Isajos 30:12 - Библия - Пэ Балтитко Романи чиб (Романэс) 2019

¹² Палдава́ адя́кэ ракирэ́ла Свэ́нто Израилёскиро Дэвэ́л: “Ко́ли тумэ́ на прилэ́на кэ годы́ дава́ лав, а исын тумари́ наде́я пэ хохаибэ́н и начачипэ́н, со дава́ тумэн подрикирэ́ла,

Biblija - Pe Baltitko Romani čib (Romanes) 2019

¹² Paldavá adiáke rakiréla Svénto Izrailjoskiro Devél: “Kóli tumé na priléna ke godý davá lav, a isyn tumarí nadiéia pe xohaibén i načačipén, so davá tumen podrikiréla,

Isajos 30:12 Referans Kwoze

Isajos 5:24

Пал-дова́, со сыр яг ха́ла пхус и сыр ха́ла яг кхас, адя́кэ кирнёла лэ́нгиро кашт, лулуди́ (цвэто) лэ́нгиро роспхурдэлапэ сыр пра́хо, пал-дова́, со ёнэ зачхурдынэ Ра́скирэ-Дэвлэ́скиро, болыбна́скирэ-янголэ́нгиро Зако́но, и на шундлэ́ ёнэ лав Свэнтонэ́ Израилёскиро.

1 Фесалоникийцэнгэ 4:8

И ко́ли вари-кон на прилэ́ла дава́ сыклякирибэ́н, ёв прилэ́ла на, со манушэ́с, а Дэвлэ́с, Саво́ и дыя́ тумэ́нгэ Пэ́скиро Свэ́нто Ду́хо (Фа́но).

Amoso 2:4

Адя́кэ ракирэ́ла Рай-Дэвэ́л: “Пал трин чорипэна, со кэрдя́ Юда и пал штар чорипэна, Мэ на отмэка́ва пхаро́ сэ́ндо лэ́нгэ, пал-дова́ со ёнэ на прилынэ́ (дыкхнэ́ вучипна́стыр) пэ Зако́но Ра́скирэ-Дэвлэ́скиро, и ёнэ на ракхнэ Лэ́скирэ припхэныбэна́ и лэ́нгирэ хоханэ́ дэвлорэ́, пал савэ́ лэ́нгирэ дада́ гинэ́ тэ кэрэ́н паты́в, лыджинэ́ лэн дромэ́стыр.

Isajos 47:10

Ту́тэ сыс наде́я пэ тырэ́ налачхэ́ рэ́нды, ту пхэндя́н: ‘Нико́н ман на дыкхэ́ла.’ Тыри́ годы́ и тыро́ джиныбэ́н змардэ тут дромэ́стыр; ту ракирэсас дро тыро́ ило́: ‘Мэ сом, и буты́р нанэ никонэ́с апри́ч Ма́ндэ.’

Luka 10:16

Кон шунэ́ла тумэн, одова́ шунэ́ла Ман, и кон на прилэ́ла тумэн, одова́ на прилэ́ла Ман; а кон на прилэ́ла Ман, одова́ на прилэ́ла Одолэ́с, Кон бичхадя́ Ман.”

Ереме́ё 13:25

Дава́ исын тумари́ до́ля, бажын, сави́ Мэ выкэдыём (дыём) тумэ́нгэ, пал-дова́ со тумэ́ бистырдэ Ман и зоралэ́с допатяндынэ дро хохаибэ́н.

Isajos 30:7

На подрикирэ́ла лэн Еги́пто, палдава́ Мэ пхэндём лэ́нгэ: “Лэ́нгири зор – штылэ́с тэ бэшэ́н.”

Isajos 30:1

“Бида чхавэ́нгэ, савэ́ на кандэ́на,” – ракирэ́ла Рай Дэвэ́л, – “савэ́ обракирэна рэ́нды (де́лы) би Миро, доракирэнпэ на пир Миро ду́хо (фа́но), а соб (кай) тэ причхувэ́н грэ́хо кэ грэ́хо.

Isajos 28:15

Пал-дова́, со тумэ́ ракирэ́на: “Амэ доракирдямпэ хорэ штэтоса тэл пхув люноса (адоса) и мэрибнаса: ко́ли проджа́ла чхупны, сави́ хасякирла саро́, кэ амэ ёй на доджа́ла, пал-дова́ со хохаибнаса амэ зракхасапэ и начачипнаса пэс закэраса (пхандасапэ).”

Isajos 5:7

Ра́скирэ-Дэвлэ́скиро, болыбна́скиро-янголэ́нгиро винагра́днико исын кхэр Израилёскиро, а мурша́ Юдэя́тыр – дро́го Лэ́скиро барьякирдо́, саво́ Ёв барьякирдя. Ужакирэлас Ёв, со явэ́ла чачуно́ сэ́ндо, нэ акэ – рат чхувэ́лапэ, ужакирэлас чачипэ́н, нэ акэ – годлэна.

Psalmy 62:10

Чачо́: манушы́тка чхавэ́ исын сы́рбы бэльвэлякиро пхурдыпэн, манушэ́нгирэ чхавэ́ исын хохаибэ́н. Ке́ли ту поважынэса лэн пэ ублады́тка (весы), тэды ёнэ исын локхэды́р бэльвэлякирэ пхурдыпнастыр (дуновениёстыр).

Psalmy 52:7

Дэвэ́л хасякирэ́ла тут адя́кэ пэ сарэ́ ве́ки и чхурдэ́ла тут криг и выкушэла тут шатратыр и вырискирэла тут корне́нца (рукхэ́нца) пхувья́тыр, кай дживэ́на мануша́. Сэ́ла.

Pritčy 24:2

пал-дова́ со лэ́нгиро ило́ придуминэла нахратыма (насилиё), и лэ́нгирэ ушта́ ракирэ́на, соб (кай) тэ кэрэ́н дош (фуипэ́н).

Isajos 3:14

Дэвэ́л сэндякирэлпэ пхурэдырэнца Пэ́скирэ народо́стыр, лэ́скирэ ранца: “Тумэ́ обчордэ винагра́днико; дрэ тумарэ́ кхэра́ ракхэлапэ дова́, со тумэ́ чордэ чорорэстыр.

Isajos 3:15

Со тумэ́ облэна Миро народо, тасавэна чорорэн?” – ракирэ́ла Рай Дэвэ́л, Рай Дэвэ́л болыбаскиро-янголэ́нгиро.

Isajos 7:9

А Ефремоскиро шэро́ исын Сама́рия, а Самариякиро шэро́ исын Ремалияскиро чхаво́. Ко́ли тумэ́ на патя́на, то тумэ́ кэрэнэ адя́кэ, палдова́, со тумэ́ на упатя́ндынэ.”

Isajos 8:6

“Пал дова́, исын на пир ило́ далэ́ народоскэ исын пани́ Силоамоскиро, саво́ штылэ́с тхадэ́ла, а шарэла Рецынос и Ремалииноскирэ чхавэ́с,

Isajos 26:21

Акэ, Рай Дэвэ́л выджа́ла Пэ́скирэ штэто́стыр тэ чхувэ́л ка́ра пэ манушэ́ндэ, савэ́ дживэ́на пэ пхув, пал лэ́нгирэ грэ́хи, и пхув откэрэла рат, саво́ прилыя́ дрэ пэ́стэ и на гаравэла пэ́скирэ замардэн.

Isajos 59:4

Нико́н на ґаздэ́ла пэ́скири зан пал чачипэ́н, нико́н пал чачипэ́н на заджа́ла (на затэрдёла); лэ́нгири наде́я исын хоханы; ёнэ хохавэна; ёнэ лэ́на тэ кэрэ́н фуипэ́н и налачхэ́ рэ́нды янэ́на палэ.

Isajos 59:13

Амэ парудям Ра́скэ-Дэвлэ́скэ и хохадям; отгиям амарэ́ Дэвлэ́стыр; амэ ракирасас хохаибэ́н и пал паруибэн; амарэ́ илэ́стыр выджа́нас хоханэ́ лава́.