Isajos 29:1 - Библия - Пэ Балтитко Романи чиб (Романэс) 2019

¹ Бида Ариилоскэ, Ариилоскэ, фороскэ, кай дживдя́ Дави́до! Причхувэ́н бэрш кэ бэрш, мэк тэ замарэ́н дова́, со джа́ла, сы́рбы свэ́нто дыибэ́н.

Biblija - Pe Baltitko Romani čib (Romanes) 2019

¹ Bida Ariiloske, Ariiloske, foroske, kaj dživdiá Davído! Pričhuvén berš ke berš, mek te zamarén dová, so džála, sýrby svénto dyibén.

Isajos 29:1 Referans Kwoze

2 Kralip 5:9

И лыя́ тэ дживэ́л Дави́до дрэ тва́рдыма/диз (крепость), и кхардя́ лэс Давидо́скирэ фороса, и обчхудэ кхэра́ пашы́л Милло и андрэ́.

Osija 9:4

Ёнэ на явэ́на тэ чхувэ́н ваш Ра́скэ-Дэвлэ́скэ мол (вино) сыр свэ́нто дыибэ́н, адя́кэ-паць и лэ́нгирэ свэ́нта яныбэна́ на явэ́на лачхэ́ Лэ́скэ: ёнэ явэ́на сыр маро́ пэ гараибэн, и сарэ́, кон ха́ла, лэс, явэ́на магирдэ́. Дава́ маро́ явэ́ла екх лэ́нгэ тэ явэ́н чалэ, нэ ёв на явэ́ла ваш Кхэр Ра́скирэ-Дэвлэ́скиро.

Osija 8:13

Ёнэ янэ́на джидо́ мас сыр свэ́нто дыибэ́н Ма́нгэ, и ёнэ ха́на лэс, нэ Мэ, Рай-Дэвэ́л, на прилава лэн.’ Акана́ Мэ ява́ва тэ рипирав лэ́нгиро чорипэ́н и тэ сэндякирэ́л лэн пал лэ́нгирэ грэ́хи: ёнэ рисёна палэ кэ Еги́пто.

Osija 5:6

Ёнэ явэ́на тэ родэ́н Рас-Дэвлэ́с лэ́нгирэ бакрэ́нгирэ стадэнца и табунэнца, нэ ёнэ на латхэ́на Лэс; Ёв рисия́ (отгия́) криг лэ́ндыр.

Isajos 66:3

Одова́, кон зачхинэла гурувэ́с исын сы́рбы одова́, кон замарэла манушэ́с. Кон янэ́ла бакрорэс ваш свэ́нто дыибэ́н исын сы́рбы одова́, кон затасавэла джуклэс; кон янэ́ла да́ро исын сы́рбы одова́, кон чхувэ́ла балычано рат; кон хачкирэ́ла фимиа́мо, исын сы́рбы одова́, кон мангэлапэ идолоскэ; сыр ёнэ выкэдынэ́ пэ́скиро дром и дава́ налачхипэн исын дро́го лэ́нгирэ илэскэ.

Юдэ́нгэ 10:1

Юдэ́нгиро Зако́но исын сы́рбы зэр (тенё) пал дова́ чачипэ́н, саво́ явэ́ла анги́л, дава́ нанэ кокори патри́н (о́бразо). Палдова́ со Зако́но кокоро́ на кэрэ́ла манушэ́н бидошакирэнца, савэ́ явэ́на тэ мангэ́нпэ Дэвлэ́скэ, ке́ли ёнэ со бэрш янэ́на дасавэ́-паць свэ́нта дыибэна́ пэ алта́рё.

Isajos 31:9

И дара́тыр пирипрастала ёв пашы́л пэ́скири тва́рдыма (крепость), и раё лэ́скирэ дарэ́на сыкаибнастыр” – ракирэ́ла Рай Дэвэ́л, Конэ́скири яг исын пэ Сио́но, Конэ́скиро бов исын дро Ерусалимо.

Ереме́ё 7:21

Адя́кэ ракирэ́ла болыбна́скирэ-янголэ́нгиро Рай Дэвэ́л, Израилёскиро Дэвэ́л: ‘Дочхувэн хачкирибнаскирэ яныбэна́ кэ тумарэ́ свэ́нта дыибэна́ и хан дава́ мас.

Isajos 5:12

Исын башаибэн и мол пэ лэ́нгирэ свэ́нки, а пэ Ра́скирэ-Дэвлэ́скирэ рэ́нды ёнэ на дыкхэ́на, на думинэ́на пал дова́, со кэрэ́на Лэ́скирэ васта́.

Isajos 29:9

Прилэ́н дава́ пал ди́во: ёнэ корьякирдэ явирэ́н и кокорэ́ коринэ, ёнэ исын матэ, нэ на пал-дова́, со пинэ́ мол (вино), ёнэ кунинэнапэ (качынэнапэ), нэ на палдова́, со сикера (бравинта) пинэ́.

Isajos 29:13

И пхэндя́ Рай Дэвэ́л: “Палдова́ со дава́ народо джа́ла кэ Мэ пэ́скирэ уштэ́нца и шарэла Ман пэ́скирэ чиба́са, нэ ило́ лэ́скиро дур отгия́ Ма́ндыр, и дова́, со ёнэ ґаздэ́на Ма́нгэ паты́в дрэ дар долэса, со сыклякирэ́на манушэ́нгирэ упхэныбэна́,

Левито 23:4

Ѓа́да, исын Ра́скирэ-Дэвлэ́скирэ свэ́нки, свэ́нта скэдыибэна, савэ́ тумэ́нгэ трэй тэ кэрэ́н дрэ пэ́скиро часо (цы́ро);