Isajos 25:2 - Библия - Пэ Балтитко Романи чиб (Романэс) 2019

² Ту роспхагирдян зоралы́ тва́рдыма сарэ́са, райкано кхэр (харомо), саво́ кэрдэ́ мануша́, буты́р нанэ дро фо́ро, буты́р николи лэс на ґаздэ́на.

Biblija - Pe Baltitko Romani čib (Romanes) 2019

² Tu rosphagirdian zoralý tvárdyma sarésa, rajkano kher (xaromo), savó kerdé manušá, butýr nane dro fóro, butýr nikoli les na ĥazdéna.

Isajos 25:2 Referans Kwoze

Isajos 17:1

Пхэныбэ́н пэ Дама́ско. – “Акэ, Дама́ско пириячэ́ла тэ явэ́л фороса, и ёв явэ́ла груда руинэндыр.

Isajos 13:22

Шакалы явэ́на тэ выинэн дрэ лэ́нгирэ тхагаритка коморы, гиены забэшэна дрэ кхэра́, кай ґарэдыр радынэнаспэ.

Isajos 25:12

И тва́рдыма, тырэ́ зоралэ́ и вучэ́ вантэндыр роспхагирэла, Ёв розмарэла, чхурдэ́ла пэ пхув, дро пра́хо.”

Sykadyipén 18:19

И ёнэ чхурдэнас пыло пэ лэнгрэ шэрэ́, дэ́нас го́дла, ровэнас и дэ́нас го́дла ясвэ́нца, пхэни́: “Бида, би́да, барэ́ фороскэ! Дро саво́ сарэ́ барвалынэ, конэ́стэ сыс па́рмы (корабли) пэ мо́рё (дэрья́в), форо́скирэ кучипнастыр! Пал-дова́ со дро екх мардо́ (шту́нда) дасаво миштыпэ́н хасия́.”

Ереме́ё 51:26

И мануша́ на лэ́на ту́тыр бар пэ вэнгло, ни бар пэ фунда́менто, нэ ту, Вавило́но, усады / сак (всегда) явэ́са чхучо́”, – ракирэ́ла Рай Дэвэ́л.

Isajos 23:13

Акэ, исын пхув Халдеенгири. На сыс англэды́р дава́ народо; Асуро кэрдя́ лэс манушэ́ндыр, савэ́ дживэ́нас пэ шуки́ пхув. Ёнэ чхувэ́на пэ́скирэ вучардя (башни), роспхагирэна лэ́скирэ райканэ кхэра́, пхагирэна лэн сарэ́са.

Isajos 21:9

Акэ, традэ́на мануша́, традэ́на уклистэ́ пэ грэ́ндэ, пир дуе манушэ́ндэ.” Тэ́ньци ёв загодлыя и пхэндя́: ‘Пыя́, пыя́ Вавило́но, и сарэ́ лэ́скирэ и́долы, сарэ́ дэвлорэ́ исын паштэ́ пэ пхув розмардэ.’”

Isajos 14:23

“Мэ кэра́ва адя́кэ, соб (кай) тэ явэ́н дой сапа и бла́та, и Мэ вышулавава лэс хасибнытконэ веникаса (шуладяса)”, – ракирэ́ла Рай Дэвэ́л, болыбна́скиро-янголэ́нгиро.

Яви́р Зако́но 13:16

а саро́ дорэсыбэ́н лэ́скиро скэ́дэ машки́р лэ́скири форуны́ (пло́шча), и схачкир яга́са фо́ро и саро́ лэ́скиро дорэсыбэ́н дро цэ́ло схачкирибэ́н Ра́скэ-Дэвлэ́скэ, Дэвлэ́скэ тырэ́скэ, и мэк тэ явэ́л ёв саро́ ве́ко дро росчхурдыпэн, нашты́ никели нэвэ́стыр тэ кэрэ́с лэс;

Isajos 17:3

Твардыма Ефремо́скири и Дамаскоскирэ-кралипнаскири и кхэтанэ́ Сириякирэ ячаибнаса, явэ́ла дасави́-паць сыр и сла́ва Израилёскирэ чхавэ́ндыр”, – ракирэ́ла Рай Дэвэ́л, болыбна́скирэ-янголэ́нгиро.

Ióvo 12:14

Ѓа́да, Ёв пхагирэ́ла, и дова́ ужэ на кэрэ́са нэвэ́стыр (зноко): Ёв пхандэла манушэ́с дро штарибэ́н и нанэ отмэкибэн пэ во́ля.

Isajos 23:11

Ёв протырдыя́ Пэ́скиро васт пэ мо́рё (дэрья́в), Ёв пиритринскирдя кралипэна́; Рай Дэвэ́л припхэндя́ пал Ханаано, соб (кай) тэ роспхагирэн лэ́скирэ тва́рдыми (крепости).

Isajos 26:5

Ёв чхудя́ тэлэ́ одолэ́н, кон пэ вучо́ штэ́то дживэ́ла, чхурдыя́ тэлэ́ фо́ро, саво́ вучэ́с тэрдёлас, чхурдыя́ тэлэ́ пэ пхув, чхурдыя́ дро пра́хо.

Isajos 27:10

Пал-дова́ со зорало́ фо́ро чхучо́ явэ́ла, кхэра́ явэ́на чхурдынэ́, сыр чхучи́ пхув. Одо́й гуруворо явэ́ла тэ чаравэлпэ, одо́й ёв явэ́ла тэ пасёл и тэ хал лэ́скирэ рандя́.

Isajos 32:14

Райканэ кхэра́ (харомы) ячкирэна, фо́ро, саво́ шуминэла, ёв чхурдыно́ явэ́ла. Офело и вучарды́ (башня) явэ́на штэтоса, кай гаравэнапэ ослы (мега́рья) и ста́ды, савэ́ чаравэнапэ.

Isajos 32:19

На дыкхи́, со градо пэрэ́ла пэ вэш, фо́ро пэ до́ло тэлэ́ змэкэлапэ.

Isajos 34:13

Ла́кирэ барэ́ фэлатиня́ / колова (дворцы), ла́кирэ тва́рдыми (крепости) забарьёна пхусадэ́ чарьенца; явэ́ла пхув штэтоса, кай шакалы явэ́на тэ дживэ́н и явэ́ла грэдаса (двороса) ваш страусэнгэ.

Isajos 37:26

Ци ту на шундя́н, со Мэ ґара́ кэрдём дава́, дрэ ґаратунэ́ дывэса́ припхэндём пал дова́, а акана́ кэрдём, пал-дова́ со ту пхагирэсас зоралэ́ фо́рья кэ хасибэ́н и екх бара́ лэ́ндыр ячкирэса?

Ереме́ё 9:11

Мэ кэра́ва Ерусалимо́стыр руи́ны, штэ́то, дро саво́ дживэ́на шакалы. Мэ кэра́ва Юдэя́кирэ форье́ндыр чхучо́ штэ́то, со нико́н на дживэ́ла.

Isajos 13:20

Нико́н одо́й на явэ́ла тэ дживэ́л, на явэ́на тэ дживэ́н мануша́ одо́й николи; на чхувэ́ла Аравитянино пэ́скири ша́тра, чхупна́рья бакрэнца на явэ́на одо́й тэ откхинён.

Isajos 13:21

Нэ явэ́на тэ дживэ́н одо́й рискирибна́скирэ мурдала́ (звери) чхучэ́ пхувья́тыр; кхэра́ явэ́на пхэрдэ́ чирикленца; чирикля́ и мурдала́ явэ́на тэ ухтэн одо́й.

Isajos 24:10

Роспхагирдо исын чхучо́ фо́ро, сарэ́ кхэра́ закэрдэ пэ клыдын, нашты́ тэ заджас.