Isajos 28:2 - Библия - Пэ Балтитко Романи чиб (Романэс) 2019

² Акэ, састо́ и зорало́ исын Растэ-Дэвлэ́стэ сыр баро́ брышы́нд барэ́нца, сыр хасякирибнытко балва́л, сыр шумно пани́, саво́ ґаздыя́пэ и зорья́са чхурдэ́ла пэ пхув.

Biblija - Pe Baltitko Romani čib (Romanes) 2019

² Ake, sastó i zoraló isyn Raste-Devléste syr baró bryšýnd barénca, syr xasiakiribnytko balvál, syr šumno paní, savó ĥazdyjápe i zorjása čhurdéla pe phuv.

Isajos 28:2 Referans Kwoze

Naumo 1:8

Нэ барэ́-тасадыпнаскирэ паненца, савэ́ исын сыр потопо, Ёв янэ́ла хасибэ́н кэ ко́нцо (кэ яго́ро) далэ́ штэтоскэ Ниневиякэ, и калыпэ́н учхакирэ́ла Лэ́скирэ вэргэ́н.

Езэкилё 13:11

Пхэн кодолэ́нгэ, савэ́ макхэна ва́нта блатаса, со ёй пэрэ́ла. Явэ́ла тасадыпнаскиро панинг, и пэрэ́на тумэ́, барунэ́ градины, и зоралы́ балва́л роскушэла ва́нта пэ котэра́ (куски).

Isajos 30:30

И дэ́ла Рай Дэвэ́л, соб (кай) тэ шунэ́н бари зан Лэ́скири и сыкавэ́ла васт Пэ́скиро, саво́ змэкэлпэ дрэ зоралы́ холы́, дрэ яг, сави́ саро́ схала, дрэ холями балва́л, дро пани́, саво́ ґаздэлпэ пэ пхув, дро брышы́нд барэ́нца.

Isajos 29:6

Рай Дэвэ́л, болыбна́скирэ-янголэ́нгиро, явэ́ла кэ ту громоса и зоралэ́ заня́са, со пхув явэ́ла тэ издрал, зоралэ́ балваляса, яга́са, сави́ саро́ схачкирэ́ла.

Isajos 27:1

Дро дова́ дывэ́с чингирэла Рай Дэвэ́л пэ́скирэ куртала́са, сави́ исын пхари́, бари и зоралы́ Левиафонос (драконос), сапэс, саво́ маму́й (прямэс) прастала, и Левиафонос, сапэс, саво́ выкрэнцынэлпэ (диндькирэлапэ), и мулякирэ́ла Рай Дэвэ́л долэ́ даранэ рупучос, саво́ дживэ́ла дро мо́рё (дэрья́в).

Sykadyipén 18:8

палдава́ фра́нсы, мэрибэ́н, смэнтныма роибнаса и бари бокх явэ́на дро екх дывэ́с пэ ла́тэ. Яг хачкирэ́ла сарэ́са ла, пал-дова́ со Рай Дэвэ́л исын зорало́, Саво́ сэндякирэ́ла ла.

Isajos 40:10

Акэ, Рай Дэвэ́л, Дэвэ́л явэ́ла зорья́са и Лэ́скиро васт исын зорья́са. Акэ, мазу́ри (награда) Лэ́скири исын Лэ́са, Ёв отдэ́ла палэ сарэ́нгэ анги́л Пэ́скиро муй.

Isajos 25:4

Ту са́нас зракхибнаса ваш чорорэскэ, зракхибнаса ваш чорорэ́ манушэ́скэ, сыр сыс пхаро́ лэ́скэ; зракхибнаса зоралэ́ балвалятыр, и кхамэстыр. А холямо́ пхурдыпэн налачхэ́ манушэ́ндыр сыс сыр балва́л, ко́ли ёй пэ ва́нта ґаздэ́лапэ.

Sykadyipén 8:7

И пэ́рво Янго́ло пхурдыя дро пэ́скиро ро́го; яця́ ґрадо и яг, савэ́ сыс змешындлэ ратэ́са и сыс чхурдынэ́ пэ пхув. Три́то паш пхувья́тыр хачия и три́то паш каштэндыр (дрэвэндыр) хачия, и кажно зэлэны чар хачия.

Isúso 10:11

Ке́ли ёнэ нашнэ́ Израильтянэндыр пир Вефоронсконэ-бэрга́киро змэкибэн, то Рай Дэвэ́л чхурдыя́ пэ лэ́ндэ болыбна́стыр барэ́ бара́ аж кэ Азеко, и ёнэ помынэ; буты́р сыс одолэ́ндыр, савэ́ мынэ́ барэнгирэ чхуибнастыр, сыр кодолэндыр, савэ́н мулякирдэ́ Израилёскирэ чхавэ́ куртала́са.

Ióvo 22:16

И савэ́ сыс мулякирдэ́ анги́л лэ́нгиро часо, и сы́рбы фунда́менто, саво́ тасадыпнаскиро панинг змордя криг сарэ́са.

Isajos 8:6

“Пал дова́, исын на пир ило́ далэ́ народоскэ исын пани́ Силоамоскиро, саво́ штылэ́с тхадэ́ла, а шарэла Рецынос и Ремалииноскирэ чхавэ́с,

Isajos 30:28

Лэ́скиро пхурдыпэн – сыр пани́, саво́ ишчо (инкэ́) кэ мэн ґаздэ́лапэ, соб (кай) тэ розпхурдэл народы сарэ́са; дрэ лэ́нгиро муй явэ́ла савари, со лыджа́ла кэ хохаибэ́н (блэ́ндо).

Isajos 32:19

На дыкхи́, со градо пэрэ́ла пэ вэш, фо́ро пэ до́ло тэлэ́ змэкэлапэ.

Езэкилё 38:9

Ёнэ явэ́на тэ ґаздэ́нпэ сы́рбы холями балва́л, со подджа́ла, сыр о́блоко, соб (кай) тэ учхакирэн пхув, ту и саро́ тырэ́-халадэ́нгиро скэдыибэ́н, и бут народы ту́са.”

Дание́лё 9:26

Сыр проджа́на шовдэша́ дуй эфтытка, то явэ́ла отдыно́ пэ мэрибэ́н о Помакхно (Месия) [Христо́со-р.с.], и на явэ́ла Лэс; яви́р тхага́ри лэ́скирэ манушэ́нца роспхагирэна и фо́ро и свэ́нто штэ́то, саво́ явэ́ла, и ко́нцо лэ́стыр явэ́ла сыр да барэ́-тасадыпнаскирэ панингэстыр, и кэ ко́нцо марибнаскиро явэ́на чхучакирибэна (спустошэнии).