Isajos 26:10 - Библия - Пэ Балтитко Романи чиб (Романэс) 2019

¹⁰ Ко́ли грэхитконэ́ манушэ́с потангинэна, тэ́ньчи на ґалёла ёв чачипэ́н: ёв явэ́ла тэ кэрэ́л накуч дурэды́р пэ пхув патывалэнгири и на подыкхэла пэ Ра́скирэ-Дэвлэ́скиро барипэ́н.

Biblija - Pe Baltitko Romani čib (Romanes) 2019

¹⁰ Kóli grehitkoné manušés potanginena, tén'či na ĥaljola jov čačipén: jov javéla te kerél nakuč duredýr pe phuv patyvalengiri i na podykhela pe Ráskire-Devléskiro baripén.

Isajos 26:10 Referans Kwoze

Osija 11:7

Мирэ́ мануша́ бандинэ, соб (кай) тэ дурьён криг Ма́ндыр. На дыкхи́ пэ дова́, со ёнэ кхарна Ман тэ помогинав, Най Вучэдыронэс, ние́кх лэ́ндыр на барьякирэ́ла Лэс.

Sykadyipén 2:21

И Мэ дыём ла́кэ часо тэ приґалёл ла́киро биладжаипэ́н, нэ ёй на камэ́ла тэ приґалёл пэ́скирэ грэ́хи.

Mihiejo 2:10

Уштэ́н и джа́н адатхы́р; пал-дова́ со ада́й тумэ́ на откхинёна. Кадава́ штэ́то исын магирдо́, и хасякирэ́ла тумэн, и дава́ хасякирибэн явэ́ла кэ ко́нцо (кэ яго́ро).

Ереме́ё 2:7

И Мэ яндём тумэн пэ барвалы пхув, соб (кай) тумэ́ тэ хан ла́кирэ барьякирдэ́ (пло́ды), и ла́киро миштыпэ́н, нэ сыр тумэ́ загинэ́ пэ дая́ пхув, тумэ́ магирдэ́ кадая́ пхув, и тумэ́ магирдэ́ Миро миштыпэ́н.

Ekliesiastos 3:16

Адя́кэ-паць мэ дыкхцём тэл кхам: одо́й, кай сэндытко штэ́то, одо́й исыс фуипэ́н. И одо́й, кай штэ́то ваш чачипэ́н, одо́й сыс биба́хт.

Pritčy 1:32

Пал-дова́ со ёнэ хасёна, ке́ли ёнэ рисёна криг годыпнастыр и дылынэ́-манушэ́нгири нахратыма кокори хасякирэ́ла лэн.

Psalmy 106:43

Бут мо́лы Ёв выракхэлас лэн; нэ ёнэ бунтуинэнас проти Лэ́стэ дрэ пэ́скирэ ду́мы, и ёнэ пэрэнас тэлэ́ пал пэ́скиро фуипэ́н.

Яви́р Зако́но 32:15

И тхулыя Израилё, и яця́ пхарэ́-илытко; яця́ тхуло, зоралыя и ростхулыя; и ячкирдя́ ёв Дэвлэ́с, Саво́ создыя́ лэс, и лыя́ на́бут тэ кутякирэл Лэс, Саво́ выракхця лэс.

Vygiiben 9:34

И дыкхця́ фарао́но, со пирияця́ брышы́нд и градо и громо, и дурыдыр грешындя, и кэрдя́ кокоро́ пхаро́ пэ́скиро и писхарьенгиро ило́.

Vygiiben 8:15

И дыкхця́ фарао́но, со кэрдя́пэ локхэды́р, и лэ́скиро ило́ яця́ нартэдыр, и ёв на кандыя́ лэн, сыр и ракирдя́ Рай Дэвэ́л.

Osija 13:6

Ке́ли лэ́ндэ исыс чаритка фэ́лды, ёнэ сыс чалэ, ёнэ сыс пхэрдэ́с чалэ и лэ́нгиро ило́ ячэлас барикано, пал-дова́ со ёнэ бистырдэ пал Ма́ндэ.

Osija 9:3

Ёнэ на явэ́на тэ дживэ́н пэ пхув Ра́скирэ-Дэвлэ́скири, а Ефре́мо рисёла палэ кэ Еги́пто, и ёнэ явэ́на тэ хан нажужэ́ хабэна дрэ Асирия.

Ереме́ё 31:23

Адя́кэ ракирэ́ла болыбна́скирэ-янголэ́нгиро Рай Дэвэ́л, Израилёскиро Дэвэ́л: “Ке́ли Мэ яна́ва лэн плено́стыр, ёнэ нэвэ́стыр явэ́на тэ ракирэ́н дава́ лав пэ Юдэякири пхув и дрэ ла́кирэ фо́рья: ‘Тэ бахтякирэ́л Рай Дэвэ́л тут, о чачипна́скиро кхэр, о свэ́нто бэ́рга!’

Isajos 27:13

И явэ́ла дрэ дова́ дывэ́с: баро́ роґо (труба) забашавэла и явэ́на одолэ́, кон нашадяпэ пэ пхув Асириякири, конэ́с вытрадынэ́ пэ пхув Египто́скири. Сарэ́ ёнэ пэрэ́на анги́л Растэ-Дэвлэ́стэ тэ дэн паты́в пэ свэ́нто бэ́рга дрэ Ерусалимо.

Isajos 24:5

Пхув исын магирды манушэ́ндыр, савэ́ дживэ́на пэ ла́тэ, пал-дова́ со ёнэ отчхурдынэ зако́ны, парудэ стату́то (уставо), ёнэ пхагирдэ́ ве́чно завето.

Isajos 5:12

Исын башаибэн и мол пэ лэ́нгирэ свэ́нки, а пэ Ра́скирэ-Дэвлэ́скирэ рэ́нды ёнэ на дыкхэ́на, на думинэ́на пал дова́, со кэрэ́на Лэ́скирэ васта́.

Isajos 2:10

Джа́ кэ бэ́рга, гарадёв дрэ пхув Ра́скирэ-Дэвлэ́скирэ дара́тыр и Лэ́скирэ шарибнастыр.

Psalmy 143:10

Сыкля́кир ман тэ кэра́в пир Тыри́ во́ля, пал-дова́ со Ту сан миро Дэвэ́л; мэк Тыро́ лачхо́ Ду́хо (Фа́но) тэ лыджа́л ман пэ чачипнаскири пхув.

1 Kralip 15:17

И пхэндя́ Самуи́ло: “Ци на барэса ту са́нас дро тырэ́ якха́, ке́ли кэрдянпэ шэралэса пэ Израилёскирэ ро́дыцы, и Рай Дэвэ́л помакхця тут крали́са пэ Израилё?

Isajos 32:6

Пал-дова́ со буро ману́ш (невежда), ракирэ́ла дылныпэ́н, лэ́скиро ило́ думинэ́ла пал чорипэ́н, соб (кай) тэ кэрэ́л хохаибнаса, тэ калякирэл Рас-Дэвлэ́с, тэ лэл маро́ бокхалэстыр и пибэ́н манушэ́стыр, саво́ камэ́ла пани́.

Матфеё 4:5

Тэ́ньци лэ́ла Лэс на́лачхо дро свэ́нто фо́ро и чхувэ́ла Лэс пэ Кхангирья́кири стрэ́ха (чхаки́н),

Vygiiben 9:30

нэ мэ джино́м, со ту, и тырэ́ писха́рья ишчо (инкэ́) на дарэ́на Ра́стыр-Дэвлэ́стыр.

Psalmy 69:27

Пал-дова́ со, конэ́с Ту пэкадян, кодолэ́н ёнэ традэ́на, и ёнэ ракирэ́на пал калыпэ́н пэ ило́ одолэнгиро, конэ́с Ту дукхадян.

Isajos 32:7

Фрэнто (холямо́) ману́ш кэрэ́ла хасибны́тка рэ́нды: ёв думинэ́ла, пал фуипэ́н, соб (кай) тэ хасякирэ́л чорорэс хоханэ́ лавэ́нца и тэды, ко́ли чороро́ кэрэ́ла пир чачипэ́н.

4 Kralip 13:6

Нэ ёнэ усае́кх на отгинэ́ грэхэ́ндыр Еровоамоскирэ кхэрэ́стыр, саво́ лыджия́ Израилё дро грэ́хо; псирдэ́ дрэ лэ́ндэ, и дэмбитко вэшоро тэрдия́ дро Сама́рия.

Ekliesiastos 8:11

Сыр сэ́ндо пэ одолэ́ндэ, кон кэрэ́на бибахталэ́ бутя́, насыгэс кэрэ́лапэ, адя́кэ-паць пал-дава́ манушэ́нгирэ-чхавэ́нгиро ило́ исын хор залымо, соб (кай) тэ кэрэ́л биба́хт.

Isajos 1:21

Сыр биладжакунэс парудяпэ чачипна́скиро шэрутно фо́ро, саво́ сыс пхэрдо́ чачунэ́ сэндоса! Чачипэ́н дживэлас дрэ лэ́стэ, а акана́ дживэ́на замарибнарья (розмарибнарья).