Isajos 30:3 - Библия - Пэ Балтитко Романи чиб (Романэс) 2019

³ Нэ зор фараоноскири ячэ́ла ваш тумэ́нгэ ладжаса, и ко́ли тумэ́ гарадёна дро Еги́пто, то ладжаво тумэ́нгэ явэ́ла.

Biblija - Pe Baltitko Romani čib (Romanes) 2019

³ Ne zor faraonoskiri jačéla vaš tuménge ladžasa, i kóli tumé garadjona dro Jegípto, to ladžavo tuménge javéla.

Isajos 30:3 Referans Kwoze

Isajos 20:5

Тэ́ньци явэ́на тэ дарэ́н и тэ ладжан Ефиопиятыр, пэ́скирэ надеятыр, и Египто́стыр, савэ́са ёнэ шарэнаспэ.

Римлянэнгэ 10:11

Палдава́ Свэ́нто Чхиныбэ́н ракирэ́ла: “Кон патя́ла дрэ Лэ́стэ, одолэ́скэ на явэ́ла ладжаво.”

Римлянэнгэ 5:5

И амари́ наде́я на подлыджала амэн, пал-дова́ со Дэвлэ́скири ла́ска пир Свэ́нто Ду́хо (Фа́но) пхэрдякирдя́ амарэ́ илэ ласкаса, сави́ дыны́ амэ́нгэ:

Isajos 36:6

Акэ, ту думинэса, со тут подрикирла Еги́пто, пхагирдо́ дэсто́, ко́ли лэ́ла лэс вари-кон дро васт, ёв васт пхусавэла. Адасаво́ исын фарао́но, кра́ли Египто́скиро ваш одолэ́нгэ, конэ́с ёв подрикирэ́ла, и кон чхувэ́ла наде́я пэ лэ́стэ.

4 Kralip 18:21

Ѓа́да, ту думинэса тэ рикирэспэ пал Еги́пто, дава́ дэсто́ пхагирдо́, саво́, ко́ли кон явэ́ла тэ рикирэлпэпэ пал лэ́стэ, адолэ манушэ́скэ заджа́ла ёв (дэсто́) лэ́скэ дро васт и пропхусавэла лэс. Дава́ исын фарао́но, Египто́скиро кра́ли, ваш сарэ́нгэ, кон чхувэ́ла наде́я пэ лэ́стэ.

Psalmy 108:12

Ци Ту чхурдыян амэн дрэ риг, чачэс, Дэ́вла? Ци Ту на джа́са анги́л амарэ́ халадыбнэндыр?

Isajos 20:6

И пхэнэ́на дро дова́ дывэ́с мануша́, савэ́ одо́й дживэ́нас: “Акэ, савэ́ исын одолэ́, пэ конэ́стэ исыс амари́ наде́я, кэ кон прастандыям пал подрикирибэ́н, соб (кай) тэ зракхаспэ Асирия́кирэ крали́стыр! И сы́рбы амэ зракхасапэ?”

Ереме́ё 2:36

Со́скэ тумэ́ древа́н бут псирэ́на чхучэс, и парувэна тумарэ́ дрома́? Тумэ́ явэ́на ладжакирдэ́ дро Еги́пто, адя́кэ-паць сыр тумэ́ са́нас ладжакирдэ́ дрэ Асирия.

Ереме́ё 42:18

Палдавэ адя́кэ ракирэ́ла болыбна́скирэ-янголэ́нгиро Рай Дэвэ́л, Израилёскиро Дэвэ́л’: ‘Сыр мири́ холы́ и миро холякирибэ́н чхувэ́лапэ пэ манушэ́ндэ Ерусалимо́стыр, адя́кэ-паць вычхувэлапэ Мири́ холы́ пэ тумэ́ндэ, ке́ли тумэ́ джа́на андрэ́ Еги́пто; пэ тумэ́ндэ явэ́ла прокошыбэ́н (арман), бари дар [чхучипэн-ю.о.], кошыбэ́н, бипатыв; и тумэ́ буты́р на дыкхэ́на дава́ штэ́то’”

Ереме́ё 42:22

Акана́ палдава́ джинэ́н адя́кэ, со тумэ́ мэрэ́на куртала́тыр, бокха́тыр и мэрибнытконэ франсэндыр пэ дова́ штэ́то, кэ саво́ тумэ́ камэ́на тэ джа́н тэ дживэ́н.’”

Osija 10:6

Кадава́ идоло кокоро́ явэ́ла лыджино кэ Асирия, сыр да́ро крали́скэ Иаревоскэ (Яревоскэ); нэ Ефремос обухтылэла ладж, и Израилё явэ́ла ладжакирдо́ годэ́ лавэ́стыр, пал саво́ ёнэ гинэ́.

Pritčy 25:19

Зоралэ́с тэ патяс дрэ напатяибнытконэ манушэ́стэ исын сы́рбы на́лачхо данд ци лангалы ґэро́й.

Ереме́ё 46:25

Болыбна́скиро-янголэ́нгиро Рай Дэвэ́л, Дэвэ́л Израилёскиро ракирэ́ла: “Акэ, Мэ яна́ва пхаро́ сэ́ндо пэ Амоно дро Но, и пэ Фараоностэ дро Еги́пто лэ́нгирэ дэвлорэнца и лэ́нгирэ кралье́нца – фараонос и кодолэ́н, савэ́ гарадёна пал лэ́стэ.

Езэкилё 29:7

Ко́ли ёнэ ухтылдэпэ пал ту́тэ вастэ́са, ту роспхарадыянпэ, роспусадян саро́ пэ́скиро псико́, ко́ли ёнэ лынэ́ тэ рикирэнпэ пал ту́тэ, ту пхадиян, розрандыян сарэ́ лэ́нгирэ маса́.”