Isajos 26:19 - Библия - Пэ Балтитко Романи чиб (Романэс) 2019

¹⁹ Отджидёна Тырэ́ мулэ́, мулэ́ маса́ уштэна! Ѓаздэнпэ, радынэ́нпэ, тумэ́, савэ́н чхурдынэ́ дро пра́хо, пал-дова́ со пахлын (роса) Тыри́ састякирэла и пхув чхурдэ́ла яври́ мулэн.

Biblija - Pe Baltitko Romani čib (Romanes) 2019

¹⁹ Otdžidjona Tyré mulé, mulé masá uštena! Ĥazdenpe, radynénpe, tumé, savén čhurdyné dro práho, pal-dová so pahlyn (rosa) Tyrí sastiakirela i phuv čhurdéla javrí mulen.

Isajos 26:19 Referans Kwoze

Дание́лё 12:2

И бут кодолэ́, савэ́ исын сутэ́ дро пхувья́киро пра́хо, джангадёна, екх ваш ве́чно джиибэ́н, яви́р пэ ве́чно ладжаипэ́н и обракирибэн.

Эфесянэнгэ 5:14

Палдава́ исын пхэндло́: “Ушты́, кон исын суто́, и отджидёв, и явэ́ла тэ свэнцынэл ту́кэ Христо́со.”

Матфеё 27:52

и коплицы отпхандлэпэ, и бут манушы́тка тру́пы, савэ́н Дэвэ́л выкэдыя́ и савэ́ мынэ́, отджидынэ,

Osija 13:14

Мэ выкинава лэн люноскирэ/адоскирэ (Шэолоскирэ) зорья́тыр, Мэ выракхава лэн мэрибна́стыр. О Мэрибэ́н! Кай исын Тыро́ жало (мэрибнытко трута/ядо)? О лю́но (адо)? Кай исын тыри́ зберда (победа) [тыро́ хасибэ́н-ю.о.]? Мирэ́ якхэ́ндыр гарадо́, соб (кай) Мэ тэ сыкавав ило́ ваш лэ́нгэ.

Osija 6:2

Пало́ дуй дывэса́ Ёв джидякирэла амэн; пэ три́то дывэ́с Ёв чхувэ́ла пэ ґэра́ амэн, соб (кай) амэ́нгэ тэ джива́с анги́л Лэ́скиро дыкхибэ́н.

Psalmy 71:20

Ту дыя́н ма́нгэ тэ пиридживав пхарэ́ и фуй дывэса́; нэ Ту и джидякирэса ман нэвэ́стыр и Ту вылыджаса нэвэ́стыр ман пхувья́кирэ хорипнастыр.

Isajos 25:8

Мэрибэ́н хасёла сарэ́са, и выкхосэла Рай Дэвэ́л, Дэвэ́л ясва сарэ́ муендыр и злэла ладж Пэ́скирэ народо́стыр пир сари́ пхув, пал-дова́ со адя́кэ ракирэ́ла Рай Дэвэ́л.

Filipiicenge 3:21

Саво́ парувэла амарэ́ хасибны́тка маса́ адя́кэ, со ёв явэ́ла тэ зджал пэ Лэ́скирэ маса́ зорья́са, савья́са Ёв чхудя́ тэлэ́ саро́ анги́л Пэ́стэ.

Заха́рия 8:12

Пал-дова́ со сеиндло гив явэ́ла тэ дэл прибарипэн, винаграды́тко хру́сто дэ́ла пэ́скирэ мурицы, нэ пхув дэ́ла, со ёй барьякирдя, и болыбэ́н дэ́ла пахлын (роса) пэ́скири: и саро́ дава́ Мэ да́ва ада́кицы манушэ́нгэ, савэ́ ячэ́напэ.

1 Коринфянэнгэ 15:20

Нэ Христо́со отджидыя́ мэрибна́стыр, са́мо пэ́рво одолэ́ндыр, кон мыя́.

Osija 14:5

Мэ састякирава лэн далэ́стыр, со ёнэ отпынэ (дуринэ) Ма́ндыр, Мэ сыкава́ва ла́ска лэ́нгэ илэ́стыр; пал-дова́ со Мири́ холы́ рисия́ криг лэ́ндыр.

Filipiicenge 3:10

соб (кай) тэ уджинав Лэс и Лэ́скирэ отджидякирибнаскири зор, и тэ явав кхэтанэ́ дрэ Лэ́скирэ мэ́ньки, и тэ мэрав, сыр Ёв.

Psalmy 22:15

Мэ вычхудём пэ́скири зор сыр пани́, и сарэ́ мирэ́ кокалы́ роспынэпэ пэ котэра́, миро ило́ исын сыр мом, со розбиладыя андра́л миро кужум (жэлудко).

Яви́р Зако́но 33:28

Израилё дживэ́ла би дара́киро, екхджино́; якх Яковоскири дыкхэ́ла анги́л пэ́стэ пхув барвалы марэ́са и моляса (виноса), и болыбэ́н лэ́скиро чхувэ́ла капленца (чхолынэнца) пахлынятыр (росатыр).

Apostolengiri Butý 24:15

и ма́ндэ исын лачхо́ ужакирибэ́н Дэвлэ́стыр, со явэ́ла отджидякирибэн мулэ́ндыр, сыр чачунэн, адя́кэ-паць и начачунэ манушэ́н, дова́-паць ёнэ и кокорэ́ ужакирэ́на.

Isajos 51:17

Ушты́, ушты́, ґаздэпэ, Ерусалимо, ту, саво́ выпиян Ра́скирэ-Дэвлэ́скирэ вастэ́стыр тахта́й (чаша) холя́са, ту выпиян тахта́й пибнаса, саво́ матякирэла, выпиян лэс сарэ́са.

Яви́р Зако́но 33:13

Пал Иосифостэ (Ёзастэ) пхэндя́: “Пхув лэ́скири исын бахтякирды Ра́стыр-Дэвлэ́стыр болыбна́скирэ пахлыняса (росаса) и безднакирэ дарэнца, савэ́ исын паштэ́ тэла́л,

Яви́р Зако́но 32:2

Почхувэлапэ сыр брышы́нд миро сыкляибэн, сыр пахлын (роса) лава́ мирэ́, сыр тыкно́ брышы́нд пэ зэлэныбэн, сыр ливнё пэ чар:

Матфеё 27:58

Адава́ ману́ш подги́я кэ Пила́то и мангдя́ Исусо́скиро тру́по. Тэ́ньци Пила́то припхэндя́ тэ отдэ́н Исусо́скиро тру́по.

Psalmy 110:3

Тырэ́ мануша́ янэ́на пэс дро Тырэ́-зоралыпнаскиро дывэ́с свэнтонэ́ райканэ слава́са: Тырэ́ тэрнэ́ бияндёна сыр пахлын (роса), сави́ сыс пэ зло́ко (пэ ра́нко).

Ióvo 29:19

миро корнё (рукх) диндькирэлапэ (вытырдэлапэ) кэ паня́, и пахлын (роса) исын пашты сари́ рат пэ мирэ́ рандя́,

1 Kralip 2:6

Рай Дэвэ́л мулякирэ́ла и отджидякирэла, злыджала пэ до свэ́то и вылыджала;

Psalmy 22:29

Пал-дова́ со саро́ кралипэ́н исын Ра́скирэ-Дэвлэ́скиро; и Ёв кралинэла пэ манушы́тка на́цыи.

Isajos 18:4

Пал-дова́, со адя́кэ пхэндя́ ма́нгэ Рай Дэвэ́л: “Мэ штылэ́с дыкха́ва Мирэ́ кхэрэ́стыр, сыр лачхо́ татыпэн дро моменто, ко́ли прогия́ брышы́нд, сыр облако пахлыняса (росаса), ко́ли скэдэ́на маро́ и пэкэла кхам.

Ióvo 14:8

и мэк лэ́скиро корнё (рукх) пхурьёла дрэ пхув, и лэ́скиро корчо кирнёла дрэ пхув;

Psalmy 88:11

Ци явэ́са Ту тэ кэрэ́с ди́вы мулэнгэ? Ци уштэна мулэ́ и парикирэна Ту́кэ. Сэ́ла.