Isajos 3:8 - Библия - Пэ Балтитко Романи чиб (Романэс) 2019

⁸ Адя́кэ пхадия Ерусалимо, пыя́ Юда, пал-дова́ со лэ́нгири чиб и лэ́нгирэ рэ́нды (де́лы) нанэ пал Растэ-Дэвлэ́стэ, ёнэ на вырикирэна Дэвлэ́скиро барипэ́н.

Biblija - Pe Baltitko Romani čib (Romanes) 2019

⁸ Adiáke phadija Jerusalimo, pyjá Juda, pal-dová so léngiri čib i léngire réndy (diély) nane pal Raste-Devléste, jone na vyrikirena Devléskiro baripén.

Isajos 3:8 Referans Kwoze

1 Коринфянэнгэ 10:22

Нау́што амэ ява́са тэ муршкинаспэ тэ холякирас Дэвлэ́с? Нау́што амэ сам зоралэды́р Лэ́стыр?

Osija 7:16

Ёнэ рисинэ́ палэ, нэ на кэ Са́мо Барыдыр; ёнэ исын сыр дошвало лу́ко. Лэ́нгирэ тхага́рья пэрэ́на куртала́тыр пал пэ́скири чиб, со ракирдя́ холямипэн (дерзости). Пэ пхув Египто́скири лэ́ндыр явэ́на тэ санпэ.

Juda 1:15

тэ кэрэ́л сэ́ндо пэ сарэ́ манушэ́ндэ и тэ бангякирэл сарэ́н надэвлытконэн машки́р лэ́ндэ пал лэ́нгирэ надэвлытка рэ́нды, савэ́ ёнэ кэрдэ́ и пал сарэ́ пхарэ́ налачхэ́ лава́, савэ́ кадалэ́ бидэвлыткарья-грэхи́тка мануша́ ракирдэ́ проти Дэвлэ́стэ.

Avakumo 1:13

Тырэ́ якха́ исын древа́н свэ́нта, соб (кай) тэ дыкхэ́н пэ дая́ биба́хт, и лэ́нгэ нашты́ тэ дыкхэ́н фуипэ́н. Со́скэ Ту дыкхэ́са кодолэ́н, савэ́ кэрэ́на злыдниткэс, и Ту на ракирэ́са нисо́, сыр бибахтало́ ману́ш хасякирэ́ла одолэ́с, саво́ исын чачунэдыр лэ́стыр?

Mihiejo 3:12

Пал тумэ́ндэ палдава́ Сио́но явэ́ла пхарадо сыр фэ́лда, и Ерусалимо́стыр ячэ́лапэ бэ́ргица руи́ны, а бэ́рга тэл Кхэрэ́скиро фунда́менто ячэ́лапэ сыр бэ́ргица дро вэш.

Езэкилё 9:9

Тэ́ньци пхэндя́ Ёв ма́нгэ: “Израилёскирэ-кхэрэ́скиро и Юдэя́киро чорипэ́н исын баро́, древа́н баро́, и ада́я пхув исын пхэрды́ ратэ́са, и фо́ро исын пхэрдо́ чорипнаса, со кэрэ́нас пэхроми, долэ́стыр, со ёнэ ракирэ́на: “Мэкця́ Рай Дэвэ́л, Дэвэ́л ада́я пхув, и на дыкхэ́ла Рай Дэвэ́л, Дэвэ́л.”

Езэкилё 8:12

И пхэндя́ Ёв ма́нгэ “Дыкхэ́с ці, со кэрэ́на Израилёскирэ кхэрэ́скирэ барэдыра дро калыпэ́н (тёмныма) рат, со кэрэ́ла кажно лэ́ндыр дрэ пэ́скири шту́ба, кай исын и́долы? Ёнэ ракирэ́на: “На дыкхэ́ла амэн Рай Дэвэ́л, Дэвэ́л, ячадя Рай Дэвэ́л, Дэвэ́л дая́ пхув”

Ереме́ё 26:18

“Михай Морашостыр ангилпхэнэлас дро дывэ́с, ке́ли о Езэки́я сыс кра́ли пир Юдэ́я, и пхэндя́ сарэ́ манушэ́нгэ Юдэя́тыр, ракири́: ‘Адя́кэ ракирэ́ла болыбна́скирэ-янголэ́нгиро Рай Дэвэ́л: “Сио́но явэ́ла пхарадо сыр пхув плуґостыр (пхарадятыр), Ерусалимо́стыр ячэ́напэ руи́ны [бара́-р.с.], И бэ́рга, кай исын Кхангири́, явэ́ла сыр бэ́ргица машки́р вэш.

Ереме́ё 26:6

тэды Мэ кэра́ва далэ́ Кхангирья́тыр яви́р Сило́мо (Шыло), и Мэ кэра́ва адя́кэ, со пэ лэ́стэ явэ́на тэ кэрэ́н прокошыбэна (арманя) сарэ́ Наюды́тка на́цыи пэ пхув.’”

Isajos 57:4

Конэ́стыр тумэ́ санапэ? Пэ конэ́стэ откэрэна муй, конэ́скэ сыкавэ́на чиб? Ци на тумэ́ сан чхаворэ́ чорипна́стыр, ро́до хохаибнаскиро.

Isajos 9:17

Палдава́ на явэ́ла тэ радынэ́лпэ Рай Дэвэ́л пал лэ́скирэ тэрнэ́ манушэ́ндэ, на потангинэла лэ́скирэ бидадэскирэн и биромэскирэн пал дова́, со сарэ́ ёнэ исын хохаибнарья и чора, ушта́ лэ́нгирэ пхэнэ́на налачхэ́ лава́. Палдава́ на проджа́ла Лэ́скири холы́ и васт Лэ́скиро исын протырдыно.

Isajos 1:7

Тумари́ пхув исын чхучи́ (пусто), тумарэ́ фо́рья исын схачкирдэ́ яга́са; тумарэ́ фэ́лды ха́на чу́жа мануша́ анги́л тумарэ́ якха́; саро́ исын чхучо́ сыр тэ́ньчи, ко́ли чу́жа мануша́ росчорэ́нас.

2 Паралипоменоно 33:11

И палдава́ яндя́ Рай Дэвэ́л пэ лэ́ндэ барыдырэ́н Асирия́кирэ-крали́скирэ халадэндыр; и закуиндлэ ёнэ Манасияс дрэ састыра́, и закуиндлэ лэс зандирье́нца (цэпэнца), и лыджинэ́ лэс дро Вавило́но.

2 Паралипоменоно 28:18

и Филистимля́ни розгинэпэ пир фо́рья пэ тэлатуны округа и паш-дывэ́с Юдэе́нгиро, и лынэ́ Вефсамисо и Аиалоно, и Гедерофо, и Сохо и фо́рья, савэ́ сыс тэл лэ́скири зор, и Фимна, и фо́рья, савэ́ сыс тэл лэ́скири зор, и Гимзо и фо́рья, савэ́ сыс тэл лэ́скири зор, и лынэ́ тэ дживэ́н одо́й.

Isajos 6:11

Мэ пхэндём: “Ци ґара́ (длу́гэс) дава́ явэ́ла, Раё, Дэ́вла?” Ёв пхэндя́: “Пириячэ́ла, ко́ли далэ́ фо́рья явэ́на чхучэ́, нико́н на явэ́ла тэ дживэ́л дрэ лэ́ндэ, ко́ли джа́на мануша́ далэ́ кхэрэндыр, ко́ли дая́ пхув явэ́ла сарэ́са чхучи́.

Isajos 49:19

Дрэ тырэ́ роспхагирдэ́ кхэра́, пэ тырэ́ чхучэ́ пхувья́ и пэ тыри́ обчорды пхув на явэ́ла штэ́то, соб (кай) тэ дживэ́н одолэ́, кон халас тут, джа́на криг ту́тыр.

Isajos 59:3

Пал-дова́, со тумарэ́ васта́ магирдэ́ ратэ́са, а тумарэ́ ангушта (пальцы) – грэхэ́нца; тумарэ́ ушта́ хохавэна, тумари́ чиб на пхэнэ́ла чачипэ́н.

Ереме́ё 4:13

Акэ, вэ́рго джа́ла тэлэ́ сы́рбы о́блоки и лэ́скирэ марибны́тка вурдэна́ явэ́на сыр рискирибнаскири балва́л, а лэ́скирэ граё исын сыгэды́р орлэндыр (кидэндыр). “Бида амэ́нгэ! Пал-дова́ со амэ хасиям!”

Ереме́ё 44:3

пал лэ́нгирэ фуй рэ́нды, савэ́ ёнэ кэрдэ́, соб (кай) тэ дэн яг Мирэ́ холякэ пир дова́, со ёнэ псирдэ́ тэ хачкирэ́н дро́га смо́лы и тэ дынаринэ́н явирэ дэвлорэ́нгэ, савэ́н ёнэ на джиндлэ́, ни тумэ́, ни тумарэ́ дада́.

Roiben 1:9

Лэ́скиро магирипэ́н исын пэ лэ́скирэ и́дя, ёв на думиндя пал пэ́скиро джиибна́скиро ко́нцо (яго́ро), палдава́ ёв пыя́ адя́кэ намиштэс, лэ́стэ нанэ подрикирибнаскиро. Раё Дэ́вла! Дыкх мирэ́ мэ́ньки, пал-дова́ со вэ́рго барьякирдя пэс.

Mihiejo 6:12

Барвалэ́ мануша́ далэ́ форо́стыр исын древа́н начачунэ [нахрата-ю.о.], и кодолэ́ сарэ́, кон дживэ́ла дро дава́ фо́ро, хохавэнас, и чиб лэ́нгири исын хоханы дро лэ́нгирэ ушта́.

Pritčy 26:27

Кон ґанавэла ґанби́н (яма), одова́ кокоро́ пэрэ́ла дрэ ла́тэ, и кон катынэла упрэ́ бар, пэ одолэ́стэ бар рисёла палэ.

Ереме́ё 23:36

И тумэ́ на ракирэ́н буты́р: ‘Пхари́ звесь (зан) Ра́стыр-Дэвлэ́стыр, пал-дова́ со кажно адасаво́ лав манушэ́стэ явэ́ла пхари́ звесь (зан) ваш лэ́скэ, кон адя́кэ ракирэ́ла, пал-дова́ со тумэ́ пиририскирдэ лава́ джидэ́ Дэвлэ́скирэ, амарэ́ Ра́скирэ-Дэвлэ́скирэ, янголэ́нгирэ-болыбна́скирэ, амарэ́ Дэвлэ́скирэ.

Osija 5:5

Пхутькирибэ́н Израилёскиро тыкнякирдо дрэ лэ́нгирэ якха́ [допхэнэ́ла лэ́скирэ манушэ́нгэ дро муй-ю.о.], на дыкхи́ пэ дова́, со Израилё и Ефре́мо обштавэнапэ (пэрэ́на) дро лэ́нгиро чорипэ́н; и Юда обштавэлапэ адя́кэ-паць лэ́нца.