Isajos 24:5 - Библия - Пэ Балтитко Романи чиб (Романэс) 2019

⁵ Пхув исын магирды манушэ́ндыр, савэ́ дживэ́на пэ ла́тэ, пал-дова́ со ёнэ отчхурдынэ зако́ны, парудэ стату́то (уставо), ёнэ пхагирдэ́ ве́чно завето.

Biblija - Pe Baltitko Romani čib (Romanes) 2019

⁵ Phuv isyn magirdy manušéndyr, savé dživéna pe láte, pal-dová so jone otčhurdyne zakóny, parude statúto (ustavo), jone phagirdé viéčno zavieto.

Isajos 24:5 Referans Kwoze

Юдэ́нгэ 13:20

Дэвэ́л, Саво́ дэ́ла рама́нё (миро), Саво́ отджидякирдя́ мулэ́ндыр амарэ́ Рас-Дэвлэ́с, Исусо́с Христосо́с, Барэ́ Чхупнарис пир рат вечнонэ Заветостыр,

Юдэ́нгэ 9:1

Дро пэ́рво завето сыс пхэндло́, сыр трэиндя́ тэ мангэ́лпэ Дэвлэ́скэ, и пал свэ́нто штэ́то, саво́ кэрэ́лас ману́ш пэ дая́ пхув.

Дание́лё 7:25

и пэ Най Вучэдырэскирэстэ (Дэвлэ́стэ) ёв явэ́ла тэ пхэнэ́л шардытка лава́ и тэ пхарьякирэл свэнтонэн манушэ́н Най Вучэдырэскирэн, и ёв придуминэла тэ отпхэнэл лэ́ндэ свэнкитка часы и Зако́но, и явэ́на ёнэ отдынэ́ дро лэ́скиро васт кэ / жы́ко часо, и кэ часы, и кэ паш часо.

Luka 1:6

Ёнэ ж сыс дуйджинэ́ чачунэ́ анги́л Дэвлэ́стэ, рикирдэпэ кэ Дэвлэ́скирэ припхэныбэна́ и Зако́но.

Mihiejo 2:10

Уштэ́н и джа́н адатхы́р; пал-дова́ со ада́й тумэ́ на откхинёна. Кадава́ штэ́то исын магирдо́, и хасякирэ́ла тумэн, и дава́ хасякирибэн явэ́ла кэ ко́нцо (кэ яго́ро).

Дание́лё 9:10

И амэ на кандыям зан Ра́скирэ-Дэвлэ́скири, амарэскири, соб (кай) тэ кэра́с пир Лэ́скирэ зако́ны, савэ́ Ёв дыя́ амэ́нгэ пир Лэ́скирэ дынарьендэ, пророкэ́ндэ.

Езэкилё 20:24

Пал дова́, со ёнэ на кэрэ́нас, сыр Мэ припхэндём, отчхурдынэ, а ячнэ́ тэ дыкхэ́н вучипна́са пэ Мирэ́ упхэныбэна́, магирдэ́ Мирэ́ са́ваты, и лэ́нгирэ якха́ тырдэнаспэ кэ лэ́нгирэ – дадэнги́рэ и́долы.

Езэкилё 20:13

Нэ Израилёскиро кхэр ґаздыя́пэ пэ Ма́ндэ пэ чхучи́ пхув, ёнэ на кэрэ́нас сыр Мэ пхэндём зоралэ́с, ёнэ отчхурдынэ Мирэ́ лава́, пир савэ́ дживэлас бы ману́ш, ко́ли кэрэ́лас, сыр Мэ пхэндём, ёнэ зоралэ́с магирэнас Мирэ́ са́ваты, и Мэ пхэндём: Мэ вычхувава пэ лэ́ндэ Миро холямипэн пэ чхучи́ пхув, соб (кай) тэ хасякира́в лэн.

Ереме́ё 50:5

Ёнэ явэ́на тэ пхучэнпэ дром пэ Сио́но, и ёнэ явэ́на тэ рискирэ́н пэ́скирэ муя́ кэ ёв, ракири́: ‘Явэ́н и ла́са тэ кхэтанякираспэ кэ Рай Дэвэ́л вечнонэ заветоса, саво́ на бистрэлапэ.

Isajos 50:1

Адя́кэ ракирэ́ла Рай Дэвэ́л: “Кай исын лыл пал дова́, со тумари́ дай розгия́пэ ромэса, кай исын дава́ лыл, савэ́са Мэ отмэкцём ла? И конэ́скэ Мэ бикиндём тумэн? Акэ, бикиндлэ тумэн пал тумарэ́ грэ́хи, пал чорипэ́н тумаро́ сыс отмэкны тумари́ дай.

Isajos 10:6

Мэ бичхава́ва лэс пэ грэхоскиро народо, пэ народо, со прилыя́ Мири́ холы́; Мэ да́ва лэ́скэ припхэныбэ́н, соб (кай) тэ чорэл барэ́ чорибнаса, соб (кай) тэ дорэсэл дорэсыбэ́н, соб (кай) тэ кэрэ́л далэ́ народо́стыр бла́та пэ вули́ца (га́са).

Psalmy 105:10

и Ёв чхудя́ зор пэ далэ́ лава́, сыр пэ стату́то Яково́скэ, сыр ве́чно Зако́но Израилёскэ,

Psalmy 55:5

Миро ило́ дукхала андра́л ма́ндэ и мэрибнаскири дар пыя́ пэ ма́ндэ,

2 Паралипоменоно 33:9

Нэ Мана́сия долыджия Юдэ́я и манушэ́н Ерусалимоскирэн кэ дова́, со ёнэ кэрдэ́ фуеды́р долэ́ Наюдытконэ́ манушэ́ндыр, савэ́н традыя́ криг Рай Дэвэ́л Израилёскирэ-чхавэ́нгирэ мо́стыр.

2 Kralip 23:5

ци на адя́кэ исын кхэр миро Дэвлэ́стэ? Пал-дова́ со доракирибэ́н ве́чно чхудя́ Ёв ма́нца, твардо и напарудо. Ци на адя́кэ джа́ла Лэ́стыр саро́ зракхибэ́н миро и саро́ лачхипэ́н миро?

Isúso 24:25

И кэрдя́ Ису́со манушэ́нца завето дро дова́-паць дывэ́с, и дыя́ лэ́нгэ упхэныбэ́н и Зако́но дро Сихемо.

Яви́р Зако́но 32:20

и пхэндя́ Ёв: “Гаравава Мэ муй Миро лэ́ндыр, и Мэ ява́ва тэ дыкха́в, саво́ явэ́ла лэ́нгиро ко́нцо (яго́ро); пал-дова́ со ёнэ исын розмэкно ро́до, чхавэ́, дрэ савэ́ндэ нанэ чачипэ́н.

Яви́р Зако́но 32:15

И тхулыя Израилё, и яця́ пхарэ́-илытко; яця́ тхуло, зоралыя и ростхулыя; и ячкирдя́ ёв Дэвлэ́с, Саво́ создыя́ лэс, и лыя́ на́бут тэ кутякирэл Лэс, Саво́ выракхця лэс.

Левито 20:22

Ракхэ́н сарэ́ Мирэ́ стату́ты и сарэ́ зако́ны Мирэ́, и кэрэ́н саро́ пир лэ́ндэ, и на вычхурдэла тумэн пэ́стыр пхув, пэ сави́ Мэ лыджа́ва тумэн тэ дживэ́н.

Дание́лё 9:5

Кэрдя́м грэ́хо амэ, бизаконытка рэ́нды, кэрасас бипатывалэс, кэрдя́м бу́нто и отгиям Тырэ́ припхэныбнастыр и Тырэ́ упхэныбнастыр,

Езэкилё 37:26

И буты́р Мэ кэра́ва лэ́нца раманёно (ми́рно) завето; ве́чно завето явэ́ла лэ́нца. Мэ да́ва лэ́нгэ лачхо́ джиибэ́н, адя́кэ, соб (кай) бут лэн тэ явэ́л, Мэ чхува́ва машки́р лэ́ндэ Миро свэ́нто штэ́то пэ сарэ́ бэрша́.

Isajos 9:17

Палдава́ на явэ́ла тэ радынэ́лпэ Рай Дэвэ́л пал лэ́скирэ тэрнэ́ манушэ́ндэ, на потангинэла лэ́скирэ бидадэскирэн и биромэскирэн пал дова́, со сарэ́ ёнэ исын хохаибнарья и чора, ушта́ лэ́нгирэ пхэнэ́на налачхэ́ лава́. Палдава́ на проджа́ла Лэ́скири холы́ и васт Лэ́скиро исын протырдыно.

Isajos 30:9

Пал-дова́, со ёнэ исын бунтяритко народо, (саво́ никонэ́с на кандэ́ла), хоханэ́ чхаворэ́, савэ́ на камэ́на тэ шунэ́н Ра́скирэ-Дэвлэ́скиро Зако́но.

Isajos 33:8

Нанэ никонэ́с пэ дрома́, нико́н одо́й на традэ́ла; ёв отгия́ доракирибнастыр, роспхагирдя́ фо́рья, ёв никонэ́с на гинэ́ла пал манушэ́ндэ (ни дро со чхувэ́ла манушэ́н).

Езэкилё 16:59

Адя́кэ ракирэ́ла Рай Дэвэ́л, Дэвэ́л: “Мэ кэра́ва ту́са, сыр кэрдя́н ту: на зрикирдян совэ́л, роспхагирдян доракирибэ́н.

Левито 26:35

Ёй, пхув, явэ́ла тэ откхинёл дрэ сарэ́ пэ́скирэ чхучипнаскирэ дывэса́, ци бут ёй на откхиныя дрэ тумарэ́ са́ваты, ке́ли тумэ́ дживдэ́ пэ ла́тэ.

Isúso 23:16

Ко́ли тумэ́ пириджана (кэрэ́на банг) Ра́скирэ-Дэвлэ́скиро, тумарэ́ Дэвлэ́скиро завето, саво́ Ёв чхудя́ тумэ́нца, и джа́на и явэ́на тэ дынаринэ́н явирэ дэвлорэ́нгэ и тэ мангэ́нпэ лэ́нгэ: тэды захачола пэ тумэ́ндэ Ра́скирэ-Дэвлэ́скири холы́, и сыг хасёна тумэ́ далэ́ лачхэ́ пхувья́тыр, сави́ дыя́ тумэ́нгэ Рай Дэвэ́л”.

4 Kralip 21:12

палдава́, – адя́кэ ракирэ́ла Рай Дэвэ́л, Дэвэ́л Израилёскиро, – ґа́да, Мэ яна́ва дасави́ холы́ пэ Ерусалимо и пэ Юдастэ, пал савэ́стэ, кон шунэ́ла, кудунёла (зазвининэла) дрэ дуй кана́ одолэ́стэ.

4 Kralip 21:15

Палдава́, со ёнэ кэрдэ́ фуипэ́н дрэ якха́ Мирэ́, и холякирдэ Ман долэ́ дывэсэ́стыр, сыр выгинэ́ лэ́нгирэ дада́ Египто́стыр, и кэ дава́ дывэ́с.”

Ереме́ё 11:10

Ёнэ рисинэ́ палэ кэ чорипэ́н, саво́ кэрдэ́ лэ́нгирэ прапапы, и ёнэ гинэ́ пал яви́р дэвлорэндэ тэ дынаринэ́н лэ́нгэ. Израилёскиро кхэр и Юдэя́киро кхэр пхагирдэ́ Миро завето, саво́ Мэ счхудём лэ́нгирэ дадэ́нца.”

Osija 6:7

Нэ ёнэ сыр Адамо пхагирдэ́ Завето; одо́й ёнэ ячадэ хоханэ́с Ман.