Isajos 30:8 - Библия - Пэ Балтитко Романи чиб (Романэс) 2019

⁸ Акана́ подджа, зачхин саро́ дава́ пэ пхал, зачхин дрэ лылвари́, соб (кай) тэ ячэ́лпэ дава́ пэ дывэса́, савэ́ явэ́на, пэ саро́ часо (цы́ро).

Biblija - Pe Baltitko Romani čib (Romanes) 2019

⁸ Akaná poddža, začhin saró davá pe phal, začhin dre lylvarí, sob (kaj) te jačélpe davá pe dyvesá, savé javéna, pe saró časo (cýro).

Isajos 30:8 Referans Kwoze

Avakumo 2:2

Тэ́ньци отпхэндя́ ма́нгэ Рай Дэвэ́л и пхэндя́: “Зачхин дыкхибэ́н и кэр бицялэс (яснэс) дава́ пэ таблицы, соб (кай) кодова́, кон явэ́ла тэ гинэл, сашты́ локхэс тэ гинэл.

Isajos 8:1

И пхэндя́ ма́нгэ Рай Дэвэ́л: “Лэ пэ́скэ бари папиря (сви́тко), чхин одо́й манушытконэ́ чхиныбнаса: Магер – шелал (шалал) – хаш – баз.”

Яви́р Зако́но 31:22

И чхиндя́ о Мо́йза дая́ гилы́ дро дова́ дывэ́с, и высыклякирдя ла́кэ Израилёскирэ чхавэ́н.

Ереме́ё 51:60

И Ереме́ё зачхиндя́ дрэ лылвари́ сари́ биба́хт (би́да), со трэиндя́ тэ явэ́л пэ Вавило́но – сарэ́ далэ́ сама лава́, со исын зачхиндлэ́ пэ Вавило́но.

Ереме́ё 36:2

“Лэ сви́тко лылварьятыр, и зачхин пэ дава́ сви́тко сарэ́ лава́, со Мэ пхэндём ту́кэ пал Израилё, пал Юдастэ и пал Наюды́тка на́цыи, долэ́ дывэсэ́стыр, ке́ли Мэ лыём тэ ракира́в тумэ́нгэ: Иосияскирэ дывэсэ́ндыр кэ дава́ дывэ́с.

Яви́р Зако́но 31:19

И палдава́ чхинэн (писынэн) пэ́скэ далэ́-гилякирэ лава́, и сыкля́кир ла́кэ Израилёскирэ чхавэ́н; и зачхув лэн тэ бага́н, соб (кай) дая́ гилы́ тэ явэ́л сыр якхиткима (свидетельство) пэ чхавэ́ндэ Израилёскирэндэ,

Čysly 24:14

И адя́кэ акана́, ґа́да, мэ джа́ва кэ пэ́скирэ мануша́. Ту джа́, мэ пхэна́ва ту́кэ, со кэрэ́на адалэ́ мануша́ тырэ́ манушэ́нца дрэ палатунэ́ (последня) дывэса́.”

Яви́р Зако́но 4:30

Ке́ли ту явэ́са дрэ би́да, и ке́ли саро́ дава́ латхэ́ла тут дрэ сарэ́ дывэса́, со ишчо (инкэ́) явэ́на, тэды ту рисёса илэ́са кэ Рай Дэвэ́л, Дэвэ́л тыро́, и шунэса Лэ́скири зан (глос).

Juda 1:18

со ёнэ пхэндлэ́ тумэ́нгэ: “Явэ́на мануша́ дро палатуно́ часо, со явэ́на тэ санпэ холямэс тумэ́ндыр, савэ́ явэ́на пир пэ́скиро грэхи́тко тырдыпэ́н.”

2 Petr 3:3

Нэ англэды́р сарэ́стыр джинэ́н, со дрэ палатунэ́ (последня) дывэса́ явэ́на нахрата мануша́, савэ́ явэ́на тэ санпэ холямэс тумэ́ндыр, а кокорэ́ ёнэ явэ́на тэ кэрэ́н дурэды́р, со лэ́нгэ пир годы́ пир налачхэ́-пэ́скирэ масэ́нгиро тырдыпэ́н,

1 Ximaske 4:1

Ду́хо (Фа́но) маму́й ракирэ́ла, со дро палатуно́ (последнё) часо бут мануша́ мэкэ́на тэ патя́н, лэ́на тэ кандэ́н хоханэ́ ду́хи и тэ шунэ́н бэнгланэ-духэнгиро сыклякирибэ́н;

Osija 3:5

Пало́ (после) дава́ чхавэ́ Израилёскиро рисёна, и ёнэ явэ́на тэ родэ́н Рас-Дэвлэ́с, лэ́нгирэ Дэвлэ́с, и лэ́нгирэ крали́с Давидо́с: и ёнэ явэ́на тэ дарэ́н Ра́стыр-Дэвлэ́стыр и тэ рисён кэ Лэ́скиро лачхипэ́н дрэ палатунэ́ (последня) дывэса́.

Езэкилё 38:16

И ту ґаздэсапэ пэ Миро народо, пэ Израилё, сыр о́блоко, соб (кай) тэ учхакирэс пхув, дава́ явэ́ла дрэ палатунэ́ (последня) дывэса́, и Мэ яна́ва тут проти Мири́ пхув, соб (кай) тэ ґалён Ман народы, ко́ли Мэ пэ ту́тэ, Гогэ, сыкава́ва, со Мэ сом Свэ́нто анги́л лэ́нгирэ якха́.

Ереме́ё 48:47

Нэ Мэ рискира́ва палэ Моавоскирэ пленонэн дрэ палатунэ́ (последня) дывэса́’”, – ракирэ́ла Рай Дэвэ́л. Акэ, дасаво исын сэ́ндо пэ Моа́во.

Ереме́ё 23:20

Ра́скирэ-Дэвлэ́скири холы́ на рисёла криг анги́л дова́, сыр Ёв кэрэ́ла саро́ дова́, со Ёв камдя́ тэ кэрэ́л: тумэ́ ґалёна дава́ дро ко́нцо (яго́ро) дывэсэнгиро (палатунэ́ дывэса́).

Isajos 2:2

И явэ́ла дро палатунэ́ (последня) дывэса́: Дэвлэ́скирэ-Кхэрэ́скири бэ́рга явэ́ла чхуды́ упрэстыр, сыр яви́р бэ́рги, и явэ́ла ґаздыны вучэды́р, сыр яви́р набарэ́ бэ́ргицы и выджа́на кэ ёй сарэ́ народы.

Яви́р Зако́но 31:29

Пал-дова́ со мэ джино́м, со сыр мэ мэра́ва, то тумэ́ розмэкэнапэ и отджана дромэ́стыр, саво́ мэ дыём тумэ́нгэ, и сыр проджа́ла часо (цы́ро), то латхэ́на тумэн биды пал дова́, со тумэ́ явэ́на тэ кэрэ́н чорипэ́н анги́л Ра́скирэ-Дэвлэ́скирэ якха́, холякири Лэс пэ́скирэ вастэнгирэ рэндэ́нца.”

Isajos 34:16

Породэн дрэ Ра́скирэ-Дэвлэ́скири лылвари́ и прогинэн. Саро́ дава́ явэ́ла, ничи́ на отпарувэлапэ и ние́кх на парувэлапэ явирэса, пал-дова́ со ушта́ Лэ́скирэ припхэндлэ и ду́хо (фа́но) Лэ́скиро лэн скэдэ́ла.

Ереме́ё 30:2

“Адя́кэ ракирэ́ла Рай Дэвэ́л, Израилёскиро Дэвэ́л: “‘Чхин дрэ лылвари́ пэ́скэ, сарэ́ лава́, со Мэ пхэндём ту́кэ.

Ереме́ё 36:4

Тэ́ньци Ереме́ё кхардя́ кэ пэ Варухос (чхавэ́с Нерияскирэс); и о Варухо чхиндя́ пэ сви́тко лылварьятыр сарэ́ лава́ Ра́скирэ-Дэвлэ́скирэ, савэ́ сыс чибатыр Еремеёскирьятыр, савэ́ Рай Дэвэ́л пхэндя́ Еремеёскэ.