Isajos 26:20 - Библия - Пэ Балтитко Романи чиб (Романэс) 2019

²⁰ Джа́, миро народо, заджа́ дро тыро́ кхэр, закэр вудара́ пал пэ́стэ, гарадёв пэ на́бут, анги́л сыр проджа́ла холы́.

Biblija - Pe Baltitko Romani čib (Romanes) 2019

²⁰ Džá, miro narodo, zadžá dro tyró kher, zaker vudará pal péste, garadjov pe nábut, angíl syr prodžála xolý.

Isajos 26:20 Referans Kwoze

Psalmy 30:5

Бага́н шарибнытка гиля́ Ра́скэ-Дэвлэ́скэ, о, тумэ́ сарэ́ Лэ́скирэ мануша́, и парикирэ́н Лэ́скэ, и рипирэ́н лэ́скиро Свэ́нто Лачхипэ́н.

Psalmy 27:5

Дрэ пхарэ́ дывэса́ Ёв гаравэла ман дро Пэ́скиро Штэ́то, Ёв гаравэла ман дрэ Пэ́скири гарады Ша́тра; Ёв ґаздэ́ла ман пэ бэ́рга.

Матфеё 6:6

Ке́ли ту мангэсапэ, заджа́ дрэ андратуны́ шту́ба пэ́скири, пхандэ вуда́р, и мангпэ Дадэ́скэ тырэ́скэ, Саво́ исын надыцьло; и Дад тыро́, Саво́ дыкхэ́ла тут, со явирэ́нгэ на дыцьло, отдэ́ла ту́кэ.

Psalmy 91:4

Ёв учхакирэ́ла тут Пэ́скирэ порэнца и ту латхэса гарадаипэн тэл Лэ́скирэ пхака́: лэ́скиро чачипэ́н явэ́ла тэ бронинэл и тэ затэрдёл пал Ту́тэ.

Pritčy 18:10

Ра́скирэ-Дэвлэ́скирэ лав исын сыр зоралы́ вучарды́ (башня), чачуно́ ману́ш нашэла дрэ ла́тэ, и тэ́ньчи ёв исын бидаракиро.

Psalmy 17:8

Ракх ман, сыр якхакири лялька (зрачко); гарав ман дрэ зэр (тенё) Тырэ́ пхакэнгири,

2 Коринфянэнгэ 4:17

Пал-дова́ со амарэ́ кро́тка и локхэ́ пиридживибэна янэ́на бут-бут барэды́р ве́чно сла́ва,

Isajos 10:25

Ишчо (инкэ́) на́бут, сарэ́са на́бут и проджа́ла Мири́ холы́, обрисёла Мири́ холы́, соб (кай) тэ хасякирэ́л лэн.”

Psalmy 32:7

Ту сан Штэ́то тэ гарадёвав ваш ма́нгэ: Ту приракхэса ман пхарипнастыр; Ту обджаса трусця́л ма́ндэ радымакирэ гиленца, со Ту зракхця́н Ман.

Isajos 51:4

Пошунэн Ман, Миро народо и кхэри́тко ро́до Миро! Пошунэн Ман тумарэ́ канэнца! Ма́ндыр выджа́ла Зако́но, и сэ́ндо Миро чхува́ва сыр дуд (свэ́то) ваш народы.

Psalmy 91:1

Кодова́, Саво́ дживэ́ла дро Най Вучэдырэскиро штэ́то, явэ́ла тэ дживэ́л тэл Сарэзорьякири зэр (тенё).

Psalmy 31:20

Кицы́ бут исын Ту́тэ лачхипэна, савэ́ Ту чхудя́н дрэ риг ваш одолэ́нгэ, конэ́стэ исын трашаибэ́н анги́л Ту́тэ; со Ту скэдыян лэн ваш одолэ́нгэ, савэ́ зоралэ́с патя́на дрэ Ту́тэ анги́л сарэ́ манушытконэ́ чхавэ́ндэ.

Езэкилё 11:16

Палдава́ пхэн: Адя́кэ ракирэ́ла Рай Дэвэ́л, Дэвэ́л: “Мэк Мэ росчхудём тэ дживэ́н лэн машки́р Наюды́тка на́цыи, и мэк Мэ пиричхудём лэн тэ дживэ́н дрэ яви́р тхэма, нэ Мэ усае́кх ява́ва ваш лэ́нгэ сыр тыкно́ Свэ́нто Штэ́то пэ одолэ́ пхувья́, карик ёнэ гинэ́.”

Isajos 51:16

Мэ чхува́ва андрэ́ Мирэ́ лава́ дрэ тырэ́ ушта́, зэрьяса (тенёса) Пэ́скирэ вастэ́стыр Мэ учхакирава тут, соб (кай) тэ кэра́в болыбэ́н, и тэ дав зор пхувьякэ, и тэ пхэна́в кэ Сио́но: ‘Ту сан Миро народо.’”

Psalmy 143:9

О, Раё Дэ́вла! Зра́кх ман мирэ́ вэргэ́ндыр: пал-дова́ со мэ кэ Ту нашава тэ гарадёвав.

Psalmy 57:1

Хоро́скирэ Дирижоро́скэ. На хасякир. Давидоскири Наде́я, ке́ли Ёв насця Саулостыр дрэ Ѓебар (Пешчэра).

Džiibén 7:1

И пхэндя́ Рай Дэвэ́л Ноёскэ: “Заджа́ ту и сари́ тыри́ чэ́карь (семе́йство) дро ковчэго, пал-дова́ со Мэ дыкха́ва, со ту сан чачуно́ анги́л Ма́ндэ сарэ́ далэ́ родо́стыр.

Ереме́ё 31:14

И Мэ да́ва чалэ́с чэкэ́н раша́нгирэ диенгэ, и Мирэ́ мануша́ чалёна Мирэ́ лачхипнастыр”, – ракирэ́ла Рай Дэвэ́л. Ла́ска ваш Израилё

Džiibén 7:16

И кон загия́, сыс муршкано́ и джувликано джино кажнонэ́ лочатыр, сыр Дэвэ́л припхэндя́ лэ́скэ. И зачхакирдя ковчэго Дэвэ́л пал лэ́стэ.

Матфеё 23:37

Ерусалимэ! Ерусалимэ! Дро саво́ мулякирэнас пророкэ́н и шулякирэнас барэ́нца кодолэ́н, савэ́н бичхадэ́ кэ ту. Кицы́ мо́лы Мэ кама́м тэ скэдав чхаворэ́н тырэ́н, сыр чириклы скэдэ́ла чириклорэн тэл пхак и тумэ́ на камлэ́!

Ереме́ё 7:23

Нэ, акэ, со Мэ припхэндём лэ́нгэ, пхэни́: “Шунэ́н мири́ зан и Мэ ява́ва тумаро́ Дэвэ́л, и тумэ́ явэ́на Мирэ́ мануша́. И дживэ́н адя́кэ, сыр Мэ припхэндём тумэ́нгэ, соб (кай) тэ явэ́л миштэ́с тумэ́нгэ.”

Ióvo 14:13

О, соб (кай) Ту, Дэ́вла, тэ гаравэсас ман дро лю́но (преисподня), соб (кай) Ту тэ рикирэс ман чораханэ́с, пака Тыри́ холы́ джа́ла пэ́скэ, соб (кай) Ту тэ ангилпхэнэс ма́нгэ часо, со Ту дыя́н ма́нгэ, и тэ рипирэс ман.

Pritčy 22:3

Барэ́-годя́киро ману́ш дыкхэ́ла анги́л биба́хт (би́да) и гарадёла, нэ просто джа́ла анги́л и явэ́ла сэндякирдо.

Isajos 10:5

“О, Асуре, дэсто́ Мирэ́ холя́тыр! Чхупны дро лэ́скиро васт исын Мири́ холы́!

Isajos 13:5

Ёнэ джа́на дуратунэ́ рига́тыр, болыбна́скирэ ягоро́стыр (краёстыр) Рай Дэвэ́л и струме́нты Лэ́скирэ холя́тыр, соб (кай) тэ хасякирэ́н сари́ пхув.

Isajos 34:2

Холы́ Ра́скирэ-Дэвлэ́скири ґаздыя́пэ пэ сарэ́ народы, пэ сарэ́ лэ́нгирэ халадыбэна (халадэ́ндэ). Ёв совлахадя́ пал лэ́ндэ, отдыя́ лэн пэ хасибэ́н.

Isajos 66:14

И тумэ́ дыкхэ́на дава́, и обрадынэлапэ тумаро́ ило́; кокалы́ тумарэ́ сы́рбы нэвэ ячэ́на, сыр зэлэны чар, и одкэрлапэ Ра́скиро-Дэвлэ́скиро васт кэ Лэ́скирэ писха́рья, а пэ пэ́скирэ вэргэ́ндэ Ёв холясо́ла.

Дание́лё 11:36

И явэ́ла тэ кэрэ́л о кра́ли (паш-рати́тко) пир пэ́скири во́ля, и ґаздэ́лапэ кэ вучипэ́н и барьякирэ́ла пэс вучэды́р кажнонэ́ Дэвлэ́стыр, и пал Дэвлэ́стэ дэвлыканэстэ ёв лэ́ла тэ ракирэ́л калэ́ лава́, и явэ́ла тэ удэлпэ лэ́скэ, пака кэрдёлапэ холы́: пал-дова́ со сыс припхэндло, одова́ кэрэ́лапэ.

Софония 2:3

родэ́н Рас-Дэвлэ́с сарэ́, савэ́ исын ковлэ́-илэ́скирэ пэ пхув, кон рикирдя Лэ́скиро чачуно́ Зако́но, родэ́н чачипэ́н, родэ́н тэ явэ́н рахмана (спокойна); сашты́ тэ явэ́л, со тумэ́ гарадёна дро дывэ́с, сыр явэ́ла Ра́скирэ-Дэвлэ́скири холы́.

Psalmy 57:2

Яв тангипна́скиро (пожа́лин) кэ мэ, о Дэ́вла, яв тангипнаскиро: со миро ди рисия́ кэ Ту тэ зракхэлпэ: мэ ява́ва тэ гарадёвав дрэ зэр (тенё) Тырэ́ пхакэнгири, пака бари би́да проджа́ла (накхэла).

Psalmy 94:13

соб (кай) Ту тэ дэс лэ́скэ тэ откхинёл пхарэ́ дывэсэ́ндыр, пака ґанби́н (яма) явэ́ла тэ ґанавэлпэ ваш фуе́ манушэ́нгэ.