Isajos 26:2 - Библия - Пэ Балтитко Романи чиб (Романэс) 2019

² Одкэрэн (псиравэн) по́рта (вра́ты), мэк тэ заджа́л народо патывало, народо, саво́ ракхэ́ла чачипэ́н.

Biblija - Pe Baltitko Romani čib (Romanes) 2019

² Odkeren (psiraven) pórta (vráty), mek te zadžál narodo patyvalo, narodo, savó rakhéla čačipén.

Isajos 26:2 Referans Kwoze

Sykadyipén 5:9

И ёнэ багандлэ нэви́ гилы́, пхэни́: “Ту сан мол тэ прилэс кадава́ сви́тко и тэ отпхандэс чэргэнорья (печати), пал-дова́ со Ту са́нас зачхиндло́ и Ту выкиндян манушэ́н ваш Дэвлэ́скэ Пэ́скирэ ратэ́са кажнонэ́ екхэ́-чиба́кирэ ирья́тыр (сэм΄я́тыр) и кажнонэ́ родыцо́стыр, и манушытконэ́ нацыя́тыр и кхэритконэ́ родо́стыр.

Psalmy 118:20

Дава́ исын по́рта кэ Рай Дэвэ́л: чачипнаскирэ заджа́на пир ла́тэ.

1 Petr 2:9

Нэ тумэ́ сан выкэдынэ́ бияныпнастыр, кралитка рашая́, свэ́нта мануша́ Дэвлэ́скирэ миштыпна́стыр, соб (кай) тэ выпхэнэн лачхипэ́н пал Лэ́стэ, Саво́ кхардя́ тумэн калыпна́стыр дро дивно Лэ́скиро дуд (свэ́то);

Isajos 60:11

Тыри́ по́рта (вра́ты) сарэ́ дывэса́ явэ́на откэрдэ; ни дывэсэ́, ни раты́ на закэрнапэ (на пхандэнапэ), соб (кай) тэ янэ́н кэ ту Наюдытконэ́-манушэ́нгиро миштыпэ́н, тэ янэ́н лэ́нгирэ кралье́н.

Isajos 62:10

Джа́н андрэ́, джа́н дурэды́р дрэ по́рта, кэрэ́н дром народоскэ! Кэрэ́н, кэрэ́н дром, укэдэн бара́, ґаздэ́н стяго ваш народы!

Isajos 62:2

И дыкхэ́на народы тыро́ чачипэ́н, и сарэ́ кра́лья дыкхэ́на тыри́ паты́в, и кхарна тут нэвонэ́ лавэ́са, саво́ дэ́на ту́кэ Дэвлэ́скирэ ушта́.

Apostolengiri Butý 2:47

и ёнэ шарэнас Дэвлэ́с и сарэ́ мануша́ сыкадэ паты́в лэ́нгэ; и Рай Дэвэ́л кажно дывэ́с янэлас зракхнэ́ манушэ́н дрэ Кхангири́.

Isajos 60:21

Саро́ тыро́ народо явэ́ла чачуно́, пэ сарэ́ бэрша́ прилэ́ла пхув сыр мэкно́ миштыпэ́н – дава́ исын отбарипэн, со Мэ барьякирдём, Мирэ́-вастэнгиро рэ́ндо; саро́ дава́ явэ́ла, соб (кай) тэ шарэ́н Ман.

Isajos 54:14

Ту явэ́са зоралы́ чачипна́са, на трэй ту́кэ тэ дарэс, пал-дова́ со нико́н ту́кэ буты́р на дэ́ла пхарипэ́н, ту на явэ́са тэ дарэс, пал-дова́ со ёв кэ ту на подджа́ла.

Psalmy 106:5

соб (кай) ма́нгэ тэ дыкха́в лачхипэ́н Тырэ́ манушэ́нгиро, соб (кай) ма́нгэ тэ радынавпэ Тырэ́-манушэ́нгирэ радыма́тыр, соб (кай) мэ тэ явав барикано Тырэ́ манушэ́нца.

Vygiiben 19:6

а тумэ́ Ма́ндэ явэ́на раша́нгирэ кралипнаса и свэнтонэ́ манушэ́нца; ґа́да, исын лава́, савэ́ ту пхэнэ́са Израилёскирэ чхавэ́нгэ.”

Sykadyipén 21:24

И манушы́тка народы явэ́на тэ псирэ́н форо́скирэ дудэ́стыр, а кра́лья пэ пхув янэ́на пэ́скиро миштыпэ́н.

Заха́рия 8:20

Адя́кэ ракирэ́ла янголэ́нгирэ-болыбна́скиро Рай Дэвэ́л: “Ишчо (инкэ́) явэ́на тэ явэ́н яви́р мануша́ и джиибна́скирэ бутэ́ форье́ндыр;

Isajos 58:8

Тэ́ньци откэрлапэ, сыр тасярлуно зло́ко (зоря), тыро́ дуд, и явэ́ла кэ ту састякирибэн; чачипэ́н тыро́ анги́л ту́тэ джа́ла, и паты́в Раскири-Дэвлэ́скири явэ́ла ту́са.

Juda 1:3

Дро́га мирэ́! Мэ камдём хачкирдэ́ илэ́са тэ чхинав тумэ́нгэ пал амаро́ кхэтано зракхибэ́н, мэ гиндём, со трэиндя́ тэ чхинав тумэ́нгэ, соб (кай) тэ подрикирав тумэн тэ тэрдён пал патяибэ́н, саво́ е́кхвар и ваш сарэ́нгэ Дэвэ́л дыя́ свэнтонэ́ манушэ́нгэ.

2 Petr 3:13

Нэ пир Дэвлэ́скиро дыно́ лав амэ ужакираса нэво́ болыбэ́н и нэви́ пхув, кай явэ́ла тэ дживэ́л чачипэ́н.

Psalmy 24:7

Псиравэн (откэрэн) буґлэс по́рты тэ явэ́н ґаздынэ́ ґаратунэ́ вудара́ дро Кхангири́. Славу́тно Кра́ли заджа́ла дрэ лэ́ндэ.

Psalmy 118:19

Отпхандэн (псиравэ́н) ма́нгэ по́рта, кай заджа́на чачипнаскирэ, мэ джа́ва андрэ́, и мэ ява́ва тэ шара́в зоралэ́с и тэ парикира́в Ра́скэ-Дэвлэ́скэ.

Isajos 45:25

Рай Дэвэ́л зракхэ́ла и пир Лэ́стэ явэ́ла тэ славинэлпэ кхэри́тко ро́до Израилёскиро.

Isajos 54:17

Кон бы на ґаздэласпэ пэ ту́тэ вари-со́са, ничи́ ту́са на кэрэ́лапэ; со б на ракирэ́нас пал ту́тэ пэ сэ́ндо, ёнэ явэ́на бангэ́, а на ту. Дава́ исын да́ро сыр мэкно́ миштыпэ́н, со прилэ́на Ра́скирэ-Дэвлэ́скирэ писха́рья, ёнэ явэ́на отмэкнэ и дава́ исын Ма́ндыр,” – ракирэ́ла Рай Дэвэ́л.

Isajos 60:18

На явэ́на тэ шунэ́н буты́р, со пэ тыри́ пхув исын нахрата рэ́нды, со тырэ́ рига́ облэна и кэрэ́на чхучэ́; ту кхарэса тырэ́ ва́нты зракхибнаса и тырэ́ по́рты-барипнаса.

Isajos 61:3

Тэ пхэна́в одолэ́нгэ, кон исын бибахтало́ пэ Сио́но, со пра́хо запарувэлапэ шукаронэ укэдыибнаса; ровибэн радымакирэ (лошалэ́) елеёса; пхаро́ (смэнтно) ду́хо (фа́но) запарувэлапэ шукаронэ урибнаса и кхарна лэн зоралэ́ чачипна́са, Ра́скирэ-Дэвлэ́скирэ бутяса дрэ Лэ́скиро барипэ́н.

Isajos 62:1

На пириячава Мэ (Исаё) тэ пхэна́в пал Сио́но, мэ на ява́ва штыл пал Ерусалимо. Ко́ли газдэлапэ, сыр яг, лэ́скиро чачипэ́н и зракхибэ́н лэ́скиро сыр хачкирдо момолы́тко (свети́льнико) ґаздэ́лапэ, тэ́ньчи мэ ла́ва тэ ракира́в.