Isajos 27:9 - Библия - Пэ Балтитко Романи чиб (Романэс) 2019

⁹ И далэ́са злэлапэ (выкхосэлапэ) грэ́хо Яково́скиро, злэлапэ грэ́хо лэ́стыр, ко́ли ёв розмарэла сарэ́ бара́ алтарёстыр (жэртвеникостыр) дрэ котэра́ звёскакирэ, на явэ́на тэрдэ́ дэмбитка вэладиня (рошчы) и и́долы кхамэскэ.

Biblija - Pe Baltitko Romani čib (Romanes) 2019

⁹ I dalésa zlelape (vykhoselape) grého Jakovóskiro, zlelape grého léstyr, kóli jov rozmarela saré bará altarjostyr (žertvienikostyr) dre koterá zvjoskakire, na javéna terdé dembitka veladinia (roščy) i ídoly khameske.

Isajos 27:9 Referans Kwoze

Римлянэнгэ 11:27

И дава́ Ма́ндыр лэ́нгэ доракирибэ́н, ке́ли Мэ злава грэ́хи лэ́ндыр.”

Isajos 48:10

Акэ, Мэ биладём (росплавиндём) тут, нэ на адя́кэ, сыр руп; Мэ пропатякирдём тут сыр дро бов пир барэ́ мэ́ньки.

Дание́лё 11:35

Латхэнапэ доша вари-савэ́ и годьварэндэ, соб (кай) тэ спробинэн лэн тэ жужакирэн и тэ парнякирэн кэ дывеса дро ко́нцо (яго́ро); пал-дова́ со ишчо (инкэ́) исын часо кэ упхэндло́ сроко.

Isajos 17:8

Ёв на явэ́ла тэ дыкхэ́л пэ алта́ри, со исын буты́ лэ́скирэ вастэнгири, ёв на явэ́ла тэ дэл паты́в, со кэрдэ́ лэ́скирэ ангушта (пальцы), ци пэ каштунэ и́долы Астартакирэ ци кхамитка (Ваалоскирэ).

Юдэ́нгэ 12:6

Дэвэ́л сыклякирэ́ла одолэ́ манушэ́с, конэ́с Ёв выкэдэ́ла, и марэла кажнонэ́ манушэ́с, савэ́с Ёв прилэ́ла, сыр Пэ́скирэ чхавэ́с.”

1 Коринфянэнгэ 11:32

Нэ Дэвэ́л сэндякирэ́ла и чхувэ́ла хась (ка́ра) пэ амэ́ндэ, соб (кай) амэн тэ на сэндинэ́н кхэтанэ́ свэтоса.

Заха́рия 13:2

И явэ́ла дро дова́ дывэ́с’, – ракирэ́ла Рай Дэвэ́л, янголэ́нгирэ-болыбна́скиро, – ‘Мэ чхина́ва криг идолэнгирэ лава́ далэ́ пхувья́тыр, и пал лэ́ндэ нико́н буты́р на лэ́ла тэ рипирэл. Мэ адя́кэ кэра́ва, со кокорэ́ хоханэ́ пророкэ́н и нажужо ду́хо Мэ традава криг пхувья́тыр.

Osija 14:8

Ёнэ, савэ́ явэ́на тэ дживэ́н тэл Мири́ зэр (засенка), рисёна и ёнэ явэ́на тэ отджидён сы́рбы гив, и явэ́на тэ барьён сы́рбы винаграды́тко кашт. Ёнэ явэ́на лачхэ́с тэ пахнисон сы́рбы мол (вино) Ливаностыр.”

Езэкилё 20:38

Мэ выкэдава тумэ́ндыр манушэ́н, савэ́ ґаздынэ́пэ пэ Ма́ндэ, и савэ́ кэрдэ́ чорипэ́н проти Ма́ндэ. Вылыджава Мэ лэн кодолэ́ пхувья́тыр, кай ёнэ дживэ́нас, нэ пэ Израилёскири пхув ёна на заджа́на, и ґалёна, со Мэ сом Рай Дэвэ́л, Дэвэ́л.

Езэкилё 11:18

“И ёнэ явэ́на одо́й, и ёнэ лэ́на криг сарэ́ магирдэ́ вешчы (чысы) и сарэ́ джунгалэ́ предметы.

Isajos 4:4

Ко́ли морэла криг Рай Дэвэ́л Сионоскирэ чхаенгиро магирибэн и жужакирэла Ерусалимоскиро рат машки́р лэ́стэ сэндытконэ деса и ягакирэ духо́са.

Isajos 1:29

“Ёнэ явэ́на ладжакирдэ́ пал дэмбитка вэша́, савэ́ адя́кэ тумэ́нгэ исын пир ило́, и тумэ́ лолёна пал унты (сады), савэ́ тумэ́ выкэдынэ́ пэ́скэ.

Pritčy 20:30

Дукханэ даба [калэ́ маса́ марибнастыр-р.с.] жужакирэна бибахталэ́ манушэ́с, адя́кэ-паць и пэкаибэна (даба) жужакирэна хор штэ́ты дрэ манушэ́стэ.

Psalmy 119:71

Ту пририкирдян ман ваш миро лачхипэ́н, соб (кай) ма́нгэ тэ высыклёвав Тырэ́ стату́ты.

Psalmy 119:67

Анги́л дова́, сыр Ту притасадян ман, мэ хохадёмпэ, нэ какана́ мэ ракхава Тыро́ лав.

2 Паралипоменоно 36:19

И хачкирдэ́ ёнэ Дэвлэ́скиро Кхэр, и роспхагирдэ́ Ерусалимо́скири ва́нта; и сарэ́ лэ́скирэ фэлатиня́ схачкирдэ́ яга́са, и сарэ́ дро́га кхорэ́ лэ́скирэ домардэ́.

2 Паралипоменоно 34:4

И роспхагирдэ́ анги́л лэ́скиро муй Ваалэнгирэ алта́ри и статулы, савэ́ сыс вучэ́с пэ лэ́ндэ; и свэнцындлэ вэша́ ёв вычингирдя, и кажна вычхиндлэ́ и вычхудэ́ муя́ роспхагирдя́, и розмардя́ дро пра́хо, и росчхудя́ пэ коплицы долэнгирэ, савэ́ янэ́нас лэ́нгэ свэ́нто дыибэ́н.

2 Паралипоменоно 14:5

и ёв отпарудя (на прилыя́) дрэ сарэ́ Юдэе́нгирэ фо́рья вучипэна́ и статулы кхамэскэ. И штыл сыс пашы́л лэ́стэ дро кралипэ́н.

4 Kralip 25:9

И схачкирдя́ Ра́скирэ-Дэвлэ́скиро Кхэр и крали́скиро кхэр; и сарэ́ кхэра́ дро Ерусалимо, и сарэ́ барэ́ кхэра́ хачкирдя́ яга́са.

Vygiiben 34:13

Алта́ри лэ́нгирэ роскэдэн, сты́лбы лэ́нгирэ пхагирэн, вычингирэн лэ́нгирэ свэ́нта вэладиня (рошчы),

Левито 26:30

Мэ роспхагирава кэ пхув тумарэ́ вучипэна́, и роспхагирава тумарэ́ сты́лбы, и чхурдава тэлэ́ тумарэ́ тру́пы пэ тумарэ́-идолэнгирэ котэра́, и ячэ́на джунгалэ́ (брытка) тумэ́ Мирэ́ дескэ;

Яви́р Зако́но 12:3

и роспхагирэн лэ́нгирэ алта́ри, и пхагирэн лэ́нгирэ сты́лбы, и хачкирэ́н яга́са лэ́нгирэ вэладиня (рошчы), и розмарэн лэ́нгирэ-дэвлорэнгирэ истуканы, и протрадэн лэ́нгиро лав долэ́ штэто́стыр.

4 Kralip 10:26

И вылыджинэ́ статулы Ваалоскирэ мангипнытконэ штэто́стыр, и схачкирдэ́ лэн.

Езэкилё 6:4

Алта́ри тумарэ́ явэ́на роспхагирдэ́, сты́лбы тумарэ́, савэ́ тумэ́ ґаздэнас кхамэскэ, явэ́на розмардэ, Мэ росчхурдава тумарэ́ мулэн анги́л тумарэ́ и́долы.

4 Kralip 23:14

И пхагирдя́ екх пал екх статулы, и вычингирдя дэмбы вычхиныбнаса, и пхэрдякирдя́ лэ́нгиро штэ́то манушэ́нгирэ кокалэнца.

Isajos 30:22

Тэ́ньци тумэ́ ґалёна, со на́лачхо исын идолэнгиро укэдыибэн тырэ́ рупэ́стыр и тырэ́ сувнака́стыр; ту чхурдэса пэ́скирэ и́долы, сыр магирипэ́н, и пхэнэ́са лэ́нгэ: “Джа́н криг адатхы́р.”

Isajos 40:2

Ракирэ́н кэ Ерусалимоскиро ило́, пхэнэ́н лэ́скэ, со пирияця́ лэ́скиро марибэ́н, со на отдэлапэ палэ лэ́скэ пал грэ́хо, пал-дова́ со ёв прилыя́ Ра́скирэ-Дэвлэ́скирэ вастэ́стыр пал сарэ́ грэ́хи дрэ дуй мо́лы буты́р, сыр трэиндя́.

Mihiejo 5:11

И Мэ хасякира́ва фо́рья пэ тумари́ пхув, и Мэ равава кэ руи́ны сарэ́ тырэ́ зоралэ́ ва́нты (форты) (укреплении).