Isajos 26:5 - Библия - Пэ Балтитко Романи чиб (Романэс) 2019

⁵ Ёв чхудя́ тэлэ́ одолэ́н, кон пэ вучо́ штэ́то дживэ́ла, чхурдыя́ тэлэ́ фо́ро, саво́ вучэ́с тэрдёлас, чхурдыя́ тэлэ́ пэ пхув, чхурдыя́ дро пра́хо.

Biblija - Pe Baltitko Romani čib (Romanes) 2019

⁵ Jov čhudiá telé odolén, kon pe vučó štéto dživéla, čhurdyjá telé fóro, savó vučés terdjolas, čhurdyjá telé pe phuv, čhurdyjá dro práho.

Isajos 26:5 Referans Kwoze

Sykadyipén 18:2

Ёв дэ́лас го́дла зоралэ́ заня́са, пхэни́: “Пыя́, бари Вавилония, пыя́ бари биладжакуны, и яця́ джиибнытконэ штэтоса бэдэ духэнгэ и бэшыбнаса кажнонэ́ бэнгланэ духоскэ, и штарибнаскирэ клеткаса кажнонэ́ джунгалэ́ (гидконэ́) чириклэ́скэ; долэ́скэ со сарэ́ на́цыи пинэ́ ла́кири мол, зорало́ матыбэн ла́кирэ блэндостыр.

Ереме́ё 51:37

Вавилоно́стыр ячэ́напэ руи́ны, джиибна́скиро штэ́то ваш шакалэнгэ, ди́во трашаса, со фэ́ни тэ санпэ и би манушэ́нгиро.

Ереме́ё 51:64

И пхэн лэ́нгэ: ‘Адя́кэ и Вавило́но тасадёла и на ґаздэ́лапэ бибахтятыр (бидатыр), сави́ Мэ яна́ва пэ лэ́стэ. И ёнэ явэ́на сарэ́са кхинякирдэ (бизорья́кирэ).’” И, акэ, савэ́ акана́ исын лава́ Еремеёскирэ.

Isajos 13:11

Мэ отхава (отда́ва) палэ свэтоскэ пал налачхэ́ рэ́нды, а грэхитконэ́ манушэ́нгэ – пал лэ́нгирэ грэ́хи; Мэ хасякира́ва пхутькирибэ́н кодолэнгиро, кон древа́н задэлапэ, Мэ хасякира́ва пхутькирибэ́н кодолэнгиро, кон притасавэла чорорэн.

Isajos 47:1

“Джа́, бэш пэ пра́хо, патывалы́ тэрны́ джувлы́, чхай Вавилоноскири, бэш пэ пхув. Нанэ троно (крали́тко штэ́то), чхай Халдеенгири, на пхэнэ́на пал ту́тэ буты́р, со ту сан шука́р и барвалы.

Isajos 32:19

На дыкхи́, со градо пэрэ́ла пэ вэш, фо́ро пэ до́ло тэлэ́ змэкэлапэ.

Isajos 14:13

А пхэнэсас ту дро пэ́скиро ило́: “Ѓаздавапэ пэ болыбэ́н, вучэды́р, сыр чэргэня́ Дэвлытка, мэ ґазда́ва миро тхагаритко штэ́то (троно), бэшава пэ бэ́рга машки́р пэ́скирэ дэвлэндэ, одо́й, кай кончынэлапэ паш-дывэ́с (северо).

Isajos 2:12

Пал-дова́ со джа́ла дывэ́с Ра́скирэ-Дэвлэ́скиро, болыбна́скирэ-янголэ́нгиро пэ саро́ пхутькирдо и пэ саро́ ґаздыно́, саро́ ґаздыно́, саро́ дава́ явэ́ла ладжакирдо́.

Psalmy 79:8

На ри́пир грэ́хи, амарэ́ прапапэнгирэ, мэк Тыри́ бари лачхэ́-илы́ткима тэ пирилэл амэн най сыгэды́р: пал-дова́ со амэ догиям сарэ́са кэ пхув.

Isajos 25:2

Ту роспхагирдян зоралы́ тва́рдыма сарэ́са, райкано кхэр (харомо), саво́ кэрдэ́ мануша́, буты́р нанэ дро фо́ро, буты́р николи лэс на ґаздэ́на.

Roiben 2:2

Рай Дэвэ́л хасякирдя́ и на потангиндя сарэ́ Яково́скирэ кхэра́: Ёв чхурдыя́ тэлэ́ холя́тыр Юдэя́кирэ-чхакирэ тва́рдыми [зоралэ́ штэ́ты-р.с.], Ёв пхагирдя́ сарэ́са лэн пэ пхув, Ёв чхудя́ магирипэ́н пэ кралипэ́н и лэ́скирэ тхагарьендэ.

Езэкилё 26:11

Пэ́скирэ грэнгирэ пэталэнца ёв пириштавэла сарэ́ Тырэ́ вули́цы (га́сы); тырэ́ манушэ́н ёв мулякирэ́ла куртала́са; рипирибэ́н трэ зоралэ́ стылбэндыр ёв чхурдэ́ла пэ пхув.

Isajos 24:10

Роспхагирдо исын чхучо́ фо́ро, сарэ́ кхэра́ закэрдэ пэ клыдын, нашты́ тэ заджас.

Езэкилё 28:17

Тырэ́ гожыпнастыр пхутия тыро́ ило́; Тырэ́ пхутькирибнастыр пал тыри́ шук ту хасякирдян Тыри́ годы́, палдава́ Мэ чхурдава тут тэлэ́ пэ пхув, Мэ отда́ва тут пэ ладж анги́л кралье́ндэ, соб (кай) ёнэ тэ дыкхэ́н пала́л.