Isajos 27:11 - Библия - Пэ Балтитко Романи чиб (Романэс) 2019

¹¹ Ко́ли лэ́скирэ рандя́ зашутёна, лэн обпхагирэна; явэ́на джувля́ (манушня) и схачкирэна лэн. Пал-дова́ со ёнэ исын народо бигодякиро, Ёв на потангинэла лэн, Одова́, Кон саро́ создыя́.

Biblija - Pe Baltitko Romani čib (Romanes) 2019

¹¹ Kóli léskire randiá zašutjona, len obphagirena; javéna džuvliá (manušnia) i shačkirena len. Pal-dová so jone isyn narodo bigodiakiro, Jov na potanginela len, Odová, Kon saró sozdyjá.

Isajos 27:11 Referans Kwoze

Ереме́ё 8:7

И аж бутяно (бусько) пэ болыбэ́н джинэ́ла пэ́скиро упхэндло́ часо, и цуглица, и бахирка (ласточка), и жураво дыкхэ́ла дуе якхэ́нца пал часо, сыр лэ́нгэ тэ явэ́н [тэ приурнян-р.с.]. Нэ Мирэ́ мануша́ на джинэ́на Ра́скирэ-Дэвлэ́скиро чачипэ́н.

Isajos 44:24

Адя́кэ ракирэ́ла Рай Дэвэ́л, Саво́ выкиндя тут, и Саво́ создыя́ тут дрэ дакири лочови́: “Мэ сом Рай Дэвэ́л, Саво́ создыя́ саро́, Мэ екхджино́ протырдыём болыбэ́н и Пэ́скирэ зорья́са росчхудём пхув.

Isajos 43:7

кажнонэс, кон кхарэ́лапэ Мирэ́ лавэ́са, конэ́с Мэ создыём ваш Миро барипэ́н, конэ́скэ Мэ дыём джиибэ́н.”

Isajos 43:1

Акана́ адя́кэ ракирэ́ла Рай Дэвэ́л, Саво́ создыя́ тут, Яково, и Саво́ дыя́ джиибэ́н ту́кэ, Израилё: “На дар, пал-дова́ со Мэ выкиндём тут, кхардём тут тырэ́ лавэ́са, ту сан Миро.

Isajos 1:3

Гуру́в джинэ́ла пэ́скирэ хула́с, а о́сло (мега́ри) – пэ́скирэ-ра́скири шта́ла, нэ Израилё на джинэ́ла Ман, на ґалёла Миро народо.”

Jakov 2:13

пал-дова́ со ваш одолэ́ манушэ́нгэ, кон на сыкадя́ тангипэ́н (жалима) кэ яви́р мануша́, сэ́ндо явэ́ла би тангипнаскиро адя́кэ-паць кэ ёв, нэ тангипэ́н исын вучэды́р сэндостыр.

1 Фесалоникийцэнгэ 2:16

савэ́ сыс тэрдэ́ пэ дром тэ ракирас Наюдэ́нгэ пал зракхибэ́н, и пир дава́ саро́ кэрэ́на барэды́р пэ́скирэ грэ́хи: нэ какана́ Дэвлэ́скири холы́ явдя́ пэ лэ́ндэ.

Римлянэнгэ 1:31

Ёнэ исын бигодякирэ, нашты́ лэ́нгэ тэ патяс, нанэ лэ́ндэ ни ла́ска, ни тангипэ́н;

Joannostir 15:6

Нэ, кон на дрэ Ма́ндэ, одова́ исын сыр рандь, сави́ чхурдэлапэ яври́, сави́ зашутёла; нэ адасавэ́ рандя́ скэдэ́на и чхурдэна дрэ яг, и одо́й ёнэ схачона.

Матфеё 13:19

Ке́ли вари-кон, кон шунэ́ла лав пал Дэвлэ́скиро Кралипэ́н, и на ґалёла, тэды явэ́ла на́лачхо и чорэла лэ́скирэ илэ́стыр кодова́, со сыс почхудо: кадасаво́ ману́ш исын сы́рбы зя́рка, сави́ сыс чхуды́ пашы́л дром.

Матфеё 13:15

пал-дова́ со адалэ́ манушэ́нгиро ило́ кашталыя, и ёнэ шунэ́на фуес пэ́скирэ канэнца и якха́ пэ́скирэ закэрдэ, соб (кай) тэ на дыкхэ́н якхэ́нца, и тэ на шунэ́н канэнца, и тэ на ґалён илэ́са, и тэ на рисён кэ Мэ, соб (кай) Мэ тэ высастякирав лэн.’

Матфеё 3:10

Акэ, ужэ товэр пашто́ исын пашы́л каштэскиро корнё (рукх): кажно кашт (дрэ́во), со на лыджа́ла лачхо́ барьякирдо́ (пло́до), чингирэна тэлэ́ и чхурдэна дрэ яг.

Osija 4:6

Мирэ́ мануша́ хасёна пир дова́, со лэ́ндэ на ухтылэ́ла (на́доси) джиныбэ́н Нэ пал-дова́, со тумэ́, рашаялэ, отпхэндлэпэ джиныбнастыр, Мэ адя́кэ-паць отпхэнава тумэ́нгэ, соб (кай) тумэ́ буты́р тэ на явэ́н сыр рашая́ анги́л Ма́ндэ, и пир дова́, со, тумэ́ бистырдэ Дэвлэ́скиро Зако́но, Мэ бистрава тумарэ́ чхаворэ́н (биятэ́н).

Езэкилё 20:47

Пхэн паш-дывэсытконэ́ вэшэскэ: “Шун Ра́скирэ-Дэвлэ́скиро лав; адя́кэ ракирэ́л Рай Дэвэ́л, Дэвэ́л: Акэ, Мэ росхачкирава яг дрэ ту́тэ, ёй зхала дрэ ту́тэ кажно зэлэно кашт и кажно шуко кашт; зоралы́ яг, сави́ на мурдёла, а схачкирла саро́ пэ паш-дывэ́с и паш-рат, и сарэ́ муя́ обхачона.

Езэкилё 9:10

Пал дова́ на потангинэла лэн Мири́ якх, и на ковлёла Миро ило́; нэ Мэ да́ва лэнгрэ рэ́нды палэ пэ лэнгрэ шэрэ́.

Ереме́ё 4:22

‘Пал-дова́ со Мирэ́ мануша́ исын налачхэ́, ёнэ на джинэ́на Ман, – ракирэ́ла Рай Дэвэ́л – ‘ёнэ исын на годьварэ́, ёнэ исын годэ́ тэ кэрэ́н биба́хт (чорипэ́н), нэ ёнэ на джинэ́на тэ кэрэ́н лачхипэ́н.”

Isajos 44:2

Адя́кэ ракирэ́ла Рай Дэвэ́л, Саво́ создыя́ тут, Саво́ подрикирэлас тут да́кирэ лочовя́тыр: ‘На дар, Миро писха́ри, Яково, на дар, дро́го Израилё, саво́ Мэ выкэдыём.

Isajos 9:17

Палдава́ на явэ́ла тэ радынэ́лпэ Рай Дэвэ́л пал лэ́скирэ тэрнэ́ манушэ́ндэ, на потангинэла лэ́скирэ бидадэскирэн и биромэскирэн пал дова́, со сарэ́ ёнэ исын хохаибнарья и чора, ушта́ лэ́нгирэ пхэнэ́на налачхэ́ лава́. Палдава́ на проджа́ла Лэ́скири холы́ и васт Лэ́скиро исын протырдыно.

Psalmy 106:40

Палдава́ Ра́скирэ-Дэвлэ́скири холы́ росхачия пэ Лэ́скирэ манушэ́ндэ и ёнэ ячнэ́ джунгалэ́ (збрыдиндлэ) Лэ́скэ, сыр лэ́скиро мэкно́ миштыпэ́н.

Яви́р Зако́но 4:6

и, соб (кай) тумэ́ тэ ракхэ́н и тэ кэрэ́н пир лэ́ндэ: пал-дова́ со дрэ дава́ исын годыпэ́н тумаро́ и годы́ тумари́ анги́л якха́ манушэ́нгирэ, савэ́ шунэ́на пал сарэ́ далэ́ упхэныбэна́, и пхэнэ́на: ‘Екх адалэ́ барэ́ мануша́ исын мануша́ годэ́ и барэ́-годякирэ.’

Римлянэнгэ 1:28

И пал-дова́, сыр ёнэ на камлэ́ тэ джинэ́н пал Дэвлэ́стэ, тэды Дэвэ́л и мэкця́ лэн, соб (кай) ёнэ тэ кэрэ́н пир налачхи годы́, нэ со лэ́нгэ камэлапэ;

Isajos 5:13

Пал саро́ дава́ джа́ла миро народо дро пле́но, ко́ли нико́н лэ́стыр дава́ на ужакирэлас; лэ́скирэ раё явэ́на бокхалэ́, лэ́скирэ барвалэ́ закамэна тэ пьен (явэ́на трушалэ).

Isajos 18:5

Англэды́р долэ́стыр, сыр выбарьёла винаградо (дракх) и лэ́на лэс тэ скэдэ́н, Ёв отчхинэла рандя́ чхурьяса, и отлэла и отчингирэла.

Ереме́ё 11:16

Рай Дэвэ́л дыя́ лав ту́кэ: “Зэлэно маслинитко кашт, саво́ исын гожо, лачхэ́ пхабаса!” Нэ акана́ зоралэ́ годла́са и ґлумоса Ёв, Рай Дэвэ́л, росхачкирдя яг пэ ла́тэ и ла́кирэ рандя́ (вэ́тки) пхадинэ.

Ереме́ё 13:14

И Мэ чикавава (пэкавава) лэн екх пир екхэ́стэ, сыр дадэн, адя́кэ-паць и чхавэ́н кхэтанэ́, – ракирэ́ла Рай Дэвэ́л, – и Мэ на ява́ва лачхэ́-илэ́скиро кэ ёнэ, и Мэ на ява́ва тэ тангинав (тэ жалинав) лэн, и Ма́ндыр на явэ́ла тангипэ́н (ла́ска) лэ́нгэ, а Мэ хасякира́ва лэн.’”

Ереме́ё 16:5

Палдава́ Мэ адя́кэ пхэна́ва ту́кэ: на заджа́ дро кхэр, кай тугинэна роибнаса, адя́кэ-паць на джа́ тэ обровэс мулэн, ци на тангинэ кхэтанэ́ лэ́нца; пал-дова́ со Мэ отлава Миро рама́нё кадалэ́ манушэ́ндыр, Мэ ишчо (инкэ́) пхэна́ва ту́кэ, – и дро́го лачхипэ́н и лачхэ́-илы́ткима (тангипэ́н).

Ереме́ё 25:37

и штыл (тиха) фэ́лды вычингирдэ пал бари холы́ Ра́стыр-Дэвлэ́стыр.

Езэкилё 19:12

Нэ холямипнаса ёй сыс вырискирды, чхурдыны пэ пхув, васточно балва́л вышутькирдя ла́кирэ пхаба́ (пло́ды); пхадинэ, зашутинэ ла́кирэ зоралэ́ вэ́тки, яг похая лэн.

Osija 4:14

Мэ на ява́ва пхарэ́с тэ сэндякирав лэ́нгирэ чхае́н, ко́ли ёнэ кэрэ́на биладжаипэ́н и лэ́нгирэ борьен, ко́ли ёнэ камэ́на явирэ муршэ́н, пал-дова́ со лэ́нгирэ мурша́ кокорэ́ кхэтанякирэнапэ налачхэ́ джувле́нца, и ёнэ янэ́на свэ́нта дыибэна́ биладжакунэ́ джувле́нца, а мануша́, савэ́ на джинэ́на бут, хасёна.