Isajos 26:7 - Библия - Пэ Балтитко Романи чиб (Романэс) 2019

⁷ Дром Дэвлытконэ́-манушэ́скиро исын чачуно́; Ту кэрэ́са ваш лэ́скэ чачуно́ дром.

Biblija - Pe Baltitko Romani čib (Romanes) 2019

⁷ Drom Devlytkoné-manušéskiro isyn čačunó; Tu kerésa vaš léske čačunó drom.

Isajos 26:7 Referans Kwoze

Эфесянэнгэ 2:10

Пал-дова́ со амэ сам кадасавэ́, савэ́нца Дэвэ́л создыя́ амэн дро амаро́ екхипэ́н Исусо́са Христосо́са ваш дова́, соб (кай) амэ тэ кэра́с лачхэ́ рэ́нды, савэ́ Дэвэ́л ґарэдыр выкэдыя́ ваш амэ́нгэ.

1 Ian 3:7

Бияторалэ! Мэк нико́н тэ на лыджа́л тумэн дро блэ́ндо. Кон кэрэ́ла пир чачипэ́н, одова́ исын кадасаво́ чачуно́, сыр Ёв исын чачуно́.

2 Коринфянэнгэ 1:12

Пал-дова́ со амэ радынасапэ далэ́стыр, ке́ли амари́ ладж патякирэла амэн, со амэ свэнтымаса и Дэвлытконэ́ чачипна́са на пир манушы́тко годы́, а пир Дэвлэ́скиро бахталыпэ́н дживдям пэ дава́ свэ́то, и буты́р сарэ́стыр, сыр амэ отлыджиямпэ кэ тумэ́.

Isajos 42:16

И лыджа́ва Мэ корорэн долэ́ дромэ́са, саво́ ёнэ на джинэ́на; Мэ лыджа́ва лэн долэ́ дроморэнца, кай на псирэнас. Мэ пирикэрава калыпэ́н дро дуд (свэ́то) и бангэ́ дрома́ Мэ кэра́ва чачэ́ дромэ́нца; акэ, со Мэ кэра́ва ваш лэ́нгэ и Мэ на ячавава лэн.

1 Ian 3:10

Ѓа́да, сыр Дэвлэ́скирэ чхавэ́ и налачхэскирэ чхавэ́ исын бицялэ: кажно (сва́ко), кон кэрэ́ла на пир чачипэ́н, одова́ нанэ Дэвлэ́стыр и адя́кэ-паць, сыр кодова́, кон на кэрэ́ла паты́в пэ́скирэ пшалэ́скэ.

Pritčy 20:7

Чачуно́ ману́ш дживэ́ла би дошэнгиро: лэ́скирэ чхавэ́ исын бахталэ́ пало́ (после) лэ́стэ.

Psalmy 11:7

Пал-дова́ со Рай Дэвэ́л исын чачуно́. Лэ́скэ трэй чачунэ́ рэ́нды манушэ́ндыр, савэ́ явэ́на тэ дживэ́н, кай Дэвэ́л исын.

1 Коринфянэнгэ 4:5

Тэды на сэндякирэн анги́л дова́, сыр Рай Дэвэ́л явэ́ла, Саво́ дудвалякирэла (обсвэнцынэла) и калэ́ (цёмна) чораханыбэна и откэрэла пэ якха́ адя́кэ-паць ґарадэ́ мысли дро манушы́тко ило́; и тэды сва́ко (кажно) ману́ш дорэсэ́ла (долэла) шарибэ́н Дэвлэ́стыр.

Isajos 35:8

И явэ́ла одо́й баро́ дром, ёв явэ́ла тэ кхарэлпэ свэнтонэ́ дромэ́са. Нажужо одо́й на явэ́ла тэ псирэ́л, явэ́ла дава́ дром фэ́ни (то́ка) ваш одолэ́нгэ, кон патя́ла, и кон на джинэ́ла нисо́; нико́н лэ́ндыр далэ́ дромэ́стыр на змарлапэ.

Psalmy 1:6

Пал-дова́ со Дэвэ́л джинэ́ла дром, пир савэ́ чачунэ́ мануша́ псирэ́на, а надэвлытка дрома́ хасёна.

Ióvo 31:6

то тэды мэк тэ ублавэн (тэ важынэн) ман пэ роўна ублады́тка (весы), соб (кай) Дэвэ́л тэ могинэл тэ джинэ́л пал миро чачипэ́н.

1 Паралипоменоно 29:17

Джино́м, миро Дэ́вла, со Ту спробинэса ило́ и камэ́са жужэилыткима; мэ жужэ́ (чыстонэ) илэ́стыр мирэстыр дыём саро́ дава́, и акана́ мэ дыкха́ва, со и Тырэ́ мануша́ адя́кэ-паць, савэ́ ада́й исын, радыма́са янэ́на Ту́кэ.

Софония 3:5

Нэ чачипна́скиро Рай Дэвэ́л исын машки́р дава́ фо́ро, Ёв на кэрэ́ла пир начачипэ́н. Кажно зло́ко Ёв янэ́ла Пэ́скиро чачипэ́н пэ дуд, лэс ухты́лла (до́си): нэ начачунэ мануша́ на джинэ́на ладжаипэ́н.

Psalmy 11:4

Рай Дэвэ́л исын пэ лэ́скиро свэ́нто штэ́то дро Болыбна́скиро Раё. Лэ́скиро троно исын дро болыбэ́н. Лэ́скирэ якха́ дыкхэ́на, Лэ́скирэ цымблы (ресницы) роздыкхэна манушытконэ́ чхавэ́н.

Psalmy 25:4

Раё Дэ́вла, сыка́в ма́нгэ Тыро́ дром, сыкля́кир ман Тырэ́ чачипнаскэ.

Psalmy 25:5

Лы́джа ман тэ кэра́в пир Тыро́ чачипэ́н, сыкля́кир ман, пал-дова́ со Ту сан Дэвэ́л, Саво́ зракхэ́ла; пэ Ту́тэ исын наде́я со дывэ́с ма́ндэ.

Psalmy 27:11

Сыкля́кир ман, О Раё Дэ́вла, тэ джав Тырэ́ дромэ́са и лы́джа ман чачипнаскирэ дромэ́са, пал-дова́ со бут вэ́рги дыкхэ́на цямкэс пал ма́ндэ.

Pritčy 4:18

Нэ чачунэ́-манушэ́нгиро дром исын сы́рбы дуд (свэ́то), со зяинэла, саво́ свэнцынэла и зяинэла яркэдыр анги́л парно́ дывэ́с.

Isajos 52:12

Тумэ́нгэ на явэ́ла трэй сы́гэс тэ джа́н, тумэ́ на попрастана; пал-дова́ со Рай Дэвэ́л анги́л тумэ́ндэ явэ́ла, Дэвэ́л Израилёскиро явэ́ла тумарэ́ ракхибнариса пала́л пал тумэ́ндэ.

Isajos 57:2

Ёв джа́ла криг дро рама́нё (миро); кон псирэ́ла чачэ́ дромэ́са, одолэ́ бахталэ́ явэ́на.

Ереме́ё 10:23

Мэ джино́м, Раё Дэвлалэ, со ману́ш на дэ́ла ра́да тэ хулаинэ́л пэ́скирэ судьбаса (джиибнаса), и нанэ кадасаво́ ману́ш, саво́ псирэ́ла и саво́ рикирэ́ла зор пэ дова́, карик ґэра́ лыджа́на лэс.

Osija 14:9

Ефре́мо пхэнэ́ла: ‘Со ма́нгэ ишчо (инкэ́) трэй идолэндыр?’ Мэ отпхэнава лэ́скэ: ‘Мэ ява́ва тэ шунав, и тэ дыкха́в пал ту́тэ? Мэ ява́ва сыр кипарисо, саво́ розмэкця, Рай Дэвэ́л, патря (листы). Ма́ндыр явэ́на ту́тэ баритка (пло́ды).’

Psalmy 5:9

Раё Дэ́вла! Лы́джа ман пир Тыро́ чачипэ́н анги́л мирэ́ вэргэ́ндэ, кэр Тыро́ дром маму́й анги́л ма́ндэ,

Pritčy 3:6

Ри́пир пал Растэ-Дэвлэ́стэ, соб (кай) ту тэ на кэрэсас, и Ёв мамуякирэла (кэрэ́ла прямонэса) тыро́ дром.

Pritčy 11:5

Чачипэ́н сыкавэ́ла дром бидошакирэ манушэ́скэ, нэ фуй мануша́ пэрэ́на пэ́скирэ фуипнастыр.

Pritčy 21:8

Злыдня ману́ш скэдэлапэ тэ кэрэ́л чорипэ́н пэфроми (смыслоса), нэ бидошэнгирэ-манушэ́нгирэ бутя́ исын чачунэ́.

Isajos 30:18

Палдава́ Рай Дэвэ́л ишчо (инкэ́) ничи́ на кэрэ́ла (ужакирэ́ла), соб (кай) Ёв тэ потангинэл тумэн, ужакирэ́ла, соб (кай) тэ тангинэ́л тумэн; Рай Дэвэ́л исын Дэвэ́л чачипна́скиро; бахталэ́ сарэ́, конэ́стэ исын наде́я пэ Лэ́стэ!