Isajos 28:7 - Библия - Пэ Балтитко Романи чиб (Романэс) 2019

⁷ Нэ кадалэ́ пэрэ́на моля́тыр (виностыр), змарэнапэ дромэ́стыр, пал-дова́ со пинэ́ сикера (бравинта); раша́й и проро́ко матинэ, згинэ годятыр; на дыкхэ́на дыкхибэ́н, ёнэ на сэндякирэна, сыр трэй.

Biblija - Pe Baltitko Romani čib (Romanes) 2019

⁷ Ne kadalé peréna moliátyr (vinostyr), zmarenape droméstyr, pal-dová so piné sikiera (bravinta); rašáj i proróko matine, zgine godiatyr; na dykhéna dykhibén, jone na sendiakirena, syr trej.

Isajos 28:7 Referans Kwoze

Luka 21:34

Нэ ракхэ́нпэ кокорэ́ пибнастыр и хабнастыр би меракиро, соб (кай) тумаро́ ило́ тэ на явэ́л пхэрдо́ традыпнаса пал барвалыпэ́н и джиибнытконэ пхарипнаса, и, соб (кай) дава́ дывэ́с тэ на явэ́л чораханэ́с пэ тумэ́ндэ;

Матфеё 24:29

И екха́тыр (сра́зу) пало́ дая́ пхари́ би́да дрэ долэ́ дывэса́ кхам мурдёла, чхон на явэ́ла тэ свэнцынэл, и чэргэня́ пэрэ́на болыбна́стыр, и болыбна́скирэ зорья явэ́на триинскирдэ

Isajos 19:14

Рай Дэвэ́л бичхадя́ дрэ лэ́стэ ду́хо (фа́но) матыбнаскиро; ёнэ хохадэ Еги́пто дрэ сарэ́ лэ́скирэ рэ́нды, адя́кэ, сыр мато псирэ́ла пир бла́та, савья́са ёв чхадыя.

Ekliesiastos 10:17

Бахталы́ ту сан, пхув, ко́ли тыро́ кра́ли исын барэ́-рангирэ родо́стыр и тырэ́ тхага́рья (кня́зи) ха́на тэды, ке́ли трэй ваш зоралыпэ́н, а на ваш матыбэн.

Pritčy 20:1

Мол (вино) сы́рбы салапэ, сикера (зорало́ пибэ́н) ґаздэ́ла шумо, и конэ́с дава́ злыджала дромэ́стыр, кодова́ исын нагодо ману́ш.

Mihiejo 2:11

Ко́ли тэ явэ́л балвалитко ману́ш, и тэ пхэнэ́л хохаибэ́н кадасавэ́ лавэ́нца: ‘Мэ ява́ва тэ ангилпхэнав пал мол (вино) и пал зорало́ пибэ́н (сикера), аж и ёв явэ́лас куч проро́ко ваш кодолэ́ манушэ́нгэ.

Ереме́ё 23:16

Адя́кэ ракирэ́ла янголэ́нгиро-болыбна́скиро Рай Дэвэ́л: “На причхувэ́н кан кэ лава́, со проро́ки ангилпхэнэна тумэ́нгэ. Ёнэ дылнякирэна тумэн; ёнэ ракирэ́на пал годэнгиро суно́, саво́ исын пэ ило́ лэ́ндэ, а на дова́, со Рай Дэвэ́л ракирэ́ла.

Ереме́ё 14:14

И пхэндя́ Рай Дэвэ́л ма́нгэ: “Проро́ки ангилпхэнэна хохаибэ́н Мирэ́ лавэ́стыр; Мэ на бичхадём лэн, и Мэ на припхэндём лэ́нгэ, и Мэ на пхэндём лэ́нгэ: ёнэ ангилпхэнэна тумэ́нгэ хохано́ дыкхибэ́н (суныбэн), и чхучэ́ чары; дова́, со на мол ничы́, и хохаибэ́н, со джа́ла лэ́нгирэ илэндыр.

Isajos 3:12

Бияты тасавэна миро народо, джувля́ хулаинэна пэ лэ́стэ. Народо Миро! Тырэ́ хулая́ хохадэ тут, лыджинэ́ криг тут чачунэ́ дромэ́стыр.

Psalmy 107:27

ёнэ крэнжынэна одори́к и палэ и ёнэ кунинэ́наспэ (шатынэнапэ) сыр матэ, а лэ́нгиро годыпэ́н нисо́ на мол:

Эфесянэнгэ 5:28

Адя́кэ-паць и рома́ исын бангэ́ тэ сыкавэ́н паты́в пэскирэн ромне́нгэ сыр пэ́скирэ масэ́нгэ: конэ́скэ исын дро́го пэ́скири ромны́, кодолэ́ манушэ́скэ исын дро́го кокоро́ ёв.

Езэкилё 44:21

Нашты́, соб (кай) тэ пьел раша́й мол (вино), ке́ли ёв джа́ла пэ андратуны́ грэ́да.

Езэкилё 13:7

Ци на дошвало дыкхибэ́н тумэ́ дыкхэнас? Ци на хохано́ лав ангилпхэныбэ́н тумэ́ ракирэ́нас, пхэни́: “Рай Дэвэ́л, Дэвэ́л пхэндя́”, – а Мэ на ракиравас?

Roiben 2:4

Ёв ґаздыя́ Пэ́скиро лу́ко пэ амэ́ндэ сыр вэ́рго, Ёв тэрдия́ дро стонка Пэ́скирэ чачэ́ вастэ́са сы́рбы вэ́рго, и Ёв мулякирдя́ саро́, со сыс шука́р Лэ́скирэ якхэнгэ. Ёв вычхудя́ Лэ́скири холы́ сы́рбы яг пэ ша́тра, кай сыс Сионо́скири чхай.

Ереме́ё 23:13

“Машкир пророкэ́ндэ дрэ Сама́рия Мэ дыкхцём дасаво бигодыпэн (дылныпэ́н): ёнэ ангилпхэнас Ваалоскирэ лавэ́са, и ёнэ кэрэ́нас адя́кэ, со Мирэ́ мануша́ Израилёскирэ, дынэпэ дукха́.

Isajos 29:11

И кажно ангилпхэныбэ́н ваш тумэ́нгэ исын сыр лава́ дрэ закэрды лылвари́. Ла подэна манушэ́скэ, саво́ гинэ́ла и ракирэ́на: “Гин ла!” Нэ ёв пхэнэ́ла: “На прогинава, пал-дова́ со ёй исын закэрды (пхандлы).”

Isajos 24:2

И со явэ́ла народоса, дова́-паць (тожэ) явэ́ла раша́са; со явэ́ла дынариса, дова́-паць явэ́ла лэ́скирэ хула́са; со явэ́ла дынарицаса, дова́-паць явэ́ла ла́кирэ хуланяса; со явэ́ла одолэса, кон кинэла, дова́-паць явэ́ла одолэса, кон бикнэла; со явэ́ла манушэ́са, саво́ залэла ловэ́, дова́-паць явэ́ла одолэса, кон дэ́ла лэ́скэ ловэ́.

Isajos 22:13

Нэ, акэ, исын ра́дыма (лош) и сабэн! Замарэ́н гурувэ́н, чхинэн бакрэ́н, хан мас и пьен мол (вино): “Ла́са тэ хас и тэ пьяс, пал-дова́, со атася́ мэраса!”

Isajos 5:22

Бида одолэ́нгэ, савэ́ на дарэ́на тэ пьен мол (вино), и савэ́ исын зоралэ́ тэ кэрэ́н ла.

Isajos 5:11

Бида одолэ́нгэ, кон тасярлатыр пэ зло́ко (пэ ра́нко) родэ́ла бравинта и кэ рат хачкирэ́ла пэс моляса (виноса).

Pritčy 23:30

Дава́ исын кодолэ́ндэ, савэ́ кэ коригуно́ (позно) уля́го (пора) исын бэштэ́ пашы́л мол и кодолэндэ, савэ́ джа́на тэ родэ́н змешындлы мол (вино).

Isajos 24:20

Кунинэлапэ (качынэлапэ) пхув, сыр мато ману́ш, кунинэлапэ и грэ́хо ла́киро пэ ла́тэ: ёй пэрэ́ла и буты́р на уштэ́ла.

Isajos 28:1

Бида пхутькирдэ́ кралитконэ вянкакэ [коронакэ-ю.о.], сави́ исын пэ матэ Ефремлянэндэ, лулудякэ (цвэтоскэ) лэ́скирэ гожонэ урибнастыр, саво́ зашутия, саво́ исын пэ лачхи́ фэ́лда, кай пасёна матэ моля́тыр (виностыр).

Isajos 43:27

Тырэ́-дадэ́скиро дад кэрдя́ грэ́хо и одолэ́, кон мангдя́пэ пал ту́тэ, отгинэ́ Ма́ндыр.

Osija 7:5

Пэ свэнкитко дывэ́с амарэ́ крали́стэ, э тхага́рья (кня́зи) насвалякирдэ лэс, матякирдэ моляса (виноса); и ёв лыя́ тэ тырдэл пэ́скиро васт кэ одолэ́, савэ́ холямэс санапэ лэ́стыр.

Avakumo 2:15

Бида пэ лэ́стэ, кон дэ́ла тэ пьел пэ́скирэ суседоскэ (котарискэ/пашатунэскэ) и вычхувэла пэ́скири холы́, соб (кай) тэ матякирэл лэс, соб (кай) ёв сыс сашты́ (могиндя́) тэ дыкхэ́л лэ́скиро нангипэ́н.

Avakumo 2:16

Ту сан пхэрдо́ ладжаипнаса, а на слава́са. Акана́ Ту адя́кэ-паць, пи! Мэк тэ явэ́л отчхакирдо тыро́ наобчхиныбэн! Тахта́й чачунэ́-вастэскиро Ра́стыр-Дэвлэ́стыр рисёла проти ту́тэ, и ладжаипэ́н (ладжакуно чадыипэн) пэрэ́ла пэ тыро́ барипэ́н (сла́ва).

Isajos 5:23

Савэ пал ловэ́ отмэкэна одолэ́с, кон исын банго́, а манушэ́с, саво́ исын чачуно́, обчорэна.