Isajos 30:1 - Библия - Пэ Балтитко Романи чиб (Романэс) 2019

¹ “Бида чхавэ́нгэ, савэ́ на кандэ́на,” – ракирэ́ла Рай Дэвэ́л, – “савэ́ обракирэна рэ́нды (де́лы) би Миро, доракирэнпэ на пир Миро ду́хо (фа́но), а соб (кай) тэ причхувэ́н грэ́хо кэ грэ́хо.

Biblija - Pe Baltitko Romani čib (Romanes) 2019

¹ “Bida čhavénge, savé na kandéna,” – rakiréla Raj Devél, – “savé obrakirena réndy (diély) bi Miro, dorakirenpe na pir Miro dúho (fáno), a sob (kaj) te pričhuvén grého ke grého.

Isajos 30:1 Referans Kwoze

Isajos 65:2

Кажно дывэ́с протырдавас Мирэ́ васта́ кэ народо, саво́ на кандэ́ла, саво́ псирэ́ла налачхэ́ дромэ́са, саво́ дживэ́ла пир лэ́скири годы́.

Isajos 1:2

Шунэ́н, болыбэна, пошун, пхув, пал-дова́ со пхэнэ́ла Рай Дэвэ́л: “Мэ барьякирдём, ґаздыём чхавэ́н, а ёнэ ґаздынэ́пэ пэ Ма́ндэ.

Osija 7:13

Бида пэ лэ́ндэ, пал-дова́ со ёнэ отгинэ́ [нашнэ́-ю.о.] Ма́ндыр! Хасибэ́н пэ лэ́ндэ, пал-дова́ со ёнэ кэрдэ́ чорипэ́н проти Ма́ндэ! На дыкхи́ пэ дова́, со Мэ выракхцём лэн, усае́кх ёнэ ракирдэ́ хохаибэ́н проти Ма́ндэ.

Римлянэнгэ 2:5

А пир тыро́ накандыпэн и напорискирдо кэ Ёв ило́, ту кокоро́ пэ́скэ кэдэса буты́р холы́ пэ дывэ́с ваш Дэвлэ́скири холы́, ке́ли Ёв откэрэла Пэ́скиро сэ́ндо,

Isajos 63:10

Нэ ёнэ на кандэнас, пхарэ́с сыс далэ́стыр Свэнтонэ́ Духоскэ; палдава́ Ёв яця́ лэ́нгирэ вэргоса: Кокоро́ Ёв марэласпэ лэ́нца.

Isajos 29:15

Бида кодолэ́нгэ, кон думинэ́ла тэ гарадёл дро хор штэ́то, соб (кай) тэ на джинэ́л Рай Дэвэ́л лэ́нгирэ ду́мы, савэ́ кэрэ́на пэ́скирэ рэ́нды дро калыпэ́н и ракирэ́на: “Кон дыкхэ́ла амэн? Кон ґалёла пал амэ́ндэ?”

2 Ximaske 3:13

А фуй мануша́ и хоханэ́ сыклякирибнарья явэ́на буты́р тэ хохавэн и тэ залыджан дро хохаибэ́н явирэ манушэ́н и тэ хохавэн кокорэ́ пэс.

Езэкилё 3:9

Сыр алмазо (диаманто), со исын зоралэды́р барэстыр, кэрдём Мэ тыро́ чэкат, на дар лэ́ндыр, на дар тэ явэс анги́л лэ́нгиро муй, пал-дова́ со ёнэ исын кхэр, кай на кандэ́на никонэ́с.”

Езэкилё 2:3

Ёв пхэндя́ ма́нгэ: “Манушэ́скиро чхава! Мэ бичхава́ва тут кэ Израилёскирэ чхавэ́, кэ мануша́, савэ́ никонэ́с на кандэ́на, савэ́ ґаздынэ́пэ пэ Ма́ндэ. Ёнэ и лэ́нгирэ дада́ отгинэ́ Ма́ндыр кэ/ жы́ко ададывэ́с.

Ереме́ё 5:23

Нэ кадалэ́ манушэ́ндэ исын бунтытко и пхаро́ ило́; ёнэ рисинэ́ дрэ риг и мэкнэ́ Ман.

Isajos 30:9

Пал-дова́, со ёнэ исын бунтяритко народо, (саво́ никонэ́с на кандэ́ла), хоханэ́ чхаворэ́, савэ́ на камэ́на тэ шунэ́н Ра́скирэ-Дэвлэ́скиро Зако́но.

Psalmy 61:4

Пал-дова́ со Ту са́нас сыр гарадыипэн ма́нгэ, сы́рбы зоралы́ вучарды́ (башня) мирэ́ вэргэ́ндыр.

Яви́р Зако́но 29:19

и, соб (кай) тэ на явэ́л ададывэ́с манушэ́с, сыр адасаво́, саво́ шундя́ далэ́ прокошыбнытка лава́, соб (кай) тэ шарэлпэ дрэ пэ́скиро ило́, ракири́: “Мэ ява́ва бахтало́, на дыкхи́ пэ дова́, со Мэ ява́ва тэ псирав пир выкэдыибэн мирэ́ илэ́скиро”; и адя́кэ хасёла кхэтанэ́ чало бокхалэса;

Яви́р Зако́но 9:24

Тумэ́ на кандынэ́ Рас-Дэвлэ́с долэ́-паць дывэсэ́стыр, сыр мэ яцём тэ джина́в тумэн.

Ереме́ё 4:17

Сы́рбы ракхибнаскирэ пэ фэ́лда, ёнэ сарэ́ обджана трусця́л Ерусалимо, пал-дова́ со дава́ фо́ро газдыя бу́нто пэ Ма́ндэ’, – пхэндя́ Рай Дэвэ́л.

Isajos 32:2

Кажно лэ́ндыр явэ́ла сыр зракхибэ́н балвалятыр, сыр зракхибэ́н брышындэстыр, сыр пани́ пэ шуки́ (чхучи́) пхув, сыр бэ́рга, сави́ закэрэла кхамэстыр чхучи́ пхув.

Isajos 8:12

“На кхарэ́н чораханэ зракирибнаса дава́, со дова́ народо кхарэ́ла чораханэ зракирибнаса, на дарэ́н долэ́стыр, со́стыр ёв дарэ́ла, и на страхадён.

Isajos 4:5

И создэла (кэрэ́ла) Рай Дэвэ́л упра́л пэ кажно штэ́то, саво́ исын пэ Сионо́скири бэ́рга, и упра́л пэ ла́киро скэдыибэ́н о́блоко и тхув дывэсэ́, и ягитко дуд раты́; пал-дова́ со упра́л саро́, со исын патывало, явэ́ла учхакирдо.

Isajos 1:5

Сыр ишчо (инкэ́) тэ мара́в тумэн, ко́ли тумэ́ усае́кх на кандэ́на? Саро́ шэро́ исын насвало́, саро́ ило́ замыя́.

Osija 13:2

Акана́ ёнэ кэрэ́на грэ́хи бутэды́р и барэды́р, и ёнэ кэрдэ́ ваш пэ́скэ вычхудэ́ муя́, и́долы рупэ́стыр пир пэ́скиро джиныбэ́н, сарэ́ кадалэ́ статулы кэрдэ́ графарья (спецы тэ рисынэн) дрэ вастытка бутя́. И ёнэ пхэнэ́на: ‘мэк мануша́, кон янэ́ла свэ́нто дыибэ́н, тэ чамудэн гуруворэ́н.’

Isajos 5:18

Бида одолэ́нгэ, савэ́ тырдэна кэ пэ грэ́хо би ракхибнаскирэ шэлэнца, тырдэна кэ пэ грэ́хо сы́рбы симиренца пэ рота.

Isajos 28:20

Набаро́ явэ́ла чхуибэ́н, соб (кай) тэ пасён, набуглы учхакирды явэ́ла, соб (кай) ла́са тэ запатькираспэ (тэ закрэнцынаспэ).

Isajos 28:15

Пал-дова́, со тумэ́ ракирэ́на: “Амэ доракирдямпэ хорэ штэтоса тэл пхув люноса (адоса) и мэрибнаса: ко́ли проджа́ла чхупны, сави́ хасякирла саро́, кэ амэ ёй на доджа́ла, пал-дова́ со хохаибнаса амэ зракхасапэ и начачипнаса пэс закэраса (пхандасапэ).”

Isajos 8:19

И ко́ли пхэнэ́на тумэ́нгэ: “Джа́ кэ одолэ́, кон выкхарэла мулэн, кон исын човахано, кон зумавэла”, – тэ́ньчи тумэ́ пхэнэ́н: “Ци на трэй, соб (кай) народо тэ родэ́л пэ́скирэ Дэвлэ́с? Ци пхучэна мулэ́ндыр пал джидэ́ манушэ́ндэ?”

Яви́р Зако́но 9:7

Ри́пир, на бистыр, ци бут ту холякирдян Рас-Дэвлэ́с, Дэвлэ́с тырэ́с, пэ чхучи́ пхув: одолэ́ дывэсэ́стыр, сыр выгиян ту Египто́скирэ пхувья́тыр, и кэ са́мо тумаро́ явибэн пэ дава́ штэ́то, тумэ́ на кандынэ́ Рас-Дэвлэ́с.

Čysly 32:14

И дыкхэ́н, заме́ст тумарэ́ дадэндэ, ґаздынэ́пэ тумэ́, грешникэнгиро ро́до, соб (кай) тэ кэрэ́н буты́р Ра́скирэ-Дэвлэ́скири холы́ пэ Израилё.

Isajos 1:23

Тхага́рья (кня́зи) тырэ́ на кэрэ́на пир чачипэ́н, лэ́нгирэ дру́ги (мала́) исын чора. Сарэ́ ёнэ камэ́на мыто, праста́на пал ловэ́. Ёнэ на уштэна (затэрдёна) пал пиротэндэ (сиротэндэ) и пивлякиро (удовакиро) рэ́ндо на доджа́ла кэ ёнэ.

Isajos 8:11

Адя́кэ ракирэ́лас ма́нгэ Рай Дэвэ́л, ке́ли рикирэлас пэ ма́ндэ зорало́ васт, и Ёв припхэнэлас, соб (кай) мэ тэ на джав далэ́-народоскирэ дромэ́са, и адя́кэ пхэндя́:

Ереме́ё 17:5

И дава́ Мэ, Рай Дэвэ́л, ракира́ва: “Тэ явэ́л прокошыбэ́н (арман)” пэ манушэ́стэ, саво́ допатяла зоралэ́с дрэ манушэ́стэ, и саво́ кэрэ́ла пэ́скирэ лочятыр (плотятыр) чачо́ васт, и савэскиро ило́ дурьёла Ра́стыр-Дэвлэ́стыр.

Ереме́ё 37:7

“Адя́кэ ракирэ́ла Рай Дэвэ́л, Дэвэ́л Израилёскиро: Адя́кэ тумэ́ пхэнэ́н Юдэя́кирэ крали́скэ, кон бичхадя́ тумэн кэ Мэ, соб (кай) тэ пхучэ́н Ма́ндыр: ‘А́кэ, исын фараоно́скиро халадыбэ́н, со выгия́ тэ подэл васт тумэ́нгэ, явэ́ла тэ рисёл палэ пэ пэ́скири пхув.

Ереме́ё 42:19

Рай Дэвэ́л пхэндя́ тумэ́нгэ: “Тумэ́, савэ́ ячнэ́пэ Юдастыр: на джа́н кэ Еги́пто:” Сарэ́ джинэ́на, со мэ, Ереме́ё, сыклякирдём тумэн тэ приракхэнпэ пал дава́ дывэ́с.

Езэкилё 11:2

И пхэндя́ Ёв ма́нгэ: “Манушэ́скиро чхава! Акэ, исын мануша́, савэ́ придуминэна чорипэ́н, савэ́ дэ́на бэда годыпэна (советы) дро дава́ фо́ро.

Езэкилё 24:3

Пхэн притча (сыкаибэ́н) кхэрэ́скэ, кай на кандэ́на никонэ́с, пхэн лэ́нгэ: ‘Адя́кэ ракирэ́ла Рай Дэвэ́л, Дэвэ́л: “Чхув пири́ (кака́ви), чхув, чхув одори́к пани́.

Езэкилё 29:16

и на явэ́на бутэды́р подрикирибнаса Израилёскирэ кхэрэ́скэ, а саво́ рипирлас лэ́нгиро грэ́хо, и ґалёна, со Мэ сом Рай Дэвэ́л, Дэвэ́л.”

Заха́рия 4:6

Тэды отпхэнэ́лас ёв и пхэндя́ ма́нгэ: “Адя́кэ: дава́ исын лав Ра́скирэ-Дэвлэ́скиро кэ Зоровавелё, саво́ ракирэ́ла: ‘На муршыпнаса и на зорья́са, нэ Духо́са Мирэса’”, – ракирэ́ла янголэ́нгирэ-болыбна́скиро, Рай Дэвэ́л.

Isúso 9:14

Израильтя́ни лынэ́ лэ́нгиро маро́, а Ра́стыр-Дэвлэ́стыр на пхучнэ́.

4 Kralip 18:21

Ѓа́да, ту думинэса тэ рикирэспэ пал Еги́пто, дава́ дэсто́ пхагирдо́, саво́, ко́ли кон явэ́ла тэ рикирэлпэпэ пал лэ́стэ, адолэ манушэ́скэ заджа́ла ёв (дэсто́) лэ́скэ дро васт и пропхусавэла лэс. Дава́ исын фарао́но, Египто́скиро кра́ли, ваш сарэ́нгэ, кон чхувэ́ла наде́я пэ лэ́стэ.

4 Kralip 18:24

Сыр ту́кэ тэ пиризорьякирэс (тэ здолинэс) и екхэ́с шэралэс мирэ́ хула́скирэ тыкнэдыршонэндыр дынари́с? И ту чхувэ́са наде́я пэ Еги́пто ваш вурдына́ и грэнгэ?

Isajos 1:4

Ай, грэхи́тка мануша́лэ, народо, саво́ исын пхэрдо́ пэ́скирэ грэхэ́нца, на́лачхо ро́до, хасибны́тка чхавэ́! Тумэ́ ячкирдэ́ Рас-Дэвлэ́с, чхурдынэ́ свэнтонэ́ Израилёскирэ Дэвлэ́с, рисинэ́ палэ.

Isajos 31:1

Бида одолэ́нгэ, савэ́ джа́на дро Еги́пто пал подрикирибэ́н, наде́я лэ́нгири пэ грэ́ндэ и пэ марибны́тка вурдэна́, пал-дова́ со бут лэн исын, пэ манушэ́ндэ, савэ́ традэ́на уклистэ́ пэ грэ́ндэ, савэ́ исын зоралэ́, а пэ Свэ́нто Израилё ёнэ на дыкхэ́на, и кэ Рай Дэвэ́л ёнэ на джа́на!

Ереме́ё 2:18

И акана́, ваш со ту́кэ, Израиле, трэй тэ кэрэ́с дром кэ Еги́пто и тэ пьес Сихороскирэ (Нилостыр) паня́, ци тэ кэрэ́с дром кэ Асирия; и тэ пьес ла́кирэ рэка́тыр (лэня́тыр).

Osija 11:6

И курта́ла пэрэ́ла (явэ́ла тэ рисёл одори́к и палэ) пэ фо́рья лэ́скирэ, и ёй явэ́ла тэ чингирэл тэлэ́ лэ́нгирэ штабы, и хасякирэ́ла лэн пал лэ́нгири годы́.