Isajos 27:1 - Библия - Пэ Балтитко Романи чиб (Романэс) 2019

¹ Дро дова́ дывэ́с чингирэла Рай Дэвэ́л пэ́скирэ куртала́са, сави́ исын пхари́, бари и зоралы́ Левиафонос (драконос), сапэс, саво́ маму́й (прямэс) прастала, и Левиафонос, сапэс, саво́ выкрэнцынэлпэ (диндькирэлапэ), и мулякирэ́ла Рай Дэвэ́л долэ́ даранэ рупучос, саво́ дживэ́ла дро мо́рё (дэрья́в).

Biblija - Pe Baltitko Romani čib (Romanes) 2019

¹ Dro dová dyvés čingirela Raj Devél péskire kurtalása, saví isyn pharí, bari i zoralý Lieviafonos (drakonos), sapes, savó mamúj (priames) prastala, i Lieviafonos, sapes, savó vykrencynelpe (dind'kirelape), i muliakiréla Raj Devél dolé darane rupučos, savó dživéla dro mórjo (derjáv).

Isajos 27:1 Referans Kwoze

Езэкилё 29:3

Ра́кир и пхэн: ‘Адя́кэ ракирэ́ла Рай Дэвэ́л, Дэвэ́л: “Акэ, Мэ выджава пэ ту́тэ фарао́но, Египто́скиро кра́ли, баро́ крокодило, саво́ пасёла машки́р рэ́ки (лэня́) и ракирэ́ла: “Мири́ исын дая́ рэка (лэнь), Мэ кэрдём ла ваш пэ́скэ.”

Isajos 51:9

Ѓаздэпэ, ґаздэпэ, яв зорало́, васт Ра́скирэ-Дэвлэ́скиро! Ѓаздэпэ сыр дрэ пхуранэ́ бэрша́, ко́ли ґаратуно ро́до дживэлас! Ци на ту хасякирдян Раавос, хасякирдян крокодилос?

Sykadyipén 12:3

И сыс яви́р ґерты́к дыцьлы/бицялы пэ болыбэ́н: и, акэ, баро́ лоло́ драконо эфта́ (эфтанэ) шэрэнца и дэшэнца шынгэнца и пэ далэ́ шэрэ́ сыс эфта́ диадэмы;

Isajos 66:16

Рай Дэвэ́л явэ́ла тэ сэндинэл кажно лоч (плоть), яга́са и холя́са, бут манушэ́н Ёв хасякирэ́ла.

Psalmy 104:26

Акэ, па́рмы (корабли) джа́на пир дава́ мо́рё (дэрья́в), и, ґа́да, Левиафано, со Ту создыян, соб (кай) лэ́скэ тэ броинэл одо́й.

Ióvo 26:13

Пэ́скирэ духо́са Ёв вышукарьякирэла болыбэ́н и Лэ́скиро васт прокурдя сыгнонэ сапэс.

Sykadyipén 20:2

Ёв ухтылдя драконос, пхуранэ́ сапэс, кон исын на́лачхо ци сатана и пхандя лэс пэ бар (тысёнцо) бэрш;

Sykadyipén 19:21

А лэ́нгирэ явирэ манушэ́н, савэ́ ячнэ́пэ, замардя́ Одолэскиро, Саво́ сыс бэшто́ уклисто́/э́ пэ грэстэ куртала́са; сави́ джа́лас яври́ Лэ́скирэ мо́стыр и сарэ́ чирикля́/э́ чалынэ лэ́нгирэ трупэндыр.

Ереме́ё 51:34

“О Навуходоносо́ро, кра́ли Вавилоно́скиро, похая ман, и ёв розлучкирдя ман: ёв кэрдя́ ма́ндыр, Юдастыр дрэ Вавилоно́скиро пле́но, чхучи́ пири́, ёв накхадя ман сыр трашано сап, ёв пхэрдякирдя́ пэ́скиро пэр мирэ́ бонбонэнца (гудлыпнэнца), ёв чунгардыя ман яври́.

Ióvo 40:19

[23] Кон дэ́ла ра́да тэ лэл лэс анги́л лэ́скирэ якха́? Ци кон пусавэла лэ́скэ дро накх фэлякирэ спицаса?

Sykadyipén 17:15

И Янго́ло пхэндя́ ма́нгэ: “Паня́, со ту дыкхэ́са, пэ савэ́ розмэкны джувлы́ исын бэшты, дава́ – манушы́тка ро́ды, и манушы́тка на́цыи (народы), кхэри́тка ро́ды (пле́ми) и екхэ́-чиба́кирэ ирья́ (языки).

Sykadyipén 17:1

И выгия́ екх эфта́ (эфтанэ) Янголэндыр, савэ́стэ сыс эфта́ тахтая́, и ракирдя́ ма́нца и пхэндя́: “Яв, мэ сыкава́ва ту́кэ сыр барья розмэкнэ джувля́ явэ́на тэ сэндинэ́н, сави́ сыс бэшты пир бут паня́,

Sykadyipén 16:13

И мэ дыкхцём трин бэда ду́хи, савэ́ сыс сыр цапня (жамбы). Ёнэ джа́нас яври́ мо́стыр драконостыр, рискирибна́скирэ мурдалэстыр и хоханэ́ пророкостыр.

Sykadyipén 13:11

И мэ дыкхцём явирэ рискирибна́скирэ мурдалэ́с, саво́ джа́лас яври́ пхувья́тыр. Лэ́стэ сыс дуй шынга́ сыр бакрорэстэ и ёв ракирдя́ сыр драконо.

Sykadyipén 13:4

И ёнэ клониндлэпэ патыва́са рискирибна́скирэ мурдалэскэ, ракири́: “Кон исын адасаво́, сыр дава́ рискирибна́скиро мурда́л? Кон могинэ́ла (саштынэла) тэ марэ́лпэ лэ́са?”

Sykadyipén 2:16

Палдава́ приґалёв пэ́скиро грэ́хо: ко́ли ту на приґалёса, тэды Мэ ява́ва кэ ту сыг, и Мэ ява́ва тэ маравпэ тумэ́нца куртала́са, со выджа́ла Мирэ́ мо́стыр.

Ереме́ё 51:13

Ту, Вавило́но, сан пашы́л бут барэ́ панинга́, конэ́стэ исын баро́ кучипэ́н, тыро́ ко́нцо (яго́ро) явдя́, и ме́ра трэ сквапнымакэ.

Ереме́ё 47:6

О, курта́ла Ра́скирэ-Дэвлэ́скири? Сыр ґара́ (длу́гэс) ту на явэ́са тэ пасёс тихо (штылёс)? Рисёв палэ дрэ пэ́скири ножна? Пирияч (откхинёв) и яв штыл!

Isajos 65:25

Рув и бакроро́ явэ́на кхэтанэ́ тэ чаравэнпэ; шчэр (ле́во) явэ́ла тэ хал пхус, сыр гурув, а сап ха́ла пра́хо. Ёнэ на явэ́на тэ замарэ́н, на явэ́на тэ хасякирэ́н (тэ кэрэ́н чорипэ́н) пэ Мири́ свэ́нто бэ́рга”, – ракирэ́ла Рай Дэвэ́л.

Isajos 26:21

Акэ, Рай Дэвэ́л выджа́ла Пэ́скирэ штэто́стыр тэ чхувэ́л ка́ра пэ манушэ́ндэ, савэ́ дживэ́на пэ пхув, пал лэ́нгирэ грэ́хи, и пхув откэрэла рат, саво́ прилыя́ дрэ пэ́стэ и на гаравэла пэ́скирэ замардэн.

Psalmy 45:3

Ту сан най шукарэдыр манушыпаскирэ чхавэ́ндыр, бахталыпэ́н вычхудяпэ тырэ́ уштэндыр: пал-дова́ со Дэвэ́л бахтякирдя́ тут пэ сарэ́ ве́ки.

Ióvo 3:8

Мэк одолэ́, кон прокошэла (кэрэ́ла арманя) дывэ́с, тэ прокошэн (тэ кэрэ́н арманя) пэ доя́ рат, савэ́ исын скэдынэ́ тэ ґаздэ́н Левиафанос;

Ióvo 41:1

[8] Дыкх! Нанэ мол тэ ужакирэл, со ману́ш лэ́ла лэс. Ци на пэрэ́ла ману́ш фэ́ни екхэ лэ́скирэ дыкхибнастыр?

Isajos 65:12

Мэ тумэн отда́ва курталакэ; тумэ́ пэрэ́на пэ чанга́ и тумэн замарна, пал-дова́ со Мэ кхардём и тумэ́ на отпхэндлэ́, ракирдём – тумэ́ на шунэнас, а кэрэ́нас накуч анги́л Мирэ́ якха́ и выкэдэнас дова́, со сыс Ма́нгэ на пир ило́.’”

Amoso 9:3

И тэ гарадён ёнэ кокорэ́ пэ Кармилоскиро вучипэ́н, одотхы́р Мэ выродава лэн и лава́ лэн. Мэк ёнэ и тэ гарадён Мирэ́ якхэ́ндыр пэ дугно (дно) морёскиро (дэрьявэ́скиро), и одотхы́р припхэнава Мэ сапэскэ и ёв дандырэла лэн.