Isajos 24:1 - Библия - Пэ Балтитко Романи чиб (Романэс) 2019

¹ Акэ, Рай Дэвэ́л хасякирэ́ла пхув кэ чхучипэн (пусто), кэрэ́ла адя́кэ, соб (кай) тэ на янэл ёй барьякирдо́ (пло́до), и пирипарувэла, роспхурдэла кодолэ́н, кон дживэ́ла пэ ла́тэ.

Biblija - Pe Baltitko Romani čib (Romanes) 2019

¹ Ake, Raj Devél xasiakiréla phuv ke čhučipen (pusto), keréla adiáke, sob (kaj) te na janel joj barjakirdó (plódo), i piriparuvela, rosphurdela kodolén, kon dživéla pe láte.

Isajos 24:1 Referans Kwoze

Naumo 2:10

Ла́тыр яця́ чхучо́ штэ́то и хасякирдо штэ́то; ило́ биладёла и чанга́ издрана; зоралы́ дукх исын дро кажно пашваро, и муя́ сарэ́ндэ калынэ.

Isajos 2:19

И ґаздэ́напэ мануша́, дрэ ґебара́ (пешчэры) машкира́л скалы тэ гаравэнпэ Ра́скирэ-Дэвлэ́скирэ дара́тыр и Лэ́скирэ шардэ барипнастыр, ко́ли ґаздэ́лапэ Ёв тэ хасякирэ́л пхув.

Isajos 42:15

Шутькирава Мэ бэ́рги и бэ́ргицы, вышутькирава сари́ чар, со барьёла пэ лэ́ндэ; вышутькирава рэ́ки (лэня́) и ґанынга́.

Isajos 24:20

Кунинэлапэ (качынэлапэ) пхув, сыр мато ману́ш, кунинэлапэ и грэ́хо ла́киро пэ ла́тэ: ёй пэрэ́ла и буты́р на уштэ́ла.

Езэкилё 35:14

Адя́кэ ракирэ́ла Рай Дэвэ́л, Дэвэ́л: “Ко́ли сари́ пхув явэ́ла тэ радынэ́лпэ, Мэ кэра́ва ту́тыр чхучи́ пхув.

Езэкилё 12:20

Тэ́ньци роспхагирэна фо́рья, и пхув явэ́ла чхучи́, и ёнэ ґалёна, со Мэ сом Рай Дэвэ́л, Дэвэ́л”

Luka 21:24

И ёнэ пэрэ́на куртала́тыр и вари-савэ́н лэ́ндыр лыджа́на дро пле́но кэ яви́р на́цыи; и На́юды явэ́на тэ штакирэн Ерусалимо, пака ёнэ явэ́на тэ рикирэ́н зор.

Езэкилё 6:6

Дрэ сарэ́ штэ́ты, кай тумэ́ дживэ́на, фо́рья явэ́на чхучэ́, вучэ́ штэ́ты явэ́на роспхагирдэ́ ваш дова́, соб (кай) тэ авэн чхучэ́ и роспхагирдэ́ тумарэ́ алта́ри, соб (кай) тэ явэ́н зачхурдынэ тумарэ́ и́долы, соб (кай) тэ явэ́н роспхагирдэ́ сты́лбы кхамэскэ, соб (кай) тэ явэ́н бистырдэ тумарэ́ бутя́.

Езэкилё 5:14

И мэ кэра́ва адя́кэ, со ту явэ́са чхучи́ пхув и ладж, обракирибнаса машки́р народы, савэ́ исын пашы́л ту́тэ, анги́л якха́ кажнонэскирэ, кон явэ́ла тэ проджал пашы́л.

Езэкилё 5:2

Три́то часть (частыр) хачкир яга́са машки́р фо́ро, сыр пхэрдякирэнапэ дывэса́, сыр вэ́рги облынэ трусця́л (ротаса) фо́ро, три́то частыр лэ и почингир куртала́са пашы́л фо́ро, и росчхурдэ три́то частыр пир балва́л. А Мэ вытырдава курта́ла пал лэ́ндэ.

Ереме́ё 9:16

И Мэ росчхувава лэн тэ дживэ́н машки́р Наюдэ́ндэ, конэ́с на джиндлэ́ ни ёнэ, ни лэ́нгирэ дада́. И Мэ бичхава́ва курта́ла пал лэ́ндэ, анги́л дова́, сыр Мэ сарэ́са хасякира́ва лэн.’

Isajos 33:9

Пхув сы́рбы тугинэла, шутёла. Лива́но ладжакирдо́, зашутия, Сароно яця́ сыр чхучи́ пхув, Васа́но и Кармило счхурдынэ пэ́скирэ патря (листы).

Isajos 29:16

Саво́ дылныпэ́н! Ци прилэ́на бутярис пир ґлэя (глина) пал лэ́скири буты́ ґлэятыр? Ци пхэнэ́ла создыно́ предмето пал Кодолэстэ, Кон лэс создыя́: “На Ёв создыя́ ман”, – ци пхэнэ́ла пал пэ́скирэ хуластэ: “Ёв на ґалёла?”

Isajos 27:10

Пал-дова́ со зорало́ фо́ро чхучо́ явэ́ла, кхэра́ явэ́на чхурдынэ́, сыр чхучи́ пхув. Одо́й гуруворо явэ́ла тэ чаравэлпэ, одо́й ёв явэ́ла тэ пасёл и тэ хал лэ́скирэ рандя́.

Isajos 5:6

Дасавэса Мэ лэс ячкирава: на явэ́на тэ обчхинэн лэс, на явэ́на тэ обґанавэн лэс, забарьёла ёв налачхэ́ чарьяса, Мэ припхэнава болыбнаскэ, соб (кай) ёв тэ на дэл брышы́нд лэ́скэ.”

Psalmy 146:9

Рай Дэвэ́л ракхэ́ла чужонэ́ манушэ́н; Ёв лэ́ла криг пхарипэ́н пиротэ́ндыр (сиротэндыр) и пивле́ндыр (удовэндыр), нэ Ёв бандякирэла дром фуе́ манушэ́нгэ.

Ниеми́я 1:8

Нэ ри́пир лав, саво́ Ту дыя́н дро припхэныбэ́н Мойза́скэ, Тырэ́ писхари́скэ, ракири́: “Ко́ли тумэ́ тэ кэрэнпэ прахарьенца, то Мэ росчхурдава тэ дживэ́н тумэн пир манушэ́ндэ;

4 Kralip 21:13

И протырдава Мэ пэ Ерусалимо шэло тэ меринэн Самариятыр и отвесо Ахавоскирэ кхэрэ́стыр, и выкхосава Ерусалимо адя́кэ, сыр выкхосэна тахта́й, – выкхосэна и пиририскирэна лэс.

Яви́р Зако́но 32:26

Мэ пхэнавас: “Мэ росчхурдава тэ дживэ́н лэн, и лава́ криг (скхосава) машки́р манушэ́ндэ рипирибэ́н пал лэ́ндэ”;

Яви́р Зако́но 28:64

И росчхурдэла тэ дживэ́л тут Рай Дэвэ́л пир сарэ́ манушэ́ндэ, ягоро́стыр (краёстыр) пхувьякирэстыр кэ яви́р яго́ро пхувья́киро, и ту явэ́са одо́й тэ дынаринэс явирэ дэвлорэ́нгэ, савэ́н на джиндян ни ту, ни дада́ тырэ́, каштэскэ и барэнгэ.

Яви́р Зако́но 4:27

и росчхурдэла тумэн Рай Дэвэ́л пир сарэ́ манушэ́ндэ тэ дживэ́н, и ячэ́напэ пэ на́бут машкира́л манушэ́ндэ, кэ савэ́ залыджала тумэн Рай Дэвэ́л.

Езэкилё 24:11

А ке́ли пири́ (кака́ви) явэ́ла чхучи́, то чхув ла пэ вангара, соб (кай) ёй тэ ростатькирэлпэ, соб (кай) тэ ростатькирэлпэ лэ́скири харко́ма, савья́тыр исын кэрды пири́, соб (кай) тэ розбилавэлпэ саро́ пирьякиро нажужыпэн, соб (кай) тэ на явэ́л дрэ пири́ обхачкирдэ штэ́ты.

Ереме́ё 40:15

Тэды о Иоханано, чхаво́ Кареёскиро, пхэндя́ чораханэ́с Годолияскэ дрэ Маси́фа, ракири́: “Мэ манга́ва тут тэ отмэкэс ман тэ джав тэ мулякирав Исмаилос, чхавэ́с Нафанияскирэс, и ние́кх (нико́н) на явэ́ла тэ джинэ́л дава́. Со́скэ тэ дэс во́ля лэ́скэ тэ мулякирэ́л тут, соб (кай) сарэ́ Юды, савэ́ кэдынэпэ кэ ту, тэ рознашэнпэ, и соб (кай) тэ хасёл дава́ отячыбэн Юда́скирэ манушэ́ндыр?”

Jakov 1:1

Яково, саво́ исын Дэвлэ́скиро и Ра́скирэ-Дэвлэ́скиро, Исусо́скирэ Христосо́скиро писха́ри (рабо), бичхавэ́ла миро (рама́нё) Юдэ́нгирэ дэшудуе́ родэ́нгэ, савэ́ исын росчхурдынэ пир свэ́то машкира́л Наюдэ́ндэ.

Apostolengiri Butý 17:6

а ке́ли одо́й ёнэ на латхнэ́ Павли́с Силаса, тэды лыджинэ́ зорья́са Ясонос и явирэ пшалэ́н кэ форитка барыдыра́, дыи го́дла: “Кадалэ́ мануша́ кэрэ́на бизладо пир саро́ свэ́то, а какана́ явнэ́ и адари́к;

Ереме́ё 50:17

‘Мануша́ Израилёскирэ исын сы́рбы бакрэ́, савэ́ росчхурдынэ, кай якха́ дыкхэ́на, шчэра́ (левы) рострадынэ лэн криг: англэды́р кра́ли Асирия́киро похая лэн, и акана́, палатуно́ (после́днё) кадава́ Навуходоносо́ро, кра́ли Вавилоно́скиро, пхагирдя́ лэ́нгирэ кокалы́.’

Ереме́ё 4:7

Шчэр (ле́во) выджа́ла пэ́скирэ хашчатыр и хасякирибнаскиро пэ Наюдытконэ́ манушэ́ндэ: ёв джа́ла пэ́скирэ, штэто́стыр тэ чхучакирэл Юдэякири пхув, соб (кай) фо́рья дрэ Юдэ́я тэ явэ́н чхучэ́, би манушэ́нгиро.

Isajos 13:5

Ёнэ джа́на дуратунэ́ рига́тыр, болыбна́скирэ ягоро́стыр (краёстыр) Рай Дэвэ́л и струме́нты Лэ́скирэ холя́тыр, соб (кай) тэ хасякирэ́н сари́ пхув.

Isajos 13:13

Ваш дава́ Мэ чилавава болыбэ́н, и пхув зджа́ла пэ́скирэ штэто́стыр, ко́ли холясо́ла Рай Дэвэ́л, болыбна́скирэ-янголэ́нгиро, дро дывэ́с, ко́ли захачола Лэ́скири холы́.

Isajos 24:19

Пхув издрала, пхув роспэрэлапэ, пхув издрала барэ́ зорья́са.

Isajos 30:32

И пэкавэла лэс дава́ дэсто́, дэсто́, саво́ Рай Дэвэ́л вылыджала пэ лэ́стэ бубнэнца и арфэнца; и Ёв явэ́ла пэ Лэ́стэ барэ́ марибна́са.

Isajos 34:2

Холы́ Ра́скирэ-Дэвлэ́скири ґаздыя́пэ пэ сарэ́ народы, пэ сарэ́ лэ́нгирэ халадыбэна (халадэ́ндэ). Ёв совлахадя́ пал лэ́ндэ, отдыя́ лэн пэ хасибэ́н.

Isajos 34:10

На пириячэна тэ хачон ни дывэсэ́, ни раты́; ве́чнэс явэ́ла тэ ґаздэлпэ (тэ джал) тхув ла́тыр, явэ́ла пхув чхучэ́ пхувья́са саро́ часо, нико́н одо́й на проджа́ла николи.

Ереме́ё 51:34

“О Навуходоносо́ро, кра́ли Вавилоно́скиро, похая ман, и ёв розлучкирдя ман: ёв кэрдя́ ма́ндыр, Юдастыр дрэ Вавилоно́скиро пле́но, чхучи́ пири́, ёв накхадя ман сыр трашано сап, ёв пхэрдякирдя́ пэ́скиро пэр мирэ́ бонбонэнца (гудлыпнэнца), ёв чунгардыя ман яври́.

Naumo 1:5

Бэ́рги издрана анги́л Лэ́стэ, и бэ́ргицы биладёна; пхув кунинэлапэ анги́л Лэ́скиро явибэн [муй-р.с.]; свэ́то, и саро́, со дживэ́ла пэ свэ́то.

Isajos 29:2

Нэ Мэ тасавава Ариило, явэ́на тэ годлэн, явэ́на тэ ровэ́н, и ёв ячэ́лапэ Ма́ндэ, сыр Ариило.

Isajos 32:12

Дро колы́н явэ́на пэс тэ марэ́н пал лачхэ́ фэ́лды, пал лачхи́ рандь винаградоскири.

Езэкилё 6:14

И протырдава Мэ кэ ёнэ Миро васт, и кэра́ва адя́кэ, со пхув ячэ́ла чхучи́, чхучэдыр штэто́стыр, кай чхучэ́ пхувья́ Дивлаф кэ сарэ́ штэ́ты, кай ёнэ дживэ́на. И тэ́ньчи ёнэ ґалёна, со Мэ сом Рай Дэвэ́л, Дэвэ́л.”

Езэкилё 7:12

Явдя́ часо, подги́я дывэ́с. Кон киндя – на ра́дынпэ, кон бикиндя – на ров, пал-дова́ со холямипэн Дэвлэ́скиро исын пэ лэ́ндэ сарэ́ндэ.

Езэкилё 7:14

Забашавэна дро ро́го (труба), саро́ кэдэлапэ, соб (кай) тэ джал пэ марибэ́н, нэ нико́н на явэ́ла пэ марибэ́н, пал-дова́ со Миро холямипэн исын пэ саро́ лэ́нгиро бутыпэн.