Isajos 27:4 - Библия - Пэ Балтитко Романи чиб (Романэс) 2019

⁴ Нанэ Ма́ндэ холы́. Нэ ко́ли вари-кон чхувэ́ла проти Ма́ндэ дрэ лэ́стэ пхусадэ́ чарья́, то Мэ джа́ва пэ лэ́стэ марибна́са, сарэ́са лэс схачкирава.

Biblija - Pe Baltitko Romani čib (Romanes) 2019

⁴ Nane Mánde xolý. Ne kóli vari-kon čhuvéla proti Mánde dre léste phusadé čarjá, to Me džáva pe léste maribnása, sarésa les shačkirava.

Isajos 27:4 Referans Kwoze

Юдэ́нгэ 6:8

а ко́ли екх хру́сто сувье́нца (дылыны чар) и пхусады́тко хру́сто (ґарь) барьёна пэ дая́ пхув, тэды ёй исын налачхи ни кэ со, и Дэвэ́л могинэ́ла тэ прокошэл ла, а яг схачкирэ́ла дая́ чар дро ко́нцо (дро яго́ро).

Isajos 10:17

Дуд (свэ́то) Израилёскиро явэ́ла яга́са, и Свэ́нто лэ́скиро – долэ́ яга́са, сави́ схачкирэ́ла и схала лэ́скирэ пхусадэ́ чарья́ дро екх дывэ́с.

Матфеё 3:12

Лэ́скиро ґанадытко (лопата) исын дрэ Лэ́скиро васт, и Ёв жужакирэла (чыстинэла) Пэ́скиро шу́рна и скэдэ́ла Пэ́скиро парно́ гив дрэ пиралы́, а пхус хачкирэ́ла яга́са, сави́ на мурдёла.”

Psalmy 85:3

Ту примангдян саро́ чорипэ́н Тырэ́ манушэ́нгэ, Ту отмэкцян сарэ́ лэ́нгирэ грэ́хи. Сэ́ла.

2 Kralip 23:6

А налачхэ́ мануша́ явэ́на, сыр вычхурдыно хру́сто сувьенца, саво́ на лэ́на вастэ́са;

2 Petr 2:9

И екх Дэвэ́л джинэ́ла, сыр тэ зракхэ́л дэвлытконэ́ манушэ́н, ке́ли пропатякирэна лэн, и Ёв ракхэ́ла кадалэ́ начачунэ манушэ́н кэ / жы́ко сэндоскиро дывэ́с, соб (кай) тэ чхувэ́л ка́ра пэ лэ́ндэ;

Малахия 4:3

И тумэ́ явэ́на тэ традэ́н начачунэн (злыднен), пал-дова́ со ёнэ явэ́на сыр пра́ска [пра́хо-р.с.] тэл пирэ́ (подэшвы) тумарэ́ ґэрэнгирэ, дро до дывэ́с, сыр Мэ кэра́ва дава́,” – ракирэ́ла янголэ́нгирэ-болыбна́скиро Рай Дэвэ́л.

Езэкилё 16:63

соб (кай) ту тэ рипирэс и тэ ладжас, соб (кай) нашты́ сыс ту́кэ лав тэ пхэнэ́с ладжатыр, ко́ли Мэ отмэка́ва ту́кэ саро́, со ту кэрдя́н”, – ракирэ́ла Рай Дэвэ́л, Дэвэ́л.

Isajos 12:1

И пхэнэ́са дрэ дова́ дывэ́с: “Барьякирава мэ Тут, Раё Дэ́вла; Ту холясоса пэ ма́ндэ, нэ пирияця́ Тыри́ холы́, Ту потангиндян ман.

Isajos 9:18

Пал-дова́ со грэ́хо росхачия, сыр яг ха́ла пхусадэ́ чарья́, хачола дрэ вэша́, и тхув ґаздэ́лапэ стылбоса.

Psalmy 103:9

Ёв на сыклякирэ́ла холя́са саро́ часо, Ёв на рикирэ́ла ўса́ды (сак) Лэ́скири холы́.

Isajos 33:12

И явэ́на народы сыр хачкирды звёска, сыр пхусады чар, сави́ счхиндлэ; и явэ́на зхачкирдэ яга́са.

2 Kralip 23:7

нэ кон чилавэ́ла лэс, одова́ лэ́ла састы́р, ци чхурдыпнытконэ-бустякирэ дэстэса, и яга́са хачкирэна лэс пэ штэ́то.

Ереме́ё 29:11

И Мэ Кокоро́ джино́м (джина́в) Мирэ́ планы ваш тумэ́нгэ’ – ракирэ́ла Рай Дэвэ́л’, – планы, соб (кай) тэ явэ́л рама́нё (миро), а на чорипэ́н, соб (кай) тумэ́ндэ тэ явэ́л лачхо́ ужакирибэ́н (наде́я) пэ дывэса́, со ишчо (инкэ́) явэ́на.