Isajos 26:13 - Библия - Пэ Балтитко Романи чиб (Романэс) 2019

¹³ Раё Дэ́вла, Дэ́вла амаро́! Сыс кэ амэ и яви́р тхага́рья, нэ пир Ту́тэ амэ шарасас Тыро́ лав.

Biblija - Pe Baltitko Romani čib (Romanes) 2019

¹³ Rajo Dévla, Dévla amaró! Sys ke ame i javír thagárja, ne pir Túte ame šarasas Tyró lav.

Isajos 26:13 Referans Kwoze

Римлянэнгэ 6:22

Нэ какана́, ке́ли тумэ́ сан вольна грэхостыр и ячнэ́ Дэвлэ́скирэ писхарье́нца, тумэ́ндэ исын свэ́нто отдыибэ́н Лэ́стыр и тумэ́ндэ исын ко́нцо (яго́ро) пэ дава́, саво́ исын ве́чно джиибэ́н.

Isajos 63:7

Пририпирава мэ лачхипэ́н Ра́скирэ-Дэвлэ́скиро и барипэ́н Ра́скирэ-Дэвлэ́скиро пал саро́, со Рай Дэвэ́л дыя́ амэ́нгэ, пририпирава баро́ бахталыпэ́н Лэ́скиро ваш кхэр Израилёскиро, саво́ Ёв кэрдя́ пир Лэ́скиро лачхипэ́н, пир Лэ́скиро баро́ кучипэ́н.

Isajos 2:8

Пхэрдия лэ́нгири пхув идолэнца: ёнэ мангэ́нпэ долэ́скэ, со кэрдэ́ лэ́нгирэ васта́, долэ́скэ, со кэрдэ́ лэ́нгирэ ангушта.

Юдэ́нгэ 13:15

Палдава́ ява́са саро́ часо пир Исусо́стэ тэ славинас Дэвлэ́с лавэ́нгирэ-свэнтонэ́ дыибнаса, – дава́ исын амарэ́ лава́, ке́ли амэ приджинаса, со Ёв исын амаро́ Рай Дэвэ́л.

Amoso 6:10

И сэмэ́нца мулэнгири, лэ́ла явирэ манушэ́с, саво́ явэ́ла тэ хачкирэл тру́пы, и ёв пхэнэ́ла кодолэ́скэ кхэрэ́стыр, кон яця́пэ джидо́: “Ци исын ишчо (инкэ́) вари-кон дро кхэр?” Тэ́ньци кодова́ ману́ш кхэрэ́стыр пхэнэ́ла: “Нанэ ‘никонэ́с.” И дая́ сэмэ́нца тэды пхэнэ́ла: “Рикир пэ́скири чиб! Пал-дова́ со амэ́нгэ нашты́ тэ пририпирас лав Ра́скирэ-Дэвлэ́скиро.”

Isajos 51:22

Адя́кэ ракирэ́ла тыро́ Рай Дэвэ́л, и Дэвэ́л тыро́, Саво́ отхала (отдэ́ла палэ) пал Пэ́скиро народо: “Акэ, Мэ ла́ва тырэ́ вастэ́стыр тахта́й (чаша) пибнаса, саво́ матькирэла; рошчына (дрожджы) Мирэ́ тахтастыр холя́са; Ту буты́р одотхы́р на пьеса.

Isajos 12:4

И пхэнэ́на тумэ́ дро дова́ дывэ́с: “Барьякирэ́н Рас-Дэвлэ́с, прикхарэн Лэ́скиро лав, роспхэнэ́н дрэ народы пал Лэ́скирэ рэ́нды (де́лы); рипирэ́н, со баро́ исын Лэ́скиро лав.

Isajos 10:11

Ци на кэра́ва Мэ адя́кэ Ерусалимоса и лэ́скирэ кэрдэ́ муенца (изваяниенца), сыр кэрдём Мэ Самарияса и ла́кирэ идолэнца?’”

2 Паралипоменоно 12:8

усае́кх ёнэ явэ́на лэ́скирэ дынарье́нца, соб (кай) тэ джинэ́н, саво́ тэ явэ́л дынарибэ́н Ма́нгэ и тэ дынаринэ́н пхувья́кирэ кралипнаскэ.”

Isúso 23:7

На явэ́н кхэтанэ́ далэ́ манушэ́нца, савэ́ ячнэ́пэ машки́р тумэ́ндэ, на пририпирэн лэ́нгирэ дэвлорэнгиро лав, на совлахан лэ́нца, и на дынаринэ́н лэ́нгэ, и на мангэ́нпэ лэ́нгэ,

1 Коринфянэнгэ 4:7

Палдава́, кон жа выкэдэ́ла тут явирэндыр? И со исын ту́тэ, со на сыс дыно́ ту́кэ? Тэды со́скэ ту шарэсапэ, сы́рбы ту на дорэсцян (на долыян) дава́ сыр тала́но?

Joannostir 8:32

и тумэ́ уджинэна чачипэ́н, и чачипэ́н кэрэ́ла тумэн вольнонэнца.

Isajos 26:8

И пэ дром, кай исын Тыро́ сэ́ндо, Раё Дэ́вла, сыс амэ́ндэ лачхо́ ужакирибэ́н пэ Ту́тэ; кэ Тыро́ лав, кэ рипирибэ́н пал Ту́тэ тырдэла амэн амаро́ ди.

Isajos 64:5

Ту лачхипна́са прилэсас одолэ́с, кон радынэласпэ и кэрэ́лас пир чачипэ́н, кон рипирэлас пал Ту́тэ пэ Тырэ́ дрома́. Нэ, акэ, Ту холясыян, пал-дова́ со амэ гара (длу́гэс) лыям тэ кэра́с грэ́хи; и сыр же амэ зракхасапэ?

Mihiejo 4:5

Сарэ́ мануша́ псирэ́на и мангэ́напэ лавэ́са лэ́нгирэ дэвлорэндыр, нэ амэ ява́са тэ псирас, и мангаспэ Ра́скирэ-Дэвлэ́скирэ лавэ́са, амарэ́ Дэвлэскирэса пэ сарэ́ ве́ки.