Isajos 32:1 - Библия - Пэ Балтитко Романи чиб (Романэс) 2019

¹ Акэ, кра́ли явэ́ла тэ кралинэ́л пир чачипэ́н и тхага́рья (кня́зи) явэ́на тэ хулаинэн пир зако́но.

Biblija - Pe Baltitko Romani čib (Romanes) 2019

¹ Ake, králi javéla te kralinél pir čačipén i thagárja (kniázi) javéna te xulainen pir zakóno.

Isajos 32:1 Referans Kwoze

Sykadyipén 19:11

И мэ дыкхцём псирадо (отпхандло) Болыбна́скиро Раё и, акэ, сыс парно́ грай. Пэ лэ́стэ сыс бэшто́ уклисто́/э́ Кодова́, Кон кхарэ́лапэ Чачуно́ и Патяибны́тко, Саво́ сэндякирэ́ла чачунэ́с и марэлапэ пал чачипэ́н.

Ереме́ё 33:15

‘дрэ долэ́ дывэса́ и дро дова́ часо Мэ кэра́ва адя́кэ, со чачипнаскири Рандь [Отбарипэн-р.с.] выбарьёла Давидо́скэ, и Ёв явэ́ла тэ сэндякирэ́л и тэ кэрэ́л пир чачипэ́н пэ пхув.

2 Kralip 23:3

Пхэндя Дэвэ́л Израилёскиро, и ракирдя́ пал ма́ндэ бэ́рга Израилёскири: “Яв хула́са пэ манушэ́ндэ, яв чачуно́, хулаин дара́са (дарьяса) Дэвлэскирьяса.

Sykadyipén 17:14

Ёнэ явэ́на тэ марэ́нпэ проти Свэнтонэ́ Бакрорэстэ и Свэ́нто Бакроро́ лэ́ла упралыпэ́н пэ лэ́ндэ, пал-дова́ со Ёв исын Кра́ли Кралье́ндыр, Рай Дэвэ́л ра́ндыр, кхэтанэ́ пэ́скирэ выкэдынэ́ и патяибнытконэ манушэ́нца, савэ́ исын пашы́л Лэ́стэ.

Римлянэнгэ 5:21

пал-дова́ со, сыр грэ́хо рикирдя зор пэ мэрибэ́н, адя́кэ-паць и бахталыпэ́н явэ́ла тэ лыджа́л тэ рикирэ́л ло́фо (зор) пэ чачипэ́н, саво́ янэ́ла кэ ве́чно джиибэ́н пир Исусо́стэ Христосо́стэ, амарэ́ Растэ-Дэвлэ́стэ.

Заха́рия 9:9

Ра́дынпэ зоралэ́с бахтятыр, Сионо́скири чхай, дэ го́дла радыма́тыр, Ерусалимо́скири чхай: акэ, кра́ли тыро́ явэ́ла кэ ту, чачипна́скиро и зракхибнаскиро, ковлэ́-илытко, уклисто пэ ослицатэ и пэ тэрнэ́ ослостэ, савэскири дай псирдя́ тэло ґа́мо.

Osija 3:5

Пало́ (после) дава́ чхавэ́ Израилёскиро рисёна, и ёнэ явэ́на тэ родэ́н Рас-Дэвлэ́с, лэ́нгирэ Дэвлэ́с, и лэ́нгирэ крали́с Давидо́с: и ёнэ явэ́на тэ дарэ́н Ра́стыр-Дэвлэ́стыр и тэ рисён кэ Лэ́скиро лачхипэ́н дрэ палатунэ́ (последня) дывэса́.

Езэкилё 37:24

А Миро писха́ри, Дави́до, явэ́ла лэ́нгиро кра́ли и Чхупна́ри (Пасту́хо), ёнэ явэ́на тэ псирэ́н дрэ Мирэ́ припхэныбэна́, явэ́на тэ кэрэ́н пир Мирэ́ лава́.

Isajos 28:6

И духо́са, саво́ сэндинэла пир чачипэ́н ваш кодолэ́скэ, кон бэшэ́ла пэ сэ́ндо, и муршыпнаса ваш одолэ́нгэ, кон марэлапэ вэргэнца.

Isajos 11:4

Ёв явэ́ла тэ сэндякиринэл чорорэн чачипна́са; кодолэнгирэ, кон страдынэла пэ пхув, рэ́нды чачипна́са россэндякирэла; Ёв Пэ́скирэ вуштэнгирэ дэстэса марэла пхув, Пэ́скирэ вуштэнгирэ духо́са замарэла грэхитконэ́ манушэ́с.

Psalmy 99:4

Ту сан зоралыпнаскиро Кра́ли, Савэ́скэ трэй чачуно́ сэ́ндо. Ту зачхудян чачипэ́н: дава́ исын Ту, Саво́ кэрэ́ла пир чачипэ́н и патяибэ́н дрэ Яковостэ.

Psalmy 45:1

Хоро́скирэ Дирижоро́скэ. Сыклякирибэ́н. Кареёскирэ Чхавэ́ндыр. Бьявэскири Гилы́.

Isajos 4:6

И явэ́ла ша́тра, соб (кай) тэ зракхэспэ дывэсэ́ татыпнастыр, ваш дова́, соб (кай) тэ гарадёс, ко́ли джа́ла брышы́нд.

Isajos 11:5

И обпхандэлапэ Ёв чачипна́са пир трушула (чреслы), чачипэ́н явэ́ла Лэ́скиро обпхандыпэн упрэ́ пир ґэра́.

Isajos 16:5

Крали́тко штэ́то явэ́ла зорало́ лачхипна́са, и бэшэ́ла пэ лэ́стэ дро чачипэ́н, дрэ ша́тра Давидоскири, сэнда́ри, саво́ родэ́ла чачипэ́н, кэрэ́ла чачо́ сэ́ндо.

Ереме́ё 33:14

‘Акэ, явэ́на дывэса́,” – ракирэ́ла Рай Дэвэ́л, – “со Мэ саро́ кэра́ва пир лачхо́ лав, саво́ Мэ пхэндём пал кхэр Израилёскиро, пал кхэр Юда́скиро:

Isajos 33:5

Баро́ исын Рай Дэвэ́л, саво́ дрэ вучипэ́н дживэ́ла; Ёв пхэрдякирэла Сио́но сэндоса и чачипна́са.