Isajos 26:8 - Библия - Пэ Балтитко Романи чиб (Романэс) 2019

⁸ И пэ дром, кай исын Тыро́ сэ́ндо, Раё Дэ́вла, сыс амэ́ндэ лачхо́ ужакирибэ́н пэ Ту́тэ; кэ Тыро́ лав, кэ рипирибэ́н пал Ту́тэ тырдэла амэн амаро́ ди.

Biblija - Pe Baltitko Romani čib (Romanes) 2019

⁸ I pe drom, kaj isyn Tyró séndo, Rajo Dévla, sys aménde lačhó užakiribén pe Túte; ke Tyró lav, ke ripiribén pal Túte tyrdela amen amaró di.

Isajos 26:8 Referans Kwoze

Isajos 33:2

Раё Дэ́вла! Зра́кх амэн! Пэ Ту́тэ исын амари́ наде́я. Яв тася́рлэс (ра́нэс) амарэ́ вастэ́са, амарэ́ зракхибнаса дро пхаро́ часо.

Psalmy 65:6

Ту отпхэнэса амэ́нгэ пэ́скирэ древа́н барэ́ дивнонэ рэндэ́нца Пэ́скирэ чачипнастыр, Дэ́вла, Саво́ зракхэ́ла амэн, Савэ́стыр зоралэ́с ужакирэ́на лачхипэ́н сарэ́ пхувья́кирэ ягорэндыр (краендыр) и дуратунэ́ морьендыр (дэрьявэндыр),

Vygiiben 3:15

И пхэндя́ ишчо (инкэ́) Дэвэ́л Мойза́скэ: “Адя́кэ пхэн Израилёскирэ чхавэ́нгэ: ‘Рай Дэвэ́л (Яхва́), Дэвэ́л тумарэ́ дадэ́нгиро, Авраамо́скиро Дэвэ́л, Исаакоскиро Дэвэ́л и Яково́скиро Дэвэ́л, бичхадя́ ман кэ тумэ́.’ Ѓа́да, Миро лав пэ ве́ко, рипирибэ́н пал Ма́ндэ исын родо́стыр дро ро́до.

2 Фесалоникийцэнгэ 3:5

Мэк Рай Дэвэ́л тэ отчхакирэл тумарэ́ илэ кэ Дэвлэ́скири ла́ска и кэ Христосо́скиро вырикирибэн.

Римлянэнгэ 8:25

Нэ ке́ли амэ надеинасапэ пэ дова́, со амэ на дыкхаса, тэды амэ ґара́ (длу́гэс) ужакираса.

Apostolengiri Butý 1:4

Екхвар, ке́ли Ису́со хая кхэтанэ́ Лэскирэ сыкляибнытконэ́нца, Ёв припхэндя́ лэ́нгэ: “Тэ на джа́н тумэ́ Ерусалимо́стыр, а тэ ужакирэн, ке́ли явэ́ла Свэ́нто Ду́хо (Фа́но), пал саво́ дыя́ лав тумэ́нгэ Дад, и пал саво́ тумэ́ шундлэ́ Ма́ндыр;

Isajos 56:1

Адя́кэ ракирэ́ла Рай Дэвэ́л: “Ракхэ́н сэ́ндо и кэрэ́н чачипэ́н, пал-дова́ со подги́я Миро зракхибэ́н и Миро чачипэ́н сыкадёла (откэрлапэ).

Isajos 25:9

И пхэнэ́на дрэ дова́ дэвэс: “Акэ, Ёв исын амаро́ Дэвэ́л! Пэ Лэ́стэ сыс амаро́ лачхо́ ужакирибэ́н и Ёв зракхця́ амэн! Кадава́ исын Рай Дэвэ́л; пэ Лэ́стэ сыс амаро́ лачхо́ ужакирибэ́н; ла́са тэ радынаспэ Лэ́скирэ Зракхибнастыр.”

Isajos 12:4

И пхэнэ́на тумэ́ дро дова́ дывэ́с: “Барьякирэ́н Рас-Дэвлэ́с, прикхарэн Лэ́скиро лав, роспхэнэ́н дрэ народы пал Лэ́скирэ рэ́нды (де́лы); рипирэ́н, со баро́ исын Лэ́скиро лав.

Гиленгири (Соломоно́скири) Гилы́ 5:8

Мэ засовлахава тумэн, Ерусалимо́скирэ чхая́лэ! Ко́ли тумэ́ латхэ́на мирэ́ пирамнэс, со тумэ́ пхэнэ́на лэ́скэ? Со Мэ мэра́ва пирамнипна́стыр!”

Psalmy 106:3

Бахталэ́ исын одолэ́, савэ́ кандэ́на Лэ́скирэ припхэныбэна́ и савэ́ кэрэ́на пир чачипэ́н кажно мо́ло.

Psalmy 84:2

Савэ кучонэ́ исын Тырэ́ ша́тры, о Раё Дэ́вла, болыбна́скирэ-янголэ́нгиро.

Psalmy 73:25

Кон ишчо (инкэ́) пэ болыбэ́н исын ма́ндэ апри́ч Ту́тэ? Ма́ндэ нико́н нанэ дро́го пэ пхув апри́ч Ту́тэ.

Psalmy 18:23

Мэ кэрдём пир сарэ́ Лэ́скирэ припхэныбэна́, мэ на отпхэндёмпэ Лэ́скирэ статутэндыр,

2 Kralip 23:5

ци на адя́кэ исын кхэр миро Дэвлэ́стэ? Пал-дова́ со доракирибэ́н ве́чно чхудя́ Ёв ма́нца, твардо и напарудо. Ци на адя́кэ джа́ла Лэ́стыр саро́ зракхибэ́н миро и саро́ лачхипэ́н миро?

Čysly 36:13

Дава́ исын припхэныбэна́ и упхэныбэна́, савэ́ дыя́ Рай Дэвэ́л Израилёскирэ чхавэ́нгэ пир Мойзастэ пэ Моавитоскирэ лошчыны (равнины), пашы́л Иорда́но, проти Ерихо́но.

Luka 1:6

Ёнэ ж сыс дуйджинэ́ чачунэ́ анги́л Дэвлэ́стэ, рикирдэпэ кэ Дэвлэ́скирэ припхэныбэна́ и Зако́но.

Малахия 4:4

Рипирэн Мойза́скиро Зако́но, Мирэ́ писхарискиро, саво́ Мэ припхэндём лэ́скэ пэ Хориво ваш саро́ Израилё: стату́ты и зако́ны.

Mihiejo 7:7

Нэ мэ кокоро́ ява́ва тэ дыкха́в пэ Растэ-Дэвлэ́стэ, мэ ява́ва тэ ужакирав Дэвлэ́с, Саво́ ракхэ́ла ман; Миро Дэвэ́л шунэ́ла ман.

Isajos 30:18

Палдава́ Рай Дэвэ́л ишчо (инкэ́) ничи́ на кэрэ́ла (ужакирэ́ла), соб (кай) Ёв тэ потангинэл тумэн, ужакирэ́ла, соб (кай) тэ тангинэ́л тумэн; Рай Дэвэ́л исын Дэвэ́л чачипна́скиро; бахталэ́ сарэ́, конэ́стэ исын наде́я пэ Лэ́стэ!

Psalmy 130:5

Мэ ужакирава лачхипэ́н Ра́стыр-Дэвлэ́стыр, миро ди ужакирэ́ла и рикирэ́ла наде́я пэ Лэ́скиро лав.

Isajos 24:15

Шарэ́н Рас-Дэвлэ́с пэ васто́ко, пэ островы, шарэ́н Ра́скирэ-Дэвлэ́скиро, Израилёскирэ-Дэвлэ́скиро лав!

Isajos 25:1

Раё Дэ́вла! Ту сан миро Дэвэ́л, мэ ла́ва тэ шара́в Тут, мэ шарава кэ вучипэ́н Тыро́ лав, пал-дова́ со Ту кэрдя́н ди́во; дова́, со припхэндян ґара́, дава́ исын чачипэ́н, ами́нь.

Isajos 26:13

Раё Дэ́вла, Дэ́вла амаро́! Сыс кэ амэ и яви́р тхага́рья, нэ пир Ту́тэ амэ шарасас Тыро́ лав.

Isajos 49:23

И явэ́на кра́лья тэ чалякирэн тут; кралицы лэ́нгирэ тут чалякирэна. И явэ́на тэ пэрэ́н анги́л ту́тэ пэ чанга́ и тэ хан пра́хо тырэ́ ґэрэндыр. Тэ́ньци уджинэса ту, со Мэ сом Рай Дэвэ́л; со на ладжана мануша́, конэ́стэ исын пэ Ма́ндэ наде́я.”

Isajos 51:4

Пошунэн Ман, Миро народо и кхэри́тко ро́до Миро! Пошунэн Ман тумарэ́ канэнца! Ма́ндыр выджа́ла Зако́но, и сэ́ндо Миро чхува́ва сыр дуд (свэ́то) ваш народы.

Mihiejo 4:5

Сарэ́ мануша́ псирэ́на и мангэ́напэ лавэ́са лэ́нгирэ дэвлорэндыр, нэ амэ ява́са тэ псирас, и мангаспэ Ра́скирэ-Дэвлэ́скирэ лавэ́са, амарэ́ Дэвлэскирэса пэ сарэ́ ве́ки.

Psalmy 42:2

Сыр мирга (лань) древа́н камэ́ла пани́, саво́ тхадэ́ла, адя́кэ-паць дро мирэ́ ду́хо (фа́но) исын смэга / труш (жажда) кэ Ту, о Дэ́вла.