Isajos 27:12 - Библия - Пэ Балтитко Романи чиб (Романэс) 2019

¹² Нэ явэ́ла дрэ дова́ дывэ́с адя́кэ: Рай Дэвэ́л лэ́лапэ пало́ саро́, барэ́ рэка́тыр (лэня́тыр) кэ рэка (лэнь) Египто́скири, и тумэ́, чхавэ́ Израилёскирэ, скэдэ́напэ екх кэ екх.

Biblija - Pe Baltitko Romani čib (Romanes) 2019

¹² Ne javéla dre dová dyvés adiáke: Raj Devél lélape paló saró, baré rekátyr (leniátyr) ke reka (len') Jegiptóskiri, i tumé, čhavé Izrailjoskire, skedénape jekh ke jekh.

Isajos 27:12 Referans Kwoze

Džiibén 15:18

Дро дова́ дывэ́с Рай Дэвэ́л кэрдя́ заве́то Аврамоса, и пхэндя́: “Тырэ́-чхавэ́нгирэ чхавэ́нца Мэ да́ва дая́ пхув, Египто́скирэ рэка́тыр (лэня́тыр) кэ бари рэка (лэнь), рэка (лэнь) Евфрато,

Isajos 56:8

Рай Дэвэ́л, Саво́ скэдэ́ла рострадынэн манушэ́н Израилёстыр, ракирэ́ла: “Кэ выкэдэнэ лэ́скирэ Мэ ишчо (инкэ́) лава́ тэ скэдав явирэ́н.”

Ниеми́я 1:9

а ко́ли рисёна тумэ́ кэ Мэ, и лэ́на тэ ракхэ́н Мирэ́ припхэныбэна́, и тэ кэрэ́н пир лэ́ндэ, тэ́ньчи, мэк тэ явэ́н вытырдынэ кэ болыбнытко яго́ро (краё), и одотхы́р Мэ скэда́ва тумэн и лыджа́ва пэ штэ́то, саво́ Мэ выкэдыём, соб (кай) тэ чхувэ́н одо́й Миро лав.

Joannostir 10:16

Исын Ма́ндэ и яви́р бакрэ́, савэ́ на далэ́ грэдатыр, и одолэ́н трэй Ма́нгэ тэ янав: и ёнэ явэ́на тэ шунэ́н Мири́ зан, и явэ́ла екх скэдыибэ́н и екх Чхупна́ри.

Joannostir 6:37

Саро́, со дэ́ла Ма́нгэ Дад, явэ́ла кэ Мэ, и одолэ́с, кон кэ Мэ явэ́ла, Мэ на традава яври́.

Luka 15:4

‘Кон тумэ́ндыр, конэ́стэ исын шэл бакря́, и ко́ли ёв нашавэла екха, на ячкирэ́ла енядэша пэ чхучи́ пхув и на джа́ла тэ родэ́л кодоля, сави́ хасия́, пака латхэ́ла ла.

Amoso 9:9

“Пал-дова́ со Мэ припхэнава, и Мэ росчхувава манушэ́н Израилёскирэ кхэрэ́стыр, машки́р сарэ́ на́цыи сы́рбы гив росчхувэлапэ дро поризэ́н (рошо́то); нэ и са́мо тыкнэды́р зя́рка на пэрэ́ла пэ пхув.

Ереме́ё 3:14

“Рисён тумэ́, отгиибнытка чхавэ́”, – пхэндя́ Рай Дэвэ́л, – пал-дова́ со Мэ сом тумаро́ Хула́й. Мэ ла́ва екхэ́с кажнонэ́ форо́стыр, и дуе́н кажнонэ́ сэмёстыр (родо́стыр), и Мэ яна́ва тумэн пэ Сио́но.

Isajos 17:6

И ячэ́напэ лэ́стэ сы́рбы дуй ци трин оливитка му́ри пэ са́мо упратуны рандь, ци штар ци пандж пэ са́мо пхабитко рандь пало́ дова́, сыр вымарэна (укэдэна) умалото оливитконэ каштэ́стыр”, – ракирэ́ла Рай Дэвэ́л, Дэвэ́л Израилёскиро.

Psalmy 72:8

Лэ́скиро кралипэ́н явэ́ла екхэ морёстыр (дэрьявэстыр) кэ яви́р, Евфратонэ рэка́тыр (лэня́тыр) кэ пхувья́кирэ яго́ры (краи́).

Psalmy 68:22

Чачо́, Дэвэ́л роспхаравэла Лэ́скирэ вэргэ́нгирэ шэрэ́, балэнгирэ чэката одолэнгирэ, савэ́ дживэ́на дрэ грэ́хи.

Isajos 49:5

Акана́ ракирэ́ла Рай Дэвэ́л, Саво́ кхардя́ Ман ишчо (инкэ́) дрэ дакири лочови́, соб (кай) тэ явав Мэ Лэ́скирэ дынариса, соб (кай) Мэ тэ прикхарав кэ Ёв Яково́с, и, соб (кай) Израилё кэ Ёв тэ скэдэлпэ. Мэ прилыём паты́в дрэ якха́ Ра́скирэ-Дэвлэ́скирэ; Дэвэ́л Миро исын Мири́ зор.

Ереме́ё 44:28

Нэ кодолэ́ на́бут мануша́, савэ́ нашэ́на куртала́тыр, рисёна палэ кэ пхув Юдэякири пхувья́тыр Египто́стыр, и сарэ́, кон ячэ́лапэ Юдэя́тыр, савэ́ гинэ́ пэ пхув Египто́скири тэ дживэ́н одо́й сыр чу́жа, уджинэна, конэскирэ лава́ рисёна дро чачипэ́н, Мирэ́ ци лэ́нгирэ.

Езэкилё 20:34

И вылыджава Мэ тумэн народэндыр, тхэмэндыр (странэндыр), пир савэ́ тумэ́ сан росчхудэ тэ дживэ́н, скэда́ва тумэн зоралэ́ вастэ́са, масняса (мышцаса) холямипнаса, со вычхувэлапэ.

Езэкилё 20:41

Мэ прилава тумэн сыр гудло́ тхув смолэндыр, ке́ли вылыджава Мэ тумэн явирэ нацые́ндыр, скэда́ва Мэ тумэн тхэмэндыр, кай тумэ́ сан росчхудэ тэ дживэ́н, Мэ ява́ва Свэ́нто машки́р тумэ́ндэ, соб (кай) тэ дыкхэ́н Наюды́тка на́цыи.

Езэкилё 39:25

Палдава́ адя́кэ ракирэ́ла Рай-Дэвэ́л, Дэвэ́л: ‘Акана́ рискира́ва Мэ Яково́с плено́стыр, и потангинава (пожалинава) саро́ Израилёскиро кхэр, Мэ ява́ва тэ зэвлынав пир Миро свэ́нто лав.

Езэкилё 47:19

Паш-дывэсы́тко риг исын паш-дывэсытконэ́ рига́тыр Тамаростыр кэ пани́, кай ханаспэ пир лава́ пашы́л Кадисо, кай тхадэ́ла ручаё кэ Баро́ Мо́рё (дэрья́в), дава́ исын паш-дывэсы́тко риг пэ паш-дывэсы́тко риг.

Заха́рия 8:7

Адя́кэ ракирэ́ла янголэ́нгирэ-болыбна́скиро Рай Дэвэ́л: ‘Акэ, Мэ выракхава Мирэ́ манушэ́н вастокоскирэ рига́тыр и рига́тыр, кай пэрэ́ла кхам;

Isúso 15:4

Пало́ дава́ ёв проджа́ла Ацмоно, джа́ла пашылэды́р кэ Египто́скири рэ́кица (лэнори́) адя́кэ, со яго́ро далэ́ ригакиро исын мо́рё (дэрья́в). Дава́ явэ́ла паш-дывэсы́тко тумари́ риг.

3 Kralip 8:65

И кэрдя́ Соломо́но дрэ далэ́ дывэса́ свэ́нко, и саро́ Израилё лэ́са-баро́ скэдыибэ́н, дрэ саво́ явэ́нас мануша́, кай заджа́на дро Емафо кэ рэка (лэнь) Египто́скири, анги́л Растэ-Дэвлэ́стэ, Дэвлэ́стэ амарэстэ; – эфта́ дывэса́ и ишчо (инкэ́) эфта́ дывэса́, дэшуштар дывэса́.