Isajos 26:14 - Библия - Пэ Балтитко Романи чиб (Романэс) 2019

¹⁴ Мулэ́ на отджидёна, Рефаимы на уштэна, пал-дова́, со Ту явдя́н и хасякирдян лэн; хасякирдян рипирибэ́н пал лэ́ндэ.

Biblija - Pe Baltitko Romani čib (Romanes) 2019

¹⁴ Mulé na otdžidjona, Riefaimy na uštena, pal-dová, so Tu javdián i xasiakirdian len; xasiakirdian ripiribén pal lénde.

Isajos 26:14 Referans Kwoze

Pritčy 10:7

Бахтало́ исын рипирибэ́н пал чачунэ́ манушэ́стэ, нэ чорэ́-манушэ́нгиро лав кирнёла.

Isajos 8:19

И ко́ли пхэнэ́на тумэ́нгэ: “Джа́ кэ одолэ́, кон выкхарэла мулэн, кон исын човахано, кон зумавэла”, – тэ́ньчи тумэ́ пхэнэ́н: “Ци на трэй, соб (кай) народо тэ родэ́л пэ́скирэ Дэвлэ́с? Ци пхучэна мулэ́ндыр пал джидэ́ манушэ́ндэ?”

Psalmy 106:28

И ёнэ адя́кэ-паць скэдынэ́пэ кхэтанэ́ пашы́л Фегоро тэ дэн паты́в Ваалоскэ, ёнэ ханэ́ свэ́нта яныбэна́ (жэртвы), со кэрдэ́ мулэ́ идолэ́нгэ,

Sykadyipén 20:5

Яви́р дия́ мулэ́ндыр на отджидынэ, пака бар бэрш кончынэлапэ. Дава́ исын пэ́рво отджидыипэн мэрибна́стыр.

Матфеё 2:20

и раки́рла: “Ушты́, лэ Биятос и Да Лэскирья, и джа́ пэ пхув Израилёскири; пал-дова́ со мынэ́ одолэ́, савэ́ родэнас тэ мулякирэ́н Биятос.”

Isajos 10:3

Со тумэ́ явэ́на тэ кэрэ́н дро дывэ́с, саво́ явэ́ла, ко́ли явэ́ла дура́л тумаро́ хасибэ́н? Кэ кон подджана тумэ́ тэ подэн васт, кай ячкирэна тумаро́ барвалыпэ́н?

Psalmy 109:13

мэк лэ́скири сэмэ́нца тэ хасёл, мэк тэ на явэ́н лэ́нгирэ вурмы (фамилии) машки́р яви́р ро́до.

Psalmy 9:6

Ту штылякирдян Наюды́тка на́цыи, Ту хасякирдян бэдэн (бидэн), Ту кхосцян криг лэ́нгирэ лава́ пэ сарэ́ ве́ки.

Яви́р Зако́но 4:28

И тумэ́ явэ́на одо́й тэ дынаринэ́н дэвлорэ́нгэ, савэ́ кэрдэ́ манушэ́нгирэ васта́ каштэ́стыр и барэстыр, савэ́ на дыкхэ́на и на шунэ́на, и на ха́на, и на сунгавэна.

Vygiiben 14:30

И зракхця́ Рай Дэвэ́л дро дова́ дывэ́с Израильтянэ́н Египтянэнгирэ вастэ́ндыр; и дыкхнэ́ Израильтя́ни Египтянэн мулэнца пэ брэ́го морёскиро (дэрьявэ́скиро).

Isajos 26:19

Отджидёна Тырэ́ мулэ́, мулэ́ маса́ уштэна! Ѓаздэнпэ, радынэ́нпэ, тумэ́, савэ́н чхурдынэ́ дро пра́хо, пал-дова́ со пахлын (роса) Тыри́ састякирэла и пхув чхурдэ́ла яври́ мулэн.

Psalmy 36:12

На домэк, соб (кай) пхутькирдэ́ мануша́ тэ чхувэ́н пэ́скири ґэро́й пэ ма́ндэ, соб (кай) фуй мануша́ тэ традэ́н ман пэ́скирэ вастэ́нца.

Psalmy 59:5

Ёнэ праста́на и сыклякирэ́на екх екхэ́с, на дыкхи́, со нанэ банг ма́ндэ. Джанґадёв тэ помогинэс ма́нгэ и подыкх.

Psalmy 135:17

лэ́ндэ исын кана́, нэ ёнэ на шунэ́на, и нанэ пхурд (дыханиё) лэ́нгирэ мо́стыр.

Ekliesiastos 9:5

Джидэ́ мануша́ джинэ́на, со ёнэ мэрэ́на, нэ мулэ́ на джинэ́на нисо́, и адя́кэ-паць нанэ лэ́нгэ буты́р мазу́ри (награда), и мануша́ бистырдэ сарэ́са пал лэ́ндэ.

Isajos 29:6

Рай Дэвэ́л, болыбна́скирэ-янголэ́нгиро, явэ́ла кэ ту громоса и зоралэ́ заня́са, со пхув явэ́ла тэ издрал, зоралэ́ балваляса, яга́са, сави́ саро́ схачкирэ́ла.

Isajos 37:19

И чхурдынэ́ дрэ яг лэ́нгирэ дэвлорэ́, нэ далэ́ сыс на дэвэла́, а буты́, сави́ кэрдэ́ васта́ манушэ́скирэ, кашт и бар, палдава́ хасякирдэ́ лэн.

Ióvo 7:9

Сыр о́блоко розджалапэ и нашадёла, адя́кэ-паць и дова́, кон джа́ла тэлэ́ дро лю́но (адо), на явэ́ла палэ.

Ióvo 18:17

Рипирибэ́н пал лэ́стэ хасёла пэ пхув, и лэ́скиро лав бистрэна пэ вули́цы (пэ га́сы).

Ióvo 24:20

Дакири лочови́ (утроба) бистрэла лэс, кирмо явэ́ла тэ чарадёл лэ́стыр: лэс буты́р на явэ́на тэ рипирэ́н мануша́, и фуй ману́ш пхадёла сыр кашт.