галён Миро зоралыпэ́н.”

Яви́р Зако́но 32:1

“Причху́в кан, болыбэ́н, со мэ ява́ва тэ ракира́в; и шун, пхув, лава́ мирэ́ уштэнгирэ.

Sykadyipén 2:7

Конэ́стэ исын кана́, мэк ёв тэ шунэ́л дова́, со Ду́хо (Фа́но) пхэнэ́ла кхангирье́нгэ. Одолэ́стэ, кон лэ́ла упралыпэ́н, Мэ да́ва лэ́скэ право тэ хал джиибна́скирэ каштэ́стыр (дрэвостыр), со барьёла дро Дэвлэ́скиро Раё.”

Isajos 49:1

Шунэ́н Ман, островы (пхувья́ пэ мо́рё (дэрья́в)). Шунэ́н, дуратунэ́ народы: Рай Дэвэ́л прикхардя ман, (Израилё), да́кирэ лочовя́тыр; Мэ ишчо (инкэ́) на бияндыём, а Ёв кхарэлас Ман пир лав.

Isajos 18:3

Сарэ́ тумэ́, кон дживэ́ла пэ свэ́то и пэ пхув! Дыкхэ́н, ко́ли шпэ́ра марибны́тко ґаздэ́лапэ пэ бэ́рги, и ко́ли башады забашавэла, то шунэ́н!

Psalmy 96:10

Пхэнэ́н машки́р Наюды́тка на́цыи, со Рай Дэвэ́л кралинэла! Ёв адя́кэ-паць зоралэ́с зачхудя свэ́то, со на кхарэ́лапэ криг (на зджа́ла) штэто́стыр. Дэвэ́л явэ́ла тэ сэндякирэ́л манушэ́н пир чачипэ́н.

Psalmy 50:1

Асафоскиро Пса́лмо. Дэвэ́л дэвлэнгиро, Сарэзорья́киро Рай Дэвэ́л пхэндя́ и кхарэ́ла сари́ пхув ягоро́стыр, кай кхам уштэ́ла и кэ яго́ро (краё), кай кхам джа́ла тэлэ́.

Psalmy 24:1

Давидо́скиро Пса́лмо. Сари́ пхув исын Дэвлэ́скири и саро́, со исын дро свэ́то, исын Лэ́скиро, и сарэ́, кон дживэ́ла пэ дава́ свэ́то (лот).

Сэндарьенгири Лылвари́ 5:31

Адя́кэ мэк тэ хасён сарэ́ Тырэ́ вэ́рги, Раё Дэ́вла! А савэ́ рикирэ́на сыр Дро́гима Тут дро пэ́скиро ило́, мэк тэ явэ́н сыр кхам, саво́ джа́ла упрэ́ дрэ сари́ пэ́скири зор!” И откиныя пхув штардэша́ бэрш.

Сэндарьенгири Лылвари́ 5:3

Шунэ́н, кра́ли, зарипирэн, тхагарьялэ: мэ Ра́скэ-Дэвлэ́скэ багава, брэнчынава Ра́скэ-Дэвлэ́скэ, Дэвлэ́скэ Израилёскирэ.

Яви́р Зако́но 4:26

то тэды мэ допхэнава тумэ́нгэ ададывэ́с болыбнаса и пхувья́са, со тумэ́ сыг хасякирэна пхув, ваш пэ́скэ, пир сави́ тумэ́ пириджана пал Иорда́но; тумэ́ на явэ́на бут дывэса́ пэ ла́тэ, нэ хасёна;

Džiibén 6:13

И Дэвэ́л пхэндя́ Ноёскэ: “Анги́л Ма́ндэ кажнонэ́ лочакэ явэ́ла ко́нцо (яго́ро); пал-дова́ со пхув пхэрдия лэ́нгирэ нахратонэ рэндэ́нца (злодеяниенца). И ґа́да, Мэ хасякира́ва лэн пхувья́тыр.

Isajos 48:16

Явэ́н кэ мэ, шунэ́н дава́ лав: ‘Мэ николи на ракиравас чораханэ́с и самонэ англыпна́стыр; долэ́ часостыр, сыр саро́ дава́ кэрэласпэ, Мэ одо́й со́мас, и акана́ бичхадя́ Ман Рай Дэвэ́л, Дэвэ́л и Лэ́скиро Ду́хо (Фа́но).’

Езэкилё 38:17

Адя́кэ ракирэ́ла Рай Дэвэ́л, Дэвэ́л: “Ци сан ту кодова́, пал конэ́стэ Мэ ракиравас дрэ ґаратунэ́ дывэса́, ко́ли Мирэ́ писха́рья, Израилёскирэ проро́ки ангилпхэнэнас, со Мэ яна́ва тут пэ лэ́ндэ?”

Авдиёс 1:1

Дыкхибэ́н Авдиёскиро. Адя́кэ ракирэ́ла Рай Дэвэ́л пал Эдо́мо: амэ шундя́м звесь (зан) Мирэ́ бичхаибнаскирэ манушэ́стыр, савэ́с Мэ, Рай Дэвэ́л, бичхадём машки́р на́цыи тэ пхэнэ́л: “Уштэ́н, явэ́н тэ ґаздаспэ пэ марибэ́н проти лэ́стэ.”

Isajos 63:1

Кон дава́ джа́ла Едомостыр, джа́ла дрэ лолэ́ и́ди Восоростыр, адасаво́ баро́ дро Пэ́скиро урибэ́н, Саво́ выджа́ла дро Пэ́скирэ-зорьякиро пхэрдыпэн? “Мэ сом Одова́, Кон пхэнэ́ла чачипэ́н, зорало́, соб (кай) тэ зракхав.”

Ереме́ё 49:7

Пал Эдо́мо адя́кэ ракирэ́ла болыбна́скирэ-янголэ́нгиро Рай Дэвэ́л: “Со нанэ буты́р годыпэ́н дро Фемано? Ци со барэ́-годякирэ мануша́ пириячнэ тэ дэн годы́ явирэ́нгэ? Ци со годыпэ́н нашадыя?