Isajos 3:24 - Библия - Пэ Балтитко Романи чиб (Романэс) 2019

²⁴ Мурша́ тырэ́ пэрэ́на куртала́тыр, зоралэ́ тырэ́ хасёна пэ марибэ́н.

Biblija - Pe Baltitko Romani čib (Romanes) 2019

²⁴ Muršá tyré peréna kurtalátyr, zoralé tyré xasjona pe maribén.

Isajos 3:24 Referans Kwoze

Езэкилё 27:31

Ёнэ обчхинэна пэ́скирэ бала́ сарэ́са пал ту́тэ, урьена пэ пэ́стэ балытка гонэ́ праскаса, и заровэна пал ту́тэ илэ́скирэ дукхатыр барэ́ роибнаса.

Roiben 2:10

Годэпхурэ́ Сионоскирэ исын бэштэ́ штылэ́с пэ пхув; и исын ёнэ чхурдэна пра́хо пэ пэ́скирэ шэрэ́ и ёнэ подпхандэнапэ жалобнонэ гонэса. Ерусалимо́скирэ патывалэ́ тырнэ джувля́ бандякирэна шэрэ́ кэ пхув.

Mihiejo 1:16

Кэр пэ́скэ плешка [злэ пэ́стыр бала́-р.с.] и обчхин пэ́скирэ бала́, ке́ли ило́ тыро́ явэ́ла тэ дукхал пал дрогонэ́ чхавэ́ндэ тырэндэ. Барьякир пэ́скири плешка сы́рбы о́рло (ки́до), пал-дова́ со ёнэ джа́на дро пле́но ту́тыр.

Isajos 22:12

И Рай Дэвэ́л, Рай Дэвэ́л, болыбна́скирэ-янголэ́нгиро, кхарэ́ла кэ Пэ тумэн, соб (кай) тумэ́ тэ ровэ́н, тэ годлэн дро дава́ дывэ́с, соб (кай) тумэ́ тэ обчхинэн бала́, соб (кай) тэ обпхандэнпэ гонэса праскаса, саво́ урьена дрэ биба́хт.

Isajos 15:3

Пэ вули́цы (га́сы) лэ́нгирэ обпхандэнапэ балытконэ гонэса, пэ лэ́нгирэ барэ́ дрома́ [пэ форуня́-р.с.] и пэ стрэхи сарэ́ ровэна, саро́ исын дрэ ясва.

1 Petr 3:3

мэк тэ явэ́л тумаро́ шукарипэ́н на дро балэнгиро закхувибэн и на дро сувнака́й, со исын пэ тумэ́ндэ и на дро барвало́ урибэ́н;

Amoso 8:10

Мэ парувава тумарэ́ свэ́нки пэ зоралы́ ту́га и сарэ́ тумарэ́ гиля́ пэ зорало́ ровибэн; и Мэ яна́ва жалобна балытка гонэ́ пэ кажно трушу́л, и плеха пэ кажно шэро́. Мэ кэра́ва дро да дывэ́с бари ту́га пэ пхув, савья́са обровэна екхорэ чхавэ́с, и ко́нцо (яго́ро) далэскэ явэ́ла сыр кирко дывэ́с.

Ester 2:12

Ке́ли явдя́ часо кажнонэ́ тэрнэ́ патывалэ́ джувля́кэ тэ заджа́л кэ кра́ли Артаксе́рксо, пало́ дова́, сыр дрэ прогинэ́ (накхлэ) дэшуду́й чхона́ саро́ кэрдо́ сыс пэ ла́тэ, со трэй джувле́нгэ, – пал-дова́ со ада́кицы дывэса́ трэиндя́ тэ проджас лэ́нгирэ макхлуненца: шов чхона́ мирровонэ ксилэса и шов чхона́ кхандыпнэнца и явирэнца джувлитконэ макхлуне́нца.

Левито 26:16

то тэды и Мэ кэра́ва тумэ́нца адя́кэ: Мэ бичхава́ва пэ тумэ́ндэ дар, насвалыпэн и хачкирибэ́н, савэ́ндыр кхинёна якха́ и нашавэла зор ди, и тумэ́ явэ́на тэ почхувэн дрэ пхув тумарэ́ зя́рки (семи) ивья́, и тумарэ́ вэ́рги схана лэн;

Sykadyipén 18:9

Кра́лья пир пхув, савэ́ сыс кхэтанэ́ ла́са дро блэ́ндо и дживэ́нас бимеракиро барвалэс ла́са, ке́ли дыкхэ́на тхув ягатыр, со хачкирэлас ла, тэды ёнэ явэ́на тэ ровэ́н пхарэ́с и тэ дэн го́дла ясвэ́нца пал ла́тэ.

Sykadyipén 16:9

И мануша́ сыс хачкирдэ́ барэ́ хачкирибнаса и ёнэ калякирэнас Дэвлэ́скиро лав, Саво́ рикирдя зор пэ далэ́ фра́нсы. Нэ ёнэ на рискирдэ́ пэ́скиро джиибэ́н грэхэ́ндыр кэ Дэвэ́л и на выпхэндлэ сла́ва Лэ́скэ.

Sykadyipén 11:3

И мэ да́ва зор мирэ́ дуе Якхитконэнгэ и ёнэ явэ́на тэ ангилпхэнэн тысёнцо дуй шэла́ шовдэша́ дывэса́, савэ́ явэ́на уридэ́ дрэ гонэ́ балэндыр.”

Ioil 1:8

Ровэ́н зоралэ́с, мануша́лэ, и подпхандэнпэ жалобнонэ балытконэ гонэса, сы́рбы патывалы́ тэрны́ джувлы́, кон тугинэла пал ромэстэ пэ́скирэ тэрныпнастыр.

Езэкилё 7:18

Тэ́ньци ёнэ урьенапэ дро балытко гуно праскаса, и учхакирэ́ла лэн трашаибэ́н, ладж явэ́ла пэ муя́ и ёнэ обчхинэна пэ́скирэ бала́.

Ереме́ё 48:37

Кажно шэро́ исын мурадо и кажна чхора (брода) исын мурадэ́, пэ кажно васт исын почхиныбэна, и пэ трушула исын балыткса гонэ́.

Ереме́ё 6:26

“Мирэ́-манушэ́нгири чхаё, чхув пэ пэ́стэ жалобно гоно́, и катынпэ дрэ пра́ска! Зоралэ́с тугин сы́рбы пал екхорэ чхаворэстэ, киркэс обров пал-дова́ со екха́тыр пэрэ́ла (явэ́ла) пэ амэ́ндэ замарибнари”, – пхэндя́ Рай Дэвэ́л.

Ереме́ё 4:8

Палдава́ подпхандэнпэ жалобнонэ гонэса, обровэн и ровэ́н годла́са: пал-дова́ со Ра́скирэ-Дэвлэ́скиро холякирибэ́н, на рисия́ амэ́ндыр.

Isajos 57:9

Ту псирдян кэ кра́ли кучонэ́-кхандыпнытконэ макхибнаса; ту бут кэрдя́н дасавэ́ макхибэна; ту бичхавэсас тырэ́ манушэ́н дур, соб (кай) ёнэ тэ лыджа́н лав; ту сан древа́н ладжакирды.

Pritčy 31:24

Ёй кэрэ́ла цэрги (покрывалы) и бикнэла лэн, и ёй дорэсэ́ла барэ́ кустыка тылгарьенгэ (купцэнгэ) Финикиякирэнгэ.

Pritčy 7:17

Мэ почхудём (подушындём) миро чхуибэ́н миро́са, алоёса, корицаса.

Ióvo 16:15

Мэ сыдём пэ́скэ жалобно гоно́ пэ мири́ цы́па, и чхудём пэ́скиро шэро́ дро пра́хо.

Яви́р Зако́но 32:24

ёнэ явэ́на кхинякирдэ бокхаса, хасякирдэ́ хачкирибнаса и даранэ франсэнца; и Мэ бичхава́ва пэ лэ́ндэ рискирибна́скирэ мурдалэнгирэ (зверенгирэ) данда́ и трута (ядо) одолэнгири, савэ́ ползынэна пир пхув;

Яви́р Зако́но 28:22

Занасвалякирэла тут Рай Дэвэ́л шукяса (чахоткаса), издранэ хачкирибнаса, шылаляса (лихорадкаса), флокаса (воспаленияса), зашутькирибнаса, хачкирдэ́ балваляса, и ржавчынаса, и ёнэ явэ́на тэ на отмэкэн тут, пака ту хасёса.

Ереме́ё 49:3

“Тугин ясвэ́нца, Есевоне, пал-дова́ со Гаё (Аё) исын росчордо, дэн го́дла, чхая́ Раваскирэ, подпхандэн пэс балытконэ гонэнца! Ракирэ́н ясвэ́нца и прастан одори́к и палэ пир ва́нты; пал-дова́ со Малхомо джа́ла дро пле́но кхэтанэ́ лэ́скирэ рашанца и пэ́скирэ тхагарьенца.

Isajos 4:4

Ко́ли морэла криг Рай Дэвэ́л Сионоскирэ чхаенгиро магирибэн и жужакирэла Ерусалимоскиро рат машки́р лэ́стэ сэндытконэ деса и ягакирэ духо́са.

Isajos 3:23

Гудлы сунг парувэлапэ пэ накуч сунг; шэло явэ́ла сыр кусты́к, крэнца бала́ парудёна пэ нанго шэро́, буґлэ гада – пэ шматы, шукарипэ́н парувэлапэ пэ тавра.

Isajos 15:2

Ёв ґаздэ́лапэ кэ Баито и Дивоно, ґаздэ́лапэ пэ вучэ́ штэ́ты, соб (кай) ёв тэ ровэл; ровэла Моа́во пал Нэво́ и Медева, лэ́ндэ сарэ́ндэ исын обчхиндлэ́ бала́, сарэ́ндэ исын вымурадэ чхора (брода).