Isajos 24:19 - Библия - Пэ Балтитко Романи чиб (Романэс) 2019

¹⁹ Пхув издрала, пхув роспэрэлапэ, пхув издрала барэ́ зорья́са.

Biblija - Pe Baltitko Romani čib (Romanes) 2019

¹⁹ Phuv izdrala, phuv rosperelape, phuv izdrala baré zorjása.

Isajos 24:19 Referans Kwoze

Sykadyipén 20:11

И мэ дыкхцём баро́ парно́ троно и Екхэ́с, Кон сыс бэшто́ пэ лэ́стэ. Пхув и болыбэ́н нашэнас криг Лэ́скирэ мо́стыр и штэ́то на сыс латхно лэ́нгэ.

Naumo 1:5

Бэ́рги издрана анги́л Лэ́стэ, и бэ́ргицы биладёна; пхув кунинэлапэ анги́л Лэ́скиро явибэн [муй-р.с.]; свэ́то, и саро́, со дживэ́ла пэ свэ́то.

Яви́р Зако́но 11:6

и со Ёв кэрдя́ Дафаноса и Авироноса, Елиавоскирэ чхавэ́нца, Рувимо́скирэ чхавэ́са, ке́ли пхув роскэрдя́ пэ́скирэ ушта́ машки́р саро́ Израилё и накхадя (проглыниндя) лэн, и лэ́нгирэ чэ́карья (семействы), и лэ́нгирэ ша́тры, и саро́ барвалыпэ́н лэ́нгиро, саво́ сыс лэ́ндэ.

Матфеё 24:3

И ке́ли Ёв сыс бэшто́ пэ Оливи́тко бэ́рга, подгинэ́ Лэ́скирэ сыкляибны́тка кэ Ёв екхджинэ и пхучнэ́: “Пхэн амэ́нгэ, ке́ли дава́ саро́ явэ́ла, и сави́ ґерты́к (знаме́ниё) явэ́ла анги́л, сыр Ту явэ́са и ваш свэтоскиро ко́нцо (яго́ро)?”

Avakumo 3:6

Ёв тэрдия́, и пхув тринскирдяпэ, Ёв подыкхця́, и мануша́ издрандынэ и ґаратунэ́ бэ́рги пхарадынэ пэ котэра́, а векитка бэ́ргицы бандинэ. Лэ́скирэ дрома́ исын вечна.

2 Petr 3:10

Нэ Дэвлэ́скиро дывэ́с явэ́ла сыр чор раты́, и тэды болыбэ́н грукимаса джа́ла криг якхэ́ндыр и сарэ́ болыбны́тка котэра́ схачона, и пхув и саро́, со исын пэ ла́тэ, явэ́на чхучэ́ (пуста).

2 Petr 3:12

и тэ ужакирэн и тэ тырдэнпэ зоралэ́с, соб (кай) сыгэды́р тэ явэ́л дова́ дывэ́с, ке́ли явэ́ла Дэвэ́л, дывэ́с, дро саво́ болыбэ́н явэ́ла схачкирдо и сарэ́ котэра́, со исын пэ болыбэ́н, явэ́на розбиладэ яга́са.

Čysly 16:31

И сыс адя́кэ: сыр ёв пхэндя́ далэ́ лава́, розгия́пэ пхув тэл лэ́стэ;

Čysly 16:32

росчхакирдя пхув пэ́скирэ ушта́, и накхадя лэн и лэ́нгирэ кхэра́, и сарэ́ Кореёскирэ манушэ́н и саро́, со лэ́ндэ сыс;

Psalmy 75:3

“Ке́ли Мэ выкэдава лачхо́ часо – ракирэ́ла Дэвэ́л, Мэ ява́ва тэ сэндякирав пир чачипэ́н.

Isajos 2:19

И ґаздэ́напэ мануша́, дрэ ґебара́ (пешчэры) машкира́л скалы тэ гаравэнпэ Ра́скирэ-Дэвлэ́скирэ дара́тыр и Лэ́скирэ шардэ барипнастыр, ко́ли ґаздэ́лапэ Ёв тэ хасякирэ́л пхув.

Isajos 13:13

Ваш дава́ Мэ чилавава болыбэ́н, и пхув зджа́ла пэ́скирэ штэто́стыр, ко́ли холясо́ла Рай Дэвэ́л, болыбна́скирэ-янголэ́нгиро, дро дывэ́с, ко́ли захачола Лэ́скири холы́.