Isajos 24:10 - Библия - Пэ Балтитко Романи чиб (Романэс) 2019

¹⁰ Роспхагирдо исын чхучо́ фо́ро, сарэ́ кхэра́ закэрдэ пэ клыдын, нашты́ тэ заджас.

Biblija - Pe Baltitko Romani čib (Romanes) 2019

¹⁰ Rosphagirdo isyn čhučó fóro, saré kherá zakerde pe klydyn, naštý te zadžas.

Isajos 24:10 Referans Kwoze

Sykadyipén 18:2

Ёв дэ́лас го́дла зоралэ́ заня́са, пхэни́: “Пыя́, бари Вавилония, пыя́ бари биладжакуны, и яця́ джиибнытконэ штэтоса бэдэ духэнгэ и бэшыбнаса кажнонэ́ бэнгланэ духоскэ, и штарибнаскирэ клеткаса кажнонэ́ джунгалэ́ (гидконэ́) чириклэ́скэ; долэ́скэ со сарэ́ на́цыи пинэ́ ла́кири мол, зорало́ матыбэн ла́кирэ блэндостыр.

Luka 21:24

И ёнэ пэрэ́на куртала́тыр и вари-савэ́н лэ́ндыр лыджа́на дро пле́но кэ яви́р на́цыи; и На́юды явэ́на тэ штакирэн Ерусалимо, пака ёнэ явэ́на тэ рикирэ́н зор.

Luka 19:43

пал-дова́ со явэ́на дывэса́ пэ ту́тэ, со тырэ́ вэ́рги ґаздэ́на барикады трусця́л ту́тэ и облэна тут сарэ́ ригэ́ндыр; и стасавэна тут сарэ́ ригэ́ндыр,

Mihiejo 3:12

Пал тумэ́ндэ палдава́ Сио́но явэ́ла пхарадо сыр фэ́лда, и Ерусалимо́стыр ячэ́лапэ бэ́ргица руи́ны, а бэ́рга тэл Кхэрэ́скиро фунда́менто ячэ́лапэ сыр бэ́ргица дро вэш.

Mihiejo 2:13

Анги́л лэ́ндэ халадо пхагирэ́ла ва́нты (сцяны): и ёнэ пхагирэна дова́, со сыс пэ дром лэ́ндэ, и ёнэ доджана кэ по́рта и джа́на пэ́скэ дурэды́р. Лэ́нгиро кра́ли явэ́ла тэ джал анги́л лэ́ндэ, и Рай Дэвэ́л явэ́ла анги́л лэ́ндэ.

Ереме́ё 52:7

Тэды форо́скири ва́нта пхагирдэ́ андрэ́: и сарэ́ марибнаскирэ мурша́ нашнэ́, и раты́ гинэ́ криг форо́стыр, пашэ́ по́рта машки́р дуй ва́нты, со сыс пашы́л дрэ крали́скири у́нта, на дыкхи́ пэ дова́, со Халде́и сыс трусця́л пашы́л фо́ро. И Юды гинэ́ дромэ́са пир мал (степ).

Ереме́ё 39:8

И э Халде́и хачкирдэ́ крали́скиро кхэр и кхэра́ манушэ́нгирэ яга́са, и ёнэ пхагирдэ́ ва́нты тэлэ́ Ерусалимо́скирэ.

Ереме́ё 39:4

И сыс адя́кэ: ке́ли о Сэдэки́я, кра́ли Юдэя́киро, и яви́р мурша́ халадэ́нгирэ (марибны́тка) дыкхнэ́ лэн, тэды ёнэ лынэ́ тэ нашэ́н, и ёнэ гинэ́ яври́ форо́стыр раты́, крали́скирэ унтаса (садоса) пирда́л по́рта машкира́л дуй ва́нты. И ёнэ гинэ́ дромэ́са пир до́ло Ёрданоскиро.

Isajos 34:11

Чирикля́ одо́й явэ́на тэ дживэ́н хуланца, филино и корако явэ́на тэ дживэ́н пэ доя́ пхув и протырдэна пир ла́тэ хасибнаскиро шыло и хасякирибнытко отвесо (уровнё).

Isajos 32:14

Райканэ кхэра́ (харомы) ячкирэна, фо́ро, саво́ шуминэла, ёв чхурдыно́ явэ́ла. Офело и вучарды́ (башня) явэ́на штэтоса, кай гаравэнапэ ослы (мега́рья) и ста́ды, савэ́ чаравэнапэ.

Isajos 27:10

Пал-дова́ со зорало́ фо́ро чхучо́ явэ́ла, кхэра́ явэ́на чхурдынэ́, сыр чхучи́ пхув. Одо́й гуруворо явэ́ла тэ чаравэлпэ, одо́й ёв явэ́ла тэ пасёл и тэ хал лэ́скирэ рандя́.

Isajos 25:2

Ту роспхагирдян зоралы́ тва́рдыма сарэ́са, райкано кхэр (харомо), саво́ кэрдэ́ мануша́, буты́р нанэ дро фо́ро, буты́р николи лэс на ґаздэ́на.

Isajos 24:12

Чхучо́ исын фо́ро и по́рты исын роспхадинэ.

Isajos 23:1

Ангилпхэныбэ́н пал Ти́ро. – Ровэ́н, па́рмы (корабли) Фарсисостыр, пал-дова́, со ёв исын роспхагирдо; нанэ кхэра́, нико́н дрэ кхэра́ на заджа́ла. Адя́кэ пхэндло́ лэ́нгэ Китимоскирэ пхувья́тыр.

4 Kralip 25:4

И лыно́ сыс фо́ро, и праста́ндынэ сарэ́ халадэ́ раты́ пир дром кэ по́рта, машки́р дуй ва́нты, со сыс пашы́л крали́скири у́нта (садо); Халде́и сыс тэрдэ́ трусця́л фо́ро, и кра́ли гия́ дромэ́са, кэ лошчы́на (равнина).

Džiibén 11:9

Палдава́ лэ́скэ дыно́ лав Вавило́но, одо́й Рай Дэвэ́л пирипэнтындя пир сари́ пхув ракирибэ́н, и одотхы́р лэн Рай Дэвэ́л росчхудя́ тэ дживэ́н пир сари́ пхув.

Isajos 32:19

На дыкхи́, со градо пэрэ́ла пэ вэш, фо́ро пэ до́ло тэлэ́ змэкэлапэ.

Isajos 26:5

Ёв чхудя́ тэлэ́ одолэ́н, кон пэ вучо́ штэ́то дживэ́ла, чхурдыя́ тэлэ́ фо́ро, саво́ вучэ́с тэрдёлас, чхурдыя́ тэлэ́ пэ пхув, чхурдыя́ дро пра́хо.