Isajos 26:16 - Библия - Пэ Балтитко Романи чиб (Романэс) 2019

¹⁶ Раё Дэ́вла! Дрэ биба́хт би́да ёв Тут родэлас; мангэласпэ, ко́ли холы́ Тыри́ сыс пэ лэ́стэ.

Biblija - Pe Baltitko Romani čib (Romanes) 2019

¹⁶ Rajo Dévla! Dre bibáht bída jov Tut rodelas; mangelaspe, kóli xolý Tyrí sys pe léste.

Isajos 26:16 Referans Kwoze

Osija 5:15

Мэ джа́ва криг, Мэ рисёва́ва пэ Миро штэ́то анги́л дова́, сыр ёнэ приджинэна пэ́скири банг [лэ́нгиро чорипэ́н-ю.о.] и явэ́на тэ родэ́н Миро муй: ке́ли лэн притасавэ́на, ёнэ явэ́на добусо́вэс тэ родэ́н Ман.

Psalmy 50:15

И кхар Ман дрэ дывэса́, ке́ли Ту́тэ исын бари дар, и Мэ зракха́ва тут, и ту барьякирэса кэ вучипэ́н Ман.”

Sykadyipén 3:19

Сарэ́нгэ, кон исын дро́го Ма́нгэ, Мэ пхэна́ва зорья́са лэ́нгири банг и сыклякирава лэн кэ дукха́. Палдава́ яв хачкирдэ́ илэ́са кэ Дэвэ́л и ри́скир пэ́скиро джиибэ́н кэ Ёв.

Osija 7:14

Ёнэ на кхардэ́ зоралэ́с Ман сарэ́ лэ́нгирэ илэ́стыр, ке́ли ёнэ тугиндлэ ясвэ́нца пэ пэ́скирэ чхуибэна. Ёнэ кэдэнаспэ кхэтанэ́ пал маро́ (гива́) и мол (вино), и ёнэ кэрэ́на бу́нто проти Ма́ндэ.

Roiben 2:19

ґаздэпэ, дэ го́дла яври́ раты́, ке́ли кажно стрэ́га джа́ла, вычхув сыр пани́ пэ́скиро ило́ анги́л Растэ-Дэвлэ́стэ, ґа́здэ пэ́скирэ васта́ кэ Ёв ваш джиибэ́н тырэ́ тырнэ биятэнгиро, савэ́ нашавэна зор бокха́тыр пэ кажнонэ́-гасакиро вэнгло.

Ереме́ё 22:23

О тумэ́, кон дживэ́ла пэ Лива́но, кон кэрэ́ла гня́зды (ку́фы) пэ кедры, [сыр явэ́ла тут танго-р.с.] ке́ли пэрэ́на дукха́ пэ ту́тэ, сы́рбы пэ джувля́тэ, савьякэ трэй тэ биянэ́л.’

Isajos 37:3

И ёнэ пхэндлэ́ лэ́скэ: “Адя́кэ ракирэ́ла Езэки́я: ‘Бибахтало́ исын дывэ́с, дывэ́с, ко́ли явнэ́ би́да, ка́ра и ладжаипэ́н, сы́рбы, ке́ли чхаворэ́ камэ́на тэ выджа́н да́кирэ лочовя́тыр, нэ нанэ зор датэ тэ биянэ́л.

Psalmy 142:2

Мэ мангдёмпэ зоралэ́с Ра́скэ-Дэвлэ́скэ мирэ́ заня́са.

Psalmy 91:15

Ёв прикхарэла Ман и Мэ отпхэнава лэ́скэ, Мэ ява́ва лэ́са, ке́ли явэ́ла пхаро́ лэ́скэ, Мэ зракха́ва лэс и Мэ ява́ва тэ кутякирав лэс.

Psalmy 42:4

Мирэ́ ясва сыс ма́нгэ сыр хабэ́н дывэ́с и рат, ке́ли ёнэ ракирдэ́ ма́нгэ со дывэ́с: “Кай исын тыро́ Дэвэ́л?”

1 Kralip 1:15

И отпхэндя́ Анна, и пхэндя́: “Над, миро хула́ё; мэ сом джувлы́, сави́ пиридживэла духо́са, мол (вино) и сикера мэ на пиём, нэ отчхакирава миро ди анги́л Растэ-Дэвлэ́стэ;

Čysly 21:7

И явнэ́ мануша́ кэ Мо́йза и пхэндлэ́: “Кэрдя́м амэ грэ́хо, со ракирдям проти Растэ-Дэвлэ́стэ и пэ ту́тэ; помангпэ Ра́скэ-Дэвлэ́скэ, соб (кай), Ёв тэ отлыджал амэ́ндыр сапэн.” И мангдя́пэ Мо́йза пал манушэ́ндэ.

Ереме́ё 2:27

савэ́ пхэнэ́на каштэскэ: ‘Ту сан миро дад’, – барэскэ: ‘Ту яндян ман пэ свэ́то! ‘Тумарэ́ мануша́ рисинэ́ думэса кэ Мэ, а на мо́са: нэ сыр явэ́ла пхаро́, тэды ёнэ пхэнэ́на: ‘Ушты́ и зра́кх амэн.’

Сэндарьенгири Лылвари́ 10:15

И пхэндлэ́ Израилёскирэ чхавэ́ Ра́скэ-Дэвлэ́скэ: “Кэрдя́м грэ́хо амэ; кэр амэ́нца саро́, со Ту́кэ исын пир годы́, екх зра́кх амэн акана́.”

Psalmy 27:8

Миро ило́ пхэндя́ ма́нгэ: “Рисёв и поклонинпэ патыва́са (кэр шэрэ́са патыва́са) Ма́нгэ.” Мэ рисёва́ва тэ родав Тыро́ муй, Раё Дэ́вла.”

Psalmy 77:3

Мэ родыём Рас-Дэвлэ́с дрэ пхарэ́ мирэ́ дывэса́, миро васт сыс ґаздыно́ раты́ и на обмэкэлапэ, миро ди отпхэндяпэ, соб (кай) тэ тангинэ́л Лэс.

Psalmy 78:34

Ке́ли Ёв замарэлас лэн, тэды ёнэ родэнас Лэс, и ёнэ рискирэнас пэ́скиро ило́ и зоралэ́с родэнас Дэвлэ́с,

Ереме́ё 29:12

И тумэ́ явэ́на тэ кхарэ́н Ман и тумэ́ явэ́на, и тумэ́ явэ́на тэ мангэ́нпэ Ма́нгэ, и Мэ ява́ва тэ шунав тумэн,