Isajos 30:6 - Библия - Пэ Балтитко Романи чиб (Романэс) 2019

⁶ Пхарипэ́н пасёла пэ грэ́ндэ, савэ́ джа́на пэ паш-дывэ́с (юго), пир пхув, кай тасавэна и притасавэ́на, каты́р выджа́на саплыня и кармуса (мышы), савэ́ вурняна; ёнэ лыджа́на пэ ослэндэ пэ́скиро барвалыпэ́н и пэ верблюдэндэ пэ́скиро кучипэ́н, лыджа́на кэ народо, савэ́стыр ничи́ лачхо́ на прилэ́на (нисаво́ лачхипэ́н на явэ́ла).

Biblija - Pe Baltitko Romani čib (Romanes) 2019

⁶ Pharipén pasjola pe grénde, savé džána pe paš-dyvés (jugo), pir phuv, kaj tasavena i pritasavéna, katýr vydžána saplynia i karmusa (myšy), savé vurniana; jone lydžána pe oslende péskiro barvalypén i pe vierbliudende péskiro kučipén, lydžána ke narodo, savéstyr ničí lačhó na priléna (nisavó lačhipén na javéla).

Isajos 30:6 Referans Kwoze

Яви́р Зако́но 8:15

Саво́ лыджия́ тут пир чхучи́ пхув бари и дараны, кай сыс сапа, василиски, скорпионы и шукэ́ штэ́ты, пэ савэ́ нанэ пани́; Саво́ кэрдя́ ваш ту́кэ панескиро тхадыпэн гранитытконэ скалатыр,

Ереме́ё 11:4

Саво́ Мэ припхэндём тумарэ́ дадэ́нгэ тэ кэрэ́н дро дывэ́с, ке́ли Мэ лыджиём лэн криг Египто́скирэ пхувья́тыр, саструнэ́ бовэстыр, пхэни́: ‘Кандэ́н Мири́ зан и кэрэ́н дова́ саро́, сыр Мэ припхэндём тумэ́нгэ, соб (кай) тумэ́ тэ явэ́н Мирэ́ мануша́, и, соб (кай) Мэ тэ явав тумаро́ Дэвэ́л;

3 Kralip 10:2

И явдя́ ёй дро Ерусалимо древа́н барэ́ барвалыпнаса: верблюды сыс ландадэ (обубладэ) ароматытконэ чарье́нца и древа́н бут сувнака́са и дрогонэ́ барэ́нца; и явдя́ кэ Соломо́но, и ракирдя́ лэ́са пал саро́, со сыс ла́тэ пэ ило́.

Яви́р Зако́но 4:20

А тумэн лыя́ Рай Дэвэ́л и вылыджия́ тумэн саструнэ́ бовэстыр, Египто́стыр, соб (кай) тумэ́ тэ явэ́н Лэ́скирэ мануша́ Лэ́скирэ мэкнэ́ миштыпна́стыр, сыр дава́ акана́ бицяло́.

Матфеё 12:42

Кра́лица Паш-Дывэсытконэ (Югоскирэ) Ригакири ґаздэ́лапэ пэ сэ́ндо манушэ́нца далэ́ родо́стыр и допхэнэ́ла пэ лэ́ндэ: пал-дова́ со ёй явэ́лас пхувья́кирэ ягоро́стыр (краёстыр) тэ шунэ́л Соломоно́скиро годьварипэн, и, ада́й исын Екх, Саво́ исын барэды́р Соломоностыр.

Osija 12:1

Ефре́мо чаравэлапэ балваляса и традэлапэ пал балва́л вастоко́стыр: ёв со дывэ́с прибарьякирэла хохаибэ́н и голоты́ня (разорениё). Ёнэ адя́кэ-паць кэрна доракирибэ́н (завето) Асуроса (Асирияса), и маслинитко дзэт лыджа́на кэ Еги́пто.

Ереме́ё 2:6

И на пхэндлэ́ ёнэ: “Кай исын Рай Дэвэ́л, Кон лыджия́ криг амэн Египто́скирэ пхувья́тыр, Кон лыджия́ амэн пирда́л чхучэ́ пхувья́, пирда́л чхучэ́ прахи, пирда́л ґанбиня́, пирда́л шутькирды пхув, кай исын зэр (тень) сы́рбы мэрибна́стыр, пирда́л пхув, пэ сави́ ние́кх на прогия́, и нико́н на дживдя́.”

Isajos 57:9

Ту псирдян кэ кра́ли кучонэ́-кхандыпнытконэ макхибнаса; ту бут кэрдя́н дасавэ́ макхибэна; ту бичхавэсас тырэ́ манушэ́н дур, соб (кай) ёнэ тэ лыджа́н лав; ту сан древа́н ладжакирды.

Isajos 19:4

И отда́ва Мэ Египтянэн дрэ захалэ крали́скирэ васта́; захало кра́ли явэ́ла хула́й лэ́нгиро”, – ракирэ́ла Рай Дэвэ́л, Рай Дэвэ́л, болыбна́скиро-янголэ́нгиро.

Isajos 15:7

Пал-дова́ ёнэ исын ячаибэ́н барвалыпнастыр; со зракхнэ́ ёнэ – дова́ пирилыджана палэ рэка (лэнь) Аравиякири.

Isajos 8:22

Явэ́на тэ дыкхэ́н упрэ́ и подыкхэна пэ пхув: акэ, би́да, калыпэ́н; явэ́на чхурдынэ́ дро калыпэ́н, нэ на явэ́ла калыпэ́н сарэ́ дывэса́ одо́й, кай ёв акана́ скэдыяпэ.

2 Паралипоменоно 16:2

И вылыджия́ Аса́ руп и сувнака́й кучипнаскирэ пиралендыр Ра́скирэ-Дэвлэ́скирэ Кхэрэскир и крали́скирэ кхэрэ́стыр, и бичхадя́ кэ Венададо, Сирия́киро кра́ли, саво́ дживдя́ кэ Дама́ско, ракири́:

2 Паралипоменоно 9:1

Ке́ли Савакири кра́лица [Шэбатыр-ю.о.] шундя́ пал Соломоно́скири сла́ва, то ёй явдя́ тэ спробинэл Соломонос шэрэпхарибнытконэнца (загадкэнца) дро Ерусалимо, и древа́н барэ́ барвалыпнаса и верблюдэнца, обчхудэ лачхэ́-кхандыпнэнца (парфунэнца) и древа́н бут сувнака́са и дрогонэ́ барэ́нца. И явдя́ кэ Соломо́но, и ракирдя́ лэ́са пал саро́, со сыс пэ ило́ ла́тэ.

Яви́р Зако́но 17:16

Екх, соб (кай) ёв тэ на убарьякирэл (тэ на розлыджал) пэ́скэ бут грэн, и тэ на рискирэ́л манушэ́н дро Еги́пто ваш дова́, соб (кай) тэ убарьякирэл пэ́скэ буты́р грэн, пал-дова́ со Рай Дэвэ́л пхэндя́ тумэ́нгэ: “На рисён буты́р далэ́ дромэ́са”;

Vygiiben 1:14

и лэ́нгиро джиибэ́н кэрдэ́ киркэса пхарэ́ бутя́тыр пэ ґлина (глэя) и бара́, и кажнонэ́ фэлдакирэ бутя́тыр, кэ кажно буты́, кэ сави́ зачхудэ лэн тэ кэрэ́н марибна́са.

Džiibén 12:9

И ґаздыя́пэ Авра́мо, и дурэды́р гия́ пэ паш-дывэ́с (юго).

Čysly 21:8

И пхэндя́ Рай Дэвэ́л Мойза́скэ: “Кэр пэ́скэ сапэс и чхув лэс пэ вучо́ кило, и ману́ш, савэ́с дандырэлас сап, дыкхи́ пэ лэ́стэ, ячэ́лапэ джидо́.”

Isajos 5:30

Загодлэла пэ лэ́стэ дро дова́ дывэ́с сы́рбы мо́рё (дэрья́в), саво́ холя́сыя; подыкхэла ёв пэ пхув, акэ: – калыпэ́н, би́да, мурдия дуд (свэ́то) пэ болыбэ́н.

Isajos 14:29

“На ра́дынпэ Филистиякири пхув, со пхадёла дэсто́, саво́ тут марэлас, пал-дова́ со сапитконэ родо́стыр выджа́ла сап, а далэ́ сапэстыр – сап, саво́ явэ́ла тэ вурнял.

Isajos 35:9

И шчэр (ле́во) на явэ́ла одо́й, и януро (хишчно мурда́л) на заджа́ла одори́к, лэс на латхэ́на одо́й, а зракхнэ́ мануша́ явэ́на тэ псирэ́н.

Езэкилё 20:46

“Манушэ́скиро чхава! Рисёв тырэ́ мо́са пэ дром кэ паш-дывэ́с (юго), пхэн лав пэ паш-дывэ́с, пхэн пир лав ангилпхэныбэ́н пэ вэш, саво́ исын пэ паш-дывэсы́тко фэ́лда.

Mihiejo 6:14

Ту явэ́са тэ хас, нэ ту на явэ́са чалы; бокх (чхучипэн) явэ́ла андрэ́ тыро́ кужум (жэлудко). Ту явэ́са тэ лыджас криг вари-со [отчхувэса пэ́скэ-р.с.], нэ ту на зракхэ́са дова́, и кодова́, со ту зракхэ́са, Мэ да́ва тэл курта́ла.

Заха́рия 9:9

Ра́дынпэ зоралэ́с бахтятыр, Сионо́скири чхай, дэ го́дла радыма́тыр, Ерусалимо́скири чхай: акэ, кра́ли тыро́ явэ́ла кэ ту, чачипна́скиро и зракхибнаскиро, ковлэ́-илытко, уклисто пэ ослицатэ и пэ тэрнэ́ ослостэ, савэскири дай псирдя́ тэло ґа́мо.

Ióvo 39:11

Ци явэ́са ту тэ допатяс лэ́скэ, пал-дова́ со лэ́стэ исын бари зор? Ци мэкэса ту пэ лэ́стэ пэ́скири буты́?

Osija 12:2

О Рай Дэвэ́л адя́кэ-паць лыджа́ла чинга́рд (сэ́ндо) проти Юдастэ, и Ёв пхарэ́с явэ́ла тэ сэндякирэ́л Яково́с пал лэ́скирэ рэ́нды (де́лы), пал дова́, со ёв кэрдя́, Рай Дэвэ́л дукхавэла палэ лэс.

Заха́рия 6:6

Калэ́ граё одо́й выджа́на пэ риг паш-рати́тко (северно), и парнэ́ нашэ́на палэ лэ́ндэ, нэ сыва джа́на пэ риг паш-дывэсы́тко (южно).