Isajos 24:6 - Библия - Пэ Балтитко Романи чиб (Романэс) 2019

⁶ Палдава́ прокошыбэ́н ха́ла пхув, прилэ́на биба́хт мануша́, савэ́ пэ пхув дживэ́на; схачкирдэ́ исын мануша́, савэ́ дживэ́на пэ пхув и набутка лэн яця́пэ.

Biblija - Pe Baltitko Romani čib (Romanes) 2019

⁶ Paldavá prokošybén xála phuv, priléna bibáht manušá, savé pe phuv dživéna; shačkirdé isyn manušá, savé dživéna pe phuv i nabutka len jaciápe.

Isajos 24:6 Referans Kwoze

Малахия 4:1

Пал-дова́ со, акэ, сыг явэ́ла дывэ́с, саво́ явэ́ла тэ хачкирэл саро́ сы́рбы бов, и сарэ́ пхутькирдэ́ и начачунэ (злыдня) мануша́ явэ́на сыр чхучо́ пхус; и дава́ дывэ́с, со явэ́ла, похачкирэла лэн адя́кэ, – ракирэ́ла янголэ́нгирэ-болыбна́скиро Рай Дэвэ́л, – “Со на ячэ́лапэ ни рукх (корнё), ни рандь (вэтка).

Матфеё 7:14

Пал-дова́ со цясно исын по́рта и набуґло исын дром, саво́ лыджа́ла дро джиибэ́н, и на́бут латхэ́на лэс.

Римлянэнгэ 9:27

Исаё ракирэ́ла роибнаса пал Израилё: “Мэк Израилёскирэ чхавэ́ тэ явэ́н ада́кицы бут, кицы́ исын морёскиро (дэрьявэ́скиро) пра́хо, а усае́кх набари паш лэ́ндыр зракхэ́лапэ:

Малахия 4:6

И ёв рискирэ́ла дадэ́нгиро ило́ кэ чхавэ́, чхавэ́нгиро ило́ кэ дада́, соб (кай) Мэ, сыр ява́ва, тэ на обчхував пхув прокошыбнаса.

Левито 26:22

и Мэ бичхава́ва пэ тумэ́ндэ фэлдытконэ рискирибна́скирэ мурдалэ́н (зверен), савэ́ отлэна тумарэ́ чхавэ́н, хасякирэна тумарэ́ кхэритконэ́ мурдалэ́н (ското), и тумэн скэрэна тыкнэды́р, адя́кэ, со явэ́на чхучэ́ тумарэ́ дрома́.

2 Petr 3:10

Нэ Дэвлэ́скиро дывэ́с явэ́ла сыр чор раты́, и тэды болыбэ́н грукимаса джа́ла криг якхэ́ндыр и сарэ́ болыбны́тка котэра́ схачона, и пхув и саро́, со исын пэ ла́тэ, явэ́на чхучэ́ (пуста).

Малахия 3:9

Пэ тумэ́ндэ пхэндлэ́ арманя (тумэн прокошнэ), нэ тумэ́ хохадэ Ман, тумэ́ – сари́ тумари́ нацыя.

Малахия 2:2

Ко́ли тумэ́ на явэ́на тэ шунэ́н, и ко́ли тумэ́ на прилэ́на илэ́са, соб (кай) тэ барьякирэ́н Миро лав,” – ракирэ́ла янголэ́нгирэ-болыбна́скиро Рай Дэвэ́л, – тэды Мэ бичхава́ва прокошыбэна (арманя) пэ тумэ́ндэ, и Мэ кэра́ва прокошыбэна (арманя) пэ тумаро́ бахтякирибэ́н: чачо́, Мэ акана́ кэрдём прокошыбэ́н (арман), пал-дова́, со тумэ́ на прилэ́на илэ́са Миро лав.

Езэкилё 5:3

Лэ далэ́стыр нэвэ́с на́бут, запхандэ лэн дрэ бринда пэ́скрэ урибнаскири.

Isajos 1:31

Зорало́ явэ́ла сыр шмата, и лэ́скиро рэ́ндо сыр яг; явэ́на тэ хачон кхэтанэ́ и нико́н на мурдякирла.”

Яви́р Зако́но 28:62

и ячэ́лапэ тумэн на́бут, тэды сыр тумэн сыс бут, тумэ́ са́нас сыр болыбна́скирэ чэргэня́, пал-дова́ со ту на шундя́н тырэ́ Ра́скирэ-Дэвлэ́скири, Дэвлэ́скири зан.

Яви́р Зако́но 4:27

и росчхурдэла тумэн Рай Дэвэ́л пир сарэ́ манушэ́ндэ тэ дживэ́н, и ячэ́напэ пэ на́бут машкира́л манушэ́ндэ, кэ савэ́ залыджала тумэн Рай Дэвэ́л.

Матфеё 27:25

Нэ сарэ́ отпхэндлэ́: “Мэк тэ явэ́л дава́ бангипэн пал Лэ́скиро рат пэ амэ́ндэ и амарэ́ чхаворэндэ!”

Isajos 5:24

Пал-дова́, со сыр яг ха́ла пхус и сыр ха́ла яг кхас, адя́кэ кирнёла лэ́нгиро кашт, лулуди́ (цвэто) лэ́нгиро роспхурдэлапэ сыр пра́хо, пал-дова́, со ёнэ зачхурдынэ Ра́скирэ-Дэвлэ́скиро, болыбна́скирэ-янголэ́нгиро Зако́но, и на шундлэ́ ёнэ лав Свэнтонэ́ Израилёскиро.

Isajos 9:19

Ра́скирэ-Дэвлэ́скири, болыбна́скирэ-янголэнгири холы́ хачкирэ́ла пхув, народо кэрэ́лапэ сы́рбы хабэ́н ваш яг, на потангинэла ману́ш пэ́скирэ пшалэ́с.

Isajos 34:5

Скэдыны исын пэ болыбэ́н Мири́ курта́ла, акэ, ваш сэ́ндо змэкэлпэ ёй пэ Едомо, и пэ народо, конэ́с Мэ отдыём прокошыбнаскэ.

Isajos 43:28

Палдова́ Мэ раша́нгирэ барыдырэндыр пэ свэ́нто штэ́то залыём лэ́нгири буты́, и отдыём пэ хасибэ́н Яково́с, и отдыём Израилё, соб (кай) лэс тэ магирэ́н.

Ереме́ё 5:14

Палдава́ адя́кэ ракирэ́ла Рай Дэвэ́л ма́нгэ, Еремеёскэ, болыбна́скирэ-янголэ́нгиро Дэвэ́л: “Пал-дова́ со тумэ́ пхэндлэ́ дасавэ́ лава́, акэ, Мэ кэра́ва мирэ́ лавэ́ндыр яг дрэ тумарэ́ муя́. И Мэ кэра́ва тумэ́ндыр кашта́, со дая́ яг похала.

4 Kralip 24:12

И выгия́ Ехония, Юдэя́киро кра́ли, кэ Вавилоно́скиро кра́ли, ёв и дай лэ́скири, и дына́рья лэ́скирэ, и тхага́рья лэ́скирэ, и евнухи (скопцы) лэ́скирэ, и лыя́ лэн Вавилоно́скирэ кра́ли дро пле́но пэ охто́то (бидуе́нгиро дэ́што) бэрш пэ́скирэ кралипнаскиро.

4 Kralip 25:12

Екхэ вари-кицы́ одолэ́ чорорэ́ манушэ́н пхувья́тыр ячкирдя́ барыдыр пэ ракхибнарье́ндэ, бутярнэнца дрэ винаградники и пхув тэ пашынэн.

Isajos 1:9

Ко́ли б на ячкирдя́ Рай Дэвэ́л, болыбна́скирэ-янголэ́нгиро, амэ́нгэ набаро́ ячаибэ́н, то са́мас бы амэ, сыр Содо́мо, амэ зджа́сас (поджа́сас) бы пэ Гомо́ра.

Ереме́ё 12:4

Сыр ґара́ (длу́гэс) пхув явэ́ла тэ тугинэл, и чхарья пэ фэ́лда тэ шутён? Мурдала́ и чирикля́ хасинэ́ пал адалэ́ злыдня (фуе́) манушэ́ндэ, савэ́ дживэ́на одо́й, пал-дова́ со ёнэ ракирэ́на: “Дэвэ́л на дыкхэ́ла амаро́ ко́нцо (яго́ро).”