Isajos 27:7 - Библия - Пэ Балтитко Романи чиб (Романэс) 2019

⁷ Ци марэлас лэс Рай Дэвэ́л адя́кэ сыр явирэ манушэ́н? Ци замарэлас лэс адя́кэ, сыр явирэ́н замарэлас?

Biblija - Pe Baltitko Romani čib (Romanes) 2019

⁷ Ci marelas les Raj Devél adiáke syr javire manušén? Ci zamarelas les adiáke, syr javirén zamarelas?

Isajos 27:7 Referans Kwoze

Naumo 3:19

Тыро́ фра́нсо (рана) нашты́ тэ састякирэс, тырэ́-масэнгирэ фуя́ (язвы) исын хор. Сарэ́, кон шунэ́ла дая́ звесь пал ту́тэ, явэ́на тэ марэ́н дрэ васта́ радыма́тыр; пал-дова́ со нанэ ние́кх ману́ш, конэ́с тыро́ фуипэ́н тэ обджал ригаса.

Naumo 1:14

О Рай Дэвэ́л дыя́ припхэныбэ́н пал ту́тэ, Асуро: “Буты́р на явэ́ла ро́до тырэ́ лавэ́са; Мэ хасякира́ва вычхиндлэ́ муя́ кхэрэ́стыр, кай исын тырэ́ дэвлорэ́, и тырэ́ вычхудэ́ муя́. Мэ ґанавава ту́кэ маґила (кула), пал-дова́ со ту сан бэдо?’

Ереме́ё 51:24

И Мэ отда́ва Вавилоноскэ и сарэ́нгэ, кон дживэ́ла кэ Халдея, анги́л тумарэ́ якха́, сари́ лэ́нгири биба́хт (фуипэ́н), со ёнэ кэрдэ́ пэ Сио́но”, – ракирэ́ла Рай Дэвэ́л.

Ереме́ё 50:40

Сыр Дэвэ́л радя тэлэ́ Содо́мо и Гомо́ра и лэ́нгирэ пашатунэ́ фо́рья, адя́кэ-паць ние́кх ману́ш на явэ́ла тэ дживэ́л ада́й, и ние́кх чхаво́ манушэ́скиро на ячэ́лапэ тэ дживэ́л сыр чу́жо дро дава́ фо́ро.

Isajos 17:14

Тэ́ньци, акэ, бэльвэле́ бари дар! И анги́л зло́ко (ра́нко), лэс буты́р нанэ. Кадасави исын до́ля одолэнгири, кон обчорэла амэн, и жребие (тала́но) кодолэнгиро, савэ́ откэдэна зорья́са амаро́ миштыпэ́н.

Isajos 17:3

Твардыма Ефремо́скири и Дамаскоскирэ-кралипнаскири и кхэтанэ́ Сириякирэ ячаибнаса, явэ́ла дасави́-паць сыр и сла́ва Израилёскирэ чхавэ́ндыр”, – ракирэ́ла Рай Дэвэ́л, болыбна́скирэ-янголэ́нгиро.

Isajos 10:12

Явэ́ла адя́кэ: ко́ли Рай Дэвэ́л кэрэ́ла саро́ Пэ́скиро рэ́ндо пэ бэ́рга Сио́но, и дро Ерусалимо, ёв пхэнэ́ла: “Подыкхава Мэ пэ Асирия́кирэ крали́стэ, пэ пхутькирдо лэ́скиро ило́, пэ якха́ лэ́скирэ, савэ́ исын вучэ́с ґаздынэ́.

Isajos 10:17

Дуд (свэ́то) Израилёскиро явэ́ла яга́са, и Свэ́нто лэ́скиро – долэ́ яга́са, сави́ схачкирэ́ла и схала лэ́скирэ пхусадэ́ чарья́ дро екх дывэ́с.

Isajos 30:31

Ра́скирэ-Дэвлэ́скирэ занятыр издрала Асуро, савэ́с марэна дэстэса.

Isajos 31:8

“И Асуро пэрэ́ла на манушэ́скирэ куртала́тыр, на манушэскири курта́ла лэс хасякирла; ёв зракхэ́лапэ куртала́тыр, тэрнэ́ чхавэ́ лэ́скирэ ячэ́на писхарье́нца (рабэнца).

Isajos 31:9

И дара́тыр пирипрастала ёв пашы́л пэ́скири тва́рдыма (крепость), и раё лэ́скирэ дарэ́на сыкаибнастыр” – ракирэ́ла Рай Дэвэ́л, Конэ́скири яг исын пэ Сио́но, Конэ́скиро бов исын дро Ерусалимо.