Isajos 28:4 - Библия - Пэ Балтитко Романи чиб (Романэс) 2019

⁴ И зашутинэ лулудяса лэ́скирэ гожонэ урибнастыр, сави́ исын пэ лачхи́ фэ́лда, кэрэ́на адя́кэ, сыр смокваса, сави́ сы́гэс выбария анги́л сроко, и палдава́, кон дыкхэ́ла ла, екха́тыр (сра́зу) лэ́ла вастэ́са и ха́ла екхэ ґлытанкоса.

Biblija - Pe Baltitko Romani čib (Romanes) 2019

⁴ I zašutine luludiasa léskire gožone uribnastyr, saví isyn pe lačhí félda, keréna adiáke, syr smokvasa, saví sýges vybarija angíl sroko, i paldavá, kon dykhéla la, jekhátyr (srázu) léla vastésa i xála jekhe ĥlytankosa.

Isajos 28:4 Referans Kwoze

Naumo 3:12

Сарэ́ форо́скирэ рикирибэна исын сы́рбы инжыритка кашта́ (дрэвы) спялонэ инжыроса: ко́ли тринскирэса лэн, тэды ёнэ пэрэ́на дро муй одолэскиро, кон камэ́ла тэ хал лэн.

Mihiejo 7:1

Бида ма́ндэ! Пал-дова́ со мэ, сом сы́рбы ману́ш, кон кэдэла лынаитка му́ри, сы́рбы кодолэ́, кон подкэдэла винаградо (дракх), нанэ ние́кх грозно (вэтка му́ри) тэ хав, нанэ ние́кх спяло мурина, со миро ди камэ́ла.

Osija 6:4

‘О, Ефремэ, со Ма́нгэ тэ кэра́в ту́са? О, Юда, со Ма́нгэ тэ кэра́в ту́са? Пал-дова́ со тумари́ паты́в кэ Мэ исын сы́рбы туча пэ зло́ко (ра́нко), и сы́рбы пахлын (роса) пэ зло́ко, сави́ сыг хасёла (проджа́ла).

Isajos 28:1

Бида пхутькирдэ́ кралитконэ вянкакэ [коронакэ-ю.о.], сави́ исын пэ матэ Ефремлянэндэ, лулудякэ (цвэтоскэ) лэ́скирэ гожонэ урибнастыр, саво́ зашутия, саво́ исын пэ лачхи́ фэ́лда, кай пасёна матэ моля́тыр (виностыр).

Sykadyipén 6:13

и болыбна́скирэ чэргэня́ пынэ́ тэлэ́ пэ пхув сыр инжыритко кашт чхурдэ́ла тэлэ́ наспяла барьякирдэ́ (пло́ды), ке́ли бари балва́л тринскирэла лэн.

Osija 13:15

Мэк Ефре́мо и тэ лулудёл машки́р пшалэ́ндэ, явэ́ла балва́л вастоко́стыр: балва́л Ра́стыр-Дэвлэ́стыр явэ́ла чхучэ́ пхувья́тыр, и Лэ́скири ґанынгори явэ́ла шуки́, и лэ́скиро фолахар (фонтано) пириячэ́ла (тэрдёла) тэ чхувэлпэ. Ёв кэрэ́ла чхучо́ кхоро́ (сасудо) кажнонэ́ пиралятыр, кай исын кажно куч кхоро́.

Osija 13:1

Ке́ли ракирдя́ Ефре́мо (мануша́ Ефремо́скирэ родыцо́стыр), то сарэ́ издрандынэ. Ёв сыс барьякирдо́ дро Израилё, нэ сыр ёв кэрдя́ чорипэ́н анги́л Ваалостэ (Ваало), то ёв хасия́.

Osija 9:16

Ефремо́скирэ мануша́ исын дукхадэ: лэ́скирэ ко́рни (рукха́) вышутинэ, ёнэ на дэ́на пхаба́. Чачо́, лэ́ндэ буты́р на явэ́на чхаворэ́, Мэ мулякирава дрогонэ́ биятэ́н лэ́нгирэ лочовя́тыр (утробатыр).

Isajos 8:4

Пал-дова́ со англэды́р, сыр бия́то высыклёла тэ пхэнэ́л: ‘Да́до Миро, Даё Мири́’ – барвалыпэ́н Дамаскостыр, дорэсыбэ́н Самариятыр лыджа́на анги́л Асирия́кирэ крали́стэ.”