Isajos 30:7 - Библия - Пэ Балтитко Романи чиб (Романэс) 2019

⁷ На подрикирэ́ла лэн Еги́пто, палдава́ Мэ пхэндём лэ́нгэ: “Лэ́нгири зор – штылэ́с тэ бэшэ́н.”

Biblija - Pe Baltitko Romani čib (Romanes) 2019

⁷ Na podrikiréla len Jegípto, paldavá Me phendjom lénge: “Léngiri zor – štylés te bešén.”

Isajos 30:7 Referans Kwoze

Isajos 2:22

Пириячэн тэ думинэн, со подрикирла тумэн ману́ш, конэ́стэ ду́хо (фа́но) исын дрэ лэ́стэ кокорэстэ, со кэрэ́ла адава́ ману́ш?

Osija 5:13

Ке́ли Ефре́мо дыкхця́ пэ́скири дукх, и Юда дыкхця́ пэ́скиро фра́нсо (рана), тэды гия́ Ефре́мо кэ Асуро, и бичхадя́ пал крали́стэ Иаревостэ (Яревостэ), нэ ёв на дэ́ла ра́да тэ састякирэл тумэн, ци тэ драбакирэл тумэн тумарэ́ рискирдэ́ франсостыр (ранатыр).

Roiben 3:26

Дава́ исын мишто́, соб (кай) ману́ш тэ рикирэ́л наде́я, и соб (кай) тэ ужакирэл штылэ́с, сыр Рай Дэвэ́л ракхэ́ла Лэс.

Isajos 7:4

Пхэн лэ́скэ: ‘Дыкх и яв штыл, на андырша, мэк тэ на дарэл тыро́ ило́ дуе далэндыр дэстэндыр, савэ́ хачона, Рецыноскирэ и Сириянэнгирэ и Ремалияскирэ чхавэ́скирэ холя́тыр, сави́ лыя́ тэ хачол пэ ту́тэ.’

Vygiiben 14:13

Нэ Мо́йза пхэндя́ манушэ́нгэ: “На дарэ́н, тэрдён, и дыкхэ́на Ра́скирэ-Дэвлэ́скиро зракхибэ́н, саво́ Ёв кэрэ́ла тумэ́нгэ акана́, пал-дова́ со Египтянэн, савэ́н тумэ́ акана́ дыкхэ́на, тумэ́ буты́р на дыкхэ́на дрэ ве́ки;

Ереме́ё 37:7

“Адя́кэ ракирэ́ла Рай Дэвэ́л, Дэвэ́л Израилёскиро: Адя́кэ тумэ́ пхэнэ́н Юдэя́кирэ крали́скэ, кон бичхадя́ тумэн кэ Мэ, соб (кай) тэ пхучэ́н Ма́ндыр: ‘А́кэ, исын фараоно́скиро халадыбэ́н, со выгия́ тэ подэл васт тумэ́нгэ, явэ́ла тэ рисёл палэ пэ пэ́скири пхув.

Isajos 51:9

Ѓаздэпэ, ґаздэпэ, яв зорало́, васт Ра́скирэ-Дэвлэ́скиро! Ѓаздэпэ сыр дрэ пхуранэ́ бэрша́, ко́ли ґаратуно ро́до дживэлас! Ци на ту хасякирдян Раавос, хасякирдян крокодилос?

Isajos 30:15

Адя́кэ ракирэ́ла Рай Дэвэ́л, Дэвэ́л Свэ́нто Израилёскиро: “Ко́ли б тумэ́ ячнэ́пэ пэ екх штэ́то, тэ́ньчи бы тумэ́ зракхнэпэ; штылыпэн и наде́я исын зор тумари́, нэ тумэ́ на закамлэ.

Isajos 28:12

Лэ́нгэ ракирэ́нас: “Акэ, исын откхиныбэн, дэн, соб (кай) тэ откхинёл кхино ману́ш, акэ, исын штылыпэн.” Нэ ёнэ на закамлэ тэ шунэ́н.

Ióvo 9:13

Дэвэ́л на лэ́ла кри Пэ́скири холы́; Шуахостыр помогибнаскирэ бандёна тэл Лэ́стэ:

Psalmy 87:4

Мэ ява́ва тэ рипирав Еги́пто и Вавило́но одолэ́нгэ, савэ́ джинэ́на Ман: Ѓа́да, Филистия и Ти́ро Ефиопияса пхэнэ́на-кадава́ ману́ш бия́ндыя одо́й.

Psalmy 89:10

Ту рикирэса зор пэ мо́рё (дэрья́в), сыр ёв холямэс ґлуминэла: ке́ли лэ́скирэ валны ґаздэ́напэ вучэ́с, Ту штылякирэса лэн.

Isajos 10:3

Со тумэ́ явэ́на тэ кэрэ́н дро дывэ́с, саво́ явэ́ла, ко́ли явэ́ла дура́л тумаро́ хасибэ́н? Кэ кон подджана тумэ́ тэ подэн васт, кай ячкирэна тумаро́ барвалыпэ́н?

Isajos 20:6

И пхэнэ́на дро дова́ дывэ́с мануша́, савэ́ одо́й дживэ́нас: “Акэ, савэ́ исын одолэ́, пэ конэ́стэ исыс амари́ наде́я, кэ кон прастандыям пал подрикирибэ́н, соб (кай) тэ зракхаспэ Асирия́кирэ крали́стыр! И сы́рбы амэ зракхасапэ?”

Isajos 30:5

Сарэ́ ёнэ явэ́на ладжакирдэ́ пал народо, саво́ лэ́нгэ на трэй, нисаво́ подрикирибэ́н лэ́стыр на явэ́ла, екх ладж и бизладо.”

Isajos 36:9

И ту камэ́са, соб (кай) тэ отджал барыдыро́, екх тыкнэ́ писхарьендыр Мирэ́ хуласкирэн, ко́ли ту́тэ исын наде́я пэ екх Еги́пто, пэ лэ́скирэ грэ́ндэ и марибны́тка вурдэна́?

Pritčy 25:19

Зоралэ́с тэ патяс дрэ напатяибнытконэ манушэ́стэ исын сы́рбы на́лачхо данд ци лангалы ґэро́й.