Isajos 26:12 - Библия - Пэ Балтитко Романи чиб (Романэс) 2019

¹² Раё Дэ́вла! Ту подэса амэ́нгэ рама́нё (миро), и сарэ́ амарэ́ рэ́нды Ту кэрэ́са ваш амэ́нгэ.

Biblija - Pe Baltitko Romani čib (Romanes) 2019

¹² Rajo Dévla! Tu podesa aménge ramánjo (miro), i saré amaré réndy Tu kerésa vaš aménge.

Isajos 26:12 Referans Kwoze

Эфесянэнгэ 2:10

Пал-дова́ со амэ сам кадасавэ́, савэ́нца Дэвэ́л создыя́ амэн дро амаро́ екхипэ́н Исусо́са Христосо́са ваш дова́, соб (кай) амэ тэ кэра́с лачхэ́ рэ́нды, савэ́ Дэвэ́л ґарэдыр выкэдыя́ ваш амэ́нгэ.

Psalmy 57:2

Яв тангипна́скиро (пожа́лин) кэ мэ, о Дэ́вла, яв тангипнаскиро: со миро ди рисия́ кэ Ту тэ зракхэлпэ: мэ ява́ва тэ гарадёвав дрэ зэр (тенё) Тырэ́ пхакэнгири, пака бари би́да проджа́ла (накхэла).

Psalmy 29:11

Рай Дэвэ́л дэ́ла зор Пэ́скирэ манушэ́нгэ; Рай Дэвэ́л бахтякирэ́ла Пэ́скирэ манушэ́н раманёса (миро́са).

Езэкилё 20:14

Нэ Мэ кэрдём дава́ ваш Миро лав, соб (кай) ёв тэ на магирэлпэ анги́л Наюды́тка на́цыи, савэ́ дыкхэнас, сыр Мэ вылыджиём лэн.

Юдэ́нгэ 13:20

Дэвэ́л, Саво́ дэ́ла рама́нё (миро), Саво́ отджидякирдя́ мулэ́ндыр амарэ́ Рас-Дэвлэ́с, Исусо́с Христосо́с, Барэ́ Чхупнарис пир рат вечнонэ Заветостыр,

Ереме́ё 33:6

Акэ, Мэ причхувава састякирибнытко шмата (пластырё) и Мэ выдрабакирава лэн, и Мэ састякирава лэн, и Мэ сыкава́ва лэ́нгэ бут мо́лы рама́нё и патяибэ́н.

Яви́р Зако́но 30:6

И обчхинэла (парувэла) Рай Дэвэ́л, Дэвэ́л тыро́, ило́ тыро́ и ило́ тырэ́-родоскиро, соб (кай) ту́кэ тэ явэ́л дро́го Рай Дэвэ́л, Дэвэ́л тыро́, сарэ́ тырэ́ илэ́стыр и сарэ́ дестыр тырэстыр, соб (кай) тэ дживэ́с ту́кэ;

Joannostir 14:27

Мэ ячкирава рама́нё (миро) тумэ́нгэ, Миро рама́нё Мэ да́ва тумэ́нгэ: нэ на адя́кэ, сыр свэ́то дэ́ла, Мэ да́ва тумэ́нгэ, и мэк тэ на страхадёл тумаро́ ило́, и тэ на дарэл.

Езэкилё 36:25

И Мэ брызгинава тумэн жужэ́ пане́са, тумэ́ жужакирэнапэ сарэ́ тумарэ́ магирипнастыр, Мэ жужакирава тумэн сарэ́ тумарэ́ идолэндыр.

Езэкилё 20:22

Нэ Мэ обрикирдём Миро васт и кэрдём ваш Миро лав, соб (кай) ёв тэ на магирэлпэ машки́р Наюды́тка на́цыи, савэ́ дыкхэнас, сыр Мэ вылыджиём лэн.

Езэкилё 20:9

Нэ Мэ кэрдём дава́ ваш Миро лав, соб (кай) ёв тэ на магирэлпэ анги́л Наюды́тка на́цыи, кай ёнэ дживэ́нас, и кай Мэ откэрдём/сыкадём Пэс лэ́нгэ, соб (кай) тэ вылыджав лэн Египтосккирэ пхувья́тыр.

Isajos 57:10

Ту кхиныян барэ́ дромэ́стыр, нэ ту на пхэндя́н: “Хасякирдём наде́я!” – тыро́ васт ишчо (инкэ́) сыс джидо́, и зор ту́тэ ишчо (инкэ́) сыс.

Psalmy 68:28

Пэ́рво джа́ла тэрнэдыр Вен΄ямино, лэ́нгиро барыдыро́, тхага́рья Юдэя́тыр пэ́скирэ манушэ́нца, тхага́рья Завулоностыр, тхага́рья Нефалимостыр.

Psalmy 90:17

И мэк шукарипэ́н амарэ́-Ра́скирэ-Дэвлэ́скиро, амарэ́ Дэвлэ́скиро тэ явэ́л пэ амэ́ндэ: дэ зор амарэ́-вастэнгирэ бутенгэ, зорьякир амарэ́ васта́, со кэрэ́на бутя́.

Isajos 9:6

Пал-дова́ со Бия́то бия́ндыя амэ́нгэ, чхаво́ исын дыно́ амэ́нгэ; Ёв лэ́ла зор дро Пэ́скиро васт, и дэ́на Лэ́скэ лав: Лачхо́ Годыпнари, зорало́ Дэвэ́л, Дад, конэ́стэ исын ве́чно джиибэ́н, далэ́-свэтоскиро Тхага́ри (Князё).

Isajos 26:3

Манушэ́с, зоралэ́ духо́са Ту ракхэса дрэ пхэрдо́ рама́нё (миро), пал-дова́ со пэ Ту́тэ исын лэ́скири наде́я,

Isajos 27:5

Нэ ко́ли ёв/ёй помангэла Миро зракхибэ́н, и явэ́ла тэ мангэ́л рама́нё (миро) Ма́нца, мэк тэ́ньчи ёнэ тэ прилэ́н рама́нё (миро) Ма́нца.”

Isajos 29:23

Ко́ли дыкхэ́ла ёв пэ́стэ пэ́скирэ чхаворэ́н, савэ́н дыём Мэ лэ́скэ, ёнэ дэ́на паты́в Мирэ́ лавэ́скэ, дэ́на паты́в Свэнтонэ́ Израилёскирэ Дэвлэ́скэ, и ёнэ явэ́на тэ дарэ́н радыма́са Израилёскирэ Дэвлэ́стыр.

Isajos 32:18

Тэ́ньци миро народо явэ́ла тэ дживэ́л пэ штэ́то, кай исын рама́нё (миро), пэ штэ́то, кай на дарэ́на, пэ бахталэ́ штэ́ты, кай откхинёна.

Isajos 57:19

Мэ кэра́ва саро́ пир Миро лав: “Рама́нё (миро), рама́нё пашатунэ́ манушэ́скэ и дуратунэ́ манушэ́скэ,” – ракирэ́ла Рай Дэвэ́л, и Мэ састякирава лэс.

Čysly 6:26

Мэк тэ рискирэ́л Рай Дэвэ́л Пэ́скиро муй пэ ту́тэ и дэ́ла ту́кэ рама́нё (миро)!”

Psalmy 57:3

Мэ да́ва го́дла Дэвлэ́скэ, Най Вучэдырэскирэскэ, Дэвлэ́скэ, Саво́ кэрэ́ла саро́ ваш ма́нгэ.