Isajos 3:11 - Библия - Пэ Балтитко Романи чиб (Романэс) 2019

¹¹ Нэ би́да исын налачхэ́ манушэ́скэ: ёв прилэ́ла холы́ пал пэ́скирэ рэ́нды.

Biblija - Pe Baltitko Romani čib (Romanes) 2019

¹¹ Ne bída isyn nalačhé manušéske: jov priléla xolý pal péskire réndy.

Isajos 3:11 Referans Kwoze

Ekliesiastos 8:13

Нэ на явэ́ла лачхэ́с фуе́ манушэ́нгэ, ци сы́рбы зэр (тенё) ёв на явэ́ла ґара́ тэ дживэ́л, пал-дова́ со ёв на дарэ́ла анги́л Дэвлэ́стэ.

Jakov 2:13

пал-дова́ со ваш одолэ́ манушэ́нгэ, кон на сыкадя́ тангипэ́н (жалима) кэ яви́р мануша́, сэ́ндо явэ́ла би тангипнаскиро адя́кэ-паць кэ ёв, нэ тангипэ́н исын вучэды́р сэндостыр.

Psalmy 62:12

Дэвэ́л пхэндя́ е́кхвар; мэ шундём дуй мо́лы дава́, со сари́ зор исын Дэвлэ́стыр.

Psalmy 28:4

Отдэ́ палэ лэ́нгэ пир лэ́нгирэ рэ́нды и пир чорипэ́н, саво́ ёнэ кэрдэ́; пир дова́, со лэ́нгирэ васта́ кэрдэ́, отплэскир палэ лэ́нгэ пал лэ́нгирэ рэ́нды.

Isajos 65:20

Одо́й буты́р на явэ́ла тыкнэ́ чхавэ́с и пхурэс, саво́ на дживдя́ сарэ́ пэ́скирэ бэрша́, пал-дова́ со шэлбэршэнгиро ману́ш мэрэ́ла тэрнэса; нэ шэлбэршэнгиро грэхи́тко явэ́ла прокошно́?

Isajos 48:22

А грэхитконэ́ манушэ́нгэ нанэ рама́нё (миро)”, – ракирэ́ла Рай Дэвэ́л.

Pritčy 1:31

пал-дова́ тумэ́ явэ́на тэ хан дова́, со тумэ́ сан мол, и тумэ́ явэ́на тэ чалён долэ́стыр, со тумэ́ придуминдлэ.

2 Коринфянэнгэ 5:10

Пал-дова́ со амэ́нгэ сарэ́нгэ трэй тэ сыкавас пэс анги́л Христосо́скиро сэндари́тко штэ́то, соб (кай) амэ могинаса тэ дорэсас (тэ долас) пал дова́, со амэ кэрдя́м пал пэ́скиро джиибэ́н дрэ маса́: лачхипэ́н ци фуипэ́н.

Džiibén 18:25

Нашты́ тэ явэ́л, соб (кай) Ту тэ кэрэ́с адя́кэ, соб (кай) Ту тэ хасякирэс чачунэ́ манушэ́с кхэтанэ́ злыднитконэса, соб (кай) дова́-паць тэ явэ́л чачунэ́ манушэ́са; со и злыднитконэса; нашты́ тэ явэ́л Ту́тыр! Сэнда́ри сарэ́ пхувья́киро тэ кэрэ́л на пир чачипэ́н?”

2 Паралипоменоно 6:23

то тэды Ту вышу́н болыбна́стыр и кэр сэ́ндо пэ Тырэ́ писхарье́ндэ, отдэ́ бангэскэ, чхуви, со ёв кэрдя́ пэ лэ́скиро шэро́, и оправдын (чачакир) чачунэ́с, дэ лэ́скэ пир лэ́скиро чачипэ́н.

Ióvo 10:15

Ко́ли мэ сом фуй ману́ш, тэды би́да пэ ма́ндэ! Ровнэс сыр и ко́ли чачипэ́н исын пал ма́ндэ, мэ нашты́ тэ ґаздав миро шэро́. Мэ сом, дрэ бипатыв, ма́ндэ исын пхэрдо́ бибахтя.

Pritčy 12:14

Ману́ш явэ́ла чало лачхипнастыр сыр пхабатыр, со выджа́ла лэ́скирэ уштэндыр, и явэ́ла дыно́ манушэ́скэ пир бутя́ лэ́скирэ-вастэнгирэ.

Isajos 13:11

Мэ отхава (отда́ва) палэ свэтоскэ пал налачхэ́ рэ́нды, а грэхитконэ́ манушэ́нгэ – пал лэ́нгирэ грэ́хи; Мэ хасякира́ва пхутькирибэ́н кодолэнгиро, кон древа́н задэлапэ, Мэ хасякира́ва пхутькирибэ́н кодолэнгиро, кон притасавэла чорорэн.

Isajos 65:6

Акэ, со исын чхиндло́ анги́л Миро муй: “На лава́ Мэ тэ вырикирав, Мэ отда́ва палэ, отда́ва палэ лэ́нгэ.

Isajos 65:7

Тумарэ́ грэ́хи и кхэтанэ́ тумарэ́-дадэнги́рэ грэ́хи, – ракирэ́ла Рай Дэвэ́л; пал-дова́ тумарэ́ дада́ хачкирэнас фимиа́мо пэ бэ́рги, пэ тыкнэ́ бэ́ргицы кошэнас Ман; Мэ отмеринава лэ́нгэ пал сарэ́ лэ́нгирэ рэ́нды.’

Ереме́ё 21:14

И Мэ сэндякирава тумэн пир тумарэ́ барьякирдэ́ (пло́ды), савэ́ сыкавэ́на, со кэрдэ́ тумэ́’, – ракирэ́ла Рай Дэвэ́л, – и Мэ росхачкирава яг дро тумаро́ вэш, и ёй похала саро́, со исын трусця́л лэ́стэ.’”

Ереме́ё 31:30

Нэ кажно ману́ш явэ́ла тэ мэрэ́л пал пэ́скиро чорипэ́н; кажно ману́ш, саво́ ха́ла шутло винаградо (дракх), дрэ лэ́скирэ данда́ явэ́ла оскома.”

Езэкилё 2:10

И Ёв откэрдя ла анги́л ма́ндэ, и сыс лылвари́ зачхиндлы англэ и палэ, и сыс зачхиндло́ дрэ лылвари́: “Ровибэн, и тугипэн ясвэ́нца, и биба́хт.”

Езэкилё 18:20

О ди, саво́ кэрэ́ла грэ́хи, мэрэ́ла. О чхаво́ на явэ́ла тэ лыджа́л дадэ́скири банг, и дад на лыджа́ла чхавэскири банг; дэвлытконэ́-манушэ́скиро чачипна́скиро чачипэ́н ячэ́лапэ лэ́са, а злыднима фуе́-манушэ́скиро ячэ́лапэ лэ́са.

Езэкилё 24:14

Мэ сом Рай Дэвэ́л, Дэвэ́л, Мэ ракира́ва: кадава́ саро́ явэ́ла, и Мэ кэра́ва со трэй. Мэ на обрикирава Пэс, Мэ на потангинава, Мэ на пожалинава. Пир тырэ́ дрома́, пир тырэ́ рэ́нды явэ́на тэ сэндякирэн тут”, – ракирэ́ла Рай Дэвэ́л, Дэвэ́л.

Езэкилё 33:8

Ко́ли Мэ пхэна́ва злыднитконэ манушэ́скэ: ‘Злыдня ману́ш! Мэрэ́са мэрибнаса’, – а ту на явэ́са тэ ракирэ́с ничи́, соб (кай) тэ зракхэс злыднитконэ манушэ́с лэ́скирэ дромэ́стыр, кодова́ ману́ш мэрэ́ла пал пэ́скири злыднима, нэ лэ́скиро рат Мэ выродава Тырэ́ вастэ́стыр.

Mihiejo 3:4

Тэ́ньци ёнэ явэ́на тэ прикхарэн зоралэ́с Рас-Дэвлэ́с, нэ Ёв на отпхэнэ́ла лэ́нгэ [на явэ́ла тэ шунэ́л лэн-р.с.], и Ёв гаравэла пэ́скиро муй лэ́ндыр пэ дова́ часо, пал дова́, со ёнэ кэрдэ́ бибахталэ́ рэ́нды.

Mihiejo 7:13

Нэ доя́ пхув явэ́ла чхучи́ (пусто) пал банг кодолэгири, кон дживэ́ла пэ ла́тэ, и пал дова́ чорипэ́н, со ёнэ кэрдэ́.

Čysly 32:23

Ко́ли тумэ́ на кэрэ́на адя́кэ, тэды тумэ́ кэрэ́на грэ́хо анги́л Растэ-Дэвлэ́стэ, и джинэ́н, со ка́ра пал тумаро́ грэ́хо, саво́ латхэ́ла тумэн;

Сэндарьенгири Лылвари́ 9:57

И сарэ́ Сихемоскирэ-манушэ́нгирэ чорэ́ рэ́нды (де́лы) порискирдя Дэвэ́л пэ лэ́нгиро шэро́. И латхя́ лэн Иофамо́скиро прокошыбэ́н, Иероваалоскирэ чхавэ́скиро.

2 Kralip 3:39

Мэ какана́ ишчо (инкэ́) бизорья́киро, мэк мэ(хоць) и сом помакхно пэ кралипэ́н, а адалэ́ мануша́, Саруяскирэ чхавэ́, зоралэды́р ма́ндыр; мэк тэ дэл Рай Дэвэ́л манушэ́скэ, саво́ кэрэ́ла фуипэ́н пир лэ́скиро фуипэ́н!”

3 Kralip 21:21

Адя́кэ ракирэ́ла Рай Дэвэ́л: ‘Ѓа́да, Мэ яна́ва бари би́да, и Мэ вышулавава тыро́ ро́до пал ту́тэ, и Мэ хасякира́ва Ахавостэ кажнонэ́ муршорэс дро Израилё, и одолэ́с, кон исын дрэ наволя и исын пэ во́ля.

Pritčy 11:31

Ко́ли чачуно́ ману́ш дорэсэ́ла мазу́ри (награда) пэ пхув, тэды буты́р дорэсэ́ла грэхи́тко и фуй ману́ш.

Pritčy 26:27

Кон ґанавэла ґанби́н (яма), одова́ кокоро́ пэрэ́ла дрэ ла́тэ, и кон катынэла упрэ́ бар, пэ одолэ́стэ бар рисёла палэ.

Езэкилё 16:59

Адя́кэ ракирэ́ла Рай Дэвэ́л, Дэвэ́л: “Мэ кэра́ва ту́са, сыр кэрдя́н ту: на зрикирдян совэ́л, роспхагирдян доракирибэ́н.