Isajos 3:16 - Библия - Пэ Балтитко Романи чиб (Романэс) 2019

¹⁶ И пхэндя́ Рай Дэвэ́л: “Пал-дова́ со чхая́ Сионоскирэ исын пхутькирдэ́, газдэна вучэ́с пэ́скиро шэро́, кхарэ́на кэ пэ якхэ́нца, башавэна лэ́нгэ ґэрэнгирэ укэдэибэнца.

Biblija - Pe Baltitko Romani čib (Romanes) 2019

¹⁶ I phendiá Raj Devél: “Pal-dová so čhaja Sionoskire isyn phut'kirdé, gazdena vučés péskiro šeró, kharéna ke pe jakhénca, bašavena lénge ĥerengire ukedeibenca.

Isajos 3:16 Referans Kwoze

Isajos 4:4

Ко́ли морэла криг Рай Дэвэ́л Сионоскирэ чхаенгиро магирибэн и жужакирэла Ерусалимоскиро рат машки́р лэ́стэ сэндытконэ деса и ягакирэ духо́са.

Матфеё 21:5

“Пхэнэ́н джувля́кэ Сионо́стыр: ‘А́кэ, Кра́ли тыро́ традэ́ла кэ ту, тихо, Саво́ исын бэшто́ пэ ослицатэ и ослёнкостэ, ла́кирэ тыкнорэстэ.’”

Гиленгири (Соломоно́скири) Гилы́ 3:11

Джа́н тэ дыкхэ́н, Сионо́скирэ чхая́лэ, акэ, исын кра́ли Соломо́но, дрэ крали́тко стадык (вя́нка), сави́ лэ́скири дай чхудя́ пэ шэро́, дро дывэ́с, ке́ли ёв лыя́ совла́х, дро дывэ́с, ке́ли лэ́скиро ило́ радындяпэ.

Pritčy 30:13

Исын ро́до, кай ла́кирэ манушэ́ндэ, исын пхутькирдэ́ якха́. Сыр вучэ́с ґаздэ́напэ лэ́нгирэ цымблы (ресницы)?

Luka 23:28

Ису́со рискирдя́ шэро́ и пхэндя́: “Джувлялэ Ерусалимо́стыр! На ровэ́н пал Ма́ндэ, а ровэ́н пал пэ́стэ и пэ́скирэ чхаворэндэ;

Софония 3:11

Дро дова́ Дывэ́с тумэ́, Мирэ́ мануша́лэ, на явэ́на тэ ладжан ни савэ́ тумарэ́ рэндэ́ндыр, дрэ савэ́ тумэ́ кэрдэ́ чорипэ́н проти Ма́ндэ; адя́кэ, сыр тэ́ньчи Мэ ла́ва криг тумарэ́ машкиралыпнастыр кодолэ́н, кон древа́н радынэ́лапэ пэ́скирэ пхутькирибнастыр, и буты́р тумэ́ на явэ́на тэ задэнпэ пэ Мири́ свэ́нто бэ́рга.

Isajos 24:4

Тангинэла, ровэла пхув; пыя́ духо́са, на радынэ́лпэ баро́ свэ́то, дрэ биба́хт (би́да) исын мануша́, савэ́ ґаздэнаспэ пэ пхувья́киро народо.

Isajos 3:18

Дро дова́ дывэ́с отлэла Рай Дэвэ́л ланцорэ ґэрэндыр, чэргэнорья, чхонорэ.

Isajos 1:8

И яця́пэ Сионо́скири чхай, сыр ша́тра дрэ виноградо́скири у́нта (садо), сыр шала́шо дрэ бар (огородо), сыр фо́ро, пэ саво́ ґаздынэ́пэ (заухтылдэ) вэ́рги.

Pritčy 16:18

Пхутькирибэ́н исын усады (сак) кэ хасибэ́н, ману́ш, саво́ задэлапэ, сыг пэрэ́ла.

Isajos 3:1

Акэ, Рай Дэвэ́л, Рай Дэвэ́л болыбна́скирэ-янголэ́нгиро, залэла Ерусалимо́стыр и Юдэя́тыр кхия и дэсто́, подрикирибэ́н марэ́са и подрикирибэ́н пане́са.

Isajos 3:4

И Мэ да́ва лэ́нгэ тэрнэ́-бэршэнгирэн дрэ барыдырэндэ, чхаворэ́ явэ́на тэ россэндякирэн (тэ хулаинэн) машки́р лэ́ндэ.

Isajos 3:17

Обчхинэла Рай Дэвэ́л лэ́нгирэ бала́ пэ фе́ля макушка (гутуп), лэ́ла криг лэ́нгиро урибэ́н.”

Pritčy 21:4

Якха́, савэ́ задэнапэ, пхутькирдо ило́-дава́ исын момолы́тко (свети́льнико) фуе́-манушэ́нгиро, саво́ исын грэ́хо.