Isajos 23:9 - Библия - Пэ Балтитко Романи чиб (Романэс) 2019

⁹ Рай Дэвэ́л, болыбна́скирэ-янголэ́нгиро, припхэндя́ дава́, соб (кай) тэ на пхутёл нисаво́ барипэ́н, соб (кай) тэ ладжан сарэ́, кон прилэ́ла паты́в пэ пхув.

Biblija - Pe Baltitko Romani čib (Romanes) 2019

⁹ Raj Devél, bolybnáskire-jangoléngiro, priphendiá davá, sob (kaj) te na phutjol nisavó baripén, sob (kaj) te ladžan saré, kon priléla patýv pe phuv.

Isajos 23:9 Referans Kwoze

Jakov 4:6

Нэ Дэвэ́л дэ́ла барэды́р бахтякирибэ́н. Пал-дова́ со и исын пхэндло́: “Дэвлэ́скэ исын на дро́га пхутькирдэ́, а Ёв бахтякирэ́ла напхутькирдэ манушэ́н.”

Isajos 13:11

Мэ отхава (отда́ва) палэ свэтоскэ пал налачхэ́ рэ́нды, а грэхитконэ́ манушэ́нгэ – пал лэ́нгирэ грэ́хи; Мэ хасякира́ва пхутькирибэ́н кодолэнгиро, кон древа́н задэлапэ, Мэ хасякира́ва пхутькирибэ́н кодолэнгиро, кон притасавэла чорорэн.

Isajos 2:11

Проджа́ла манушэ́скиро пхутькирибэ́н, пэрэ́ла манушэ́нгиро вучипэ́н, екх Рай Дэвэ́л явэ́ла вучо́ дро дова́ дывэ́с.

Эфесянэнгэ 3:11

адя́кэ, сыр Дэвэ́л задуминдя англэды́р свэто́скирэ создыибнастыр, саво́ Ёв создыя́ дрэ Исусо́стэ Христосо́стэ, амарэ́ Растэ-Дэвлэ́стэ,

Эфесянэнгэ 1:11

пир екхипэ́н Лэ́са и амэ яця́м Дэвлэ́скирэ манушэ́нца пир Лэ́скири мысля, ке́ли Ёв выкэдыя́ амэн и Саво́ кэрэ́ла саро́ дро свэ́то пир Пэ́скири во́ля самонэ англыпна́стыр,

Apostolengiri Butý 4:28

Соб (кай) тэ сполнинэл дова́, тэ явэ́л пир Тыро́ васт и во́ля.

Малахия 4:1

Пал-дова́ со, акэ, сыг явэ́ла дывэ́с, саво́ явэ́ла тэ хачкирэл саро́ сы́рбы бов, и сарэ́ пхутькирдэ́ и начачунэ (злыдня) мануша́ явэ́на сыр чхучо́ пхус; и дава́ дывэ́с, со явэ́ла, похачкирэла лэн адя́кэ, – ракирэ́ла янголэ́нгирэ-болыбна́скиро Рай Дэвэ́л, – “Со на ячэ́лапэ ни рукх (корнё), ни рандь (вэтка).

Ереме́ё 51:62

и пхэн одо́й: ‘О Раё Дэ́вла! Ту пхэндя́н сарэ́ далэ́ лава́ проти дава́ штэ́то, со Ту хасякирэса лэс адя́кэ, со нико́н на явэ́ла тэ дживэ́л пэ дава́ штэ́то, ни ману́ш, ни мурда́л, нэ ёв ячэ́лапэ чхучо́ пэ сарэ́ вки.’

Isajos 14:27

Палдова́, со Рай Дэвэ́л, болыбна́скирэ-янголэ́нгиро припхэндя́, и кон сашты́ (могинэ́ла) тэ отпарувэл дава́? Лэ́скиро васт исын протырдыно, тэ кон лэс отрискирэла.”

Isajos 14:24

Совлахала Рай Дэвэ́л, болыбна́скирэ-янголэ́нгиро: “Сыр Мэ подуминдём, адя́кэ явэ́ла, сыр Мэ пхэндём, адя́кэ кэрэ́лапэ.

Isajos 10:33

Акэ, Рай Дэвэ́л, Рай Дэвэ́л, болыбна́скиро-янголэ́нгиро, счхинэла даранэ зорья́са вэ́тки каштэндыр, пхутькирдэ́ явэ́на чингирдэ, вучэ́ пэрэ́на пэ пхув.

Isajos 9:15

Пхуро́ и барвало́ – дава́ исын шэро́, а проро́ко – хохаибнари – дава́ исын пори.

Isajos 5:13

Пал саро́ дава́ джа́ла миро народо дро пле́но, ко́ли нико́н лэ́стыр дава́ на ужакирэлас; лэ́скирэ раё явэ́на бокхалэ́, лэ́скирэ барвалэ́ закамэна тэ пьен (явэ́на трушалэ).

Isajos 2:17

Пэрэ́ла манушэ́скиро пхутькирибэ́н, пэрэ́ла манушэ́нгиро вучипэ́н, екх Рай Дэвэ́л явэ́ла вучо́ дрэ дова́ дывэ́с.

Psalmy 107:40

тэды Рай Дэвэ́л чхудя́ ладж пэ барэ́ рандэ Наюдытконэ́ нацые́ндыр и кэрдя́ адя́кэ, со ёнэ гинэ́ тэ псирэ́н одори́к, палэ пэ чхучи́ пхув, кай нанэ дром.

Ióvo 12:21

Ёв вычхувэла накутякирибэн пэ тхагарье́ндэ и Ёв розвастакирэла зоралыпнаскирэн;

Isajos 14:26

Дасаво исын припхэныбэ́н пал сари́ пхув, акэ, исын васт, протырдыно кэ сарэ́ народы.

Isajos 23:10

Псир пир тыри́ пхув, чхай Фарсисоскири, псир, сыр рэка (лэнь): нико́н буты́р пэ тыро́ дром на тэрдёла.

Isajos 32:13

Пэ мирэ́-народоскири пхув явэ́ла тэ барьёл пхусады чар и хру́сты сувьенца, сыр и пэ сарэ́ радымакирэ кхэра́ дро фо́ро, саво́ радынэ́лапэ.

Ереме́ё 13:9

“Адя́кэ пхэндя́ Рай Дэвэ́л: ‘Пир дова́ Мэ хасякира́ва Юдэя́киро пхутькирибэ́н, и адя́кэ-паць Ерусалимоскиро зорало́ (баро́) пхутькирибэ́н.

Авдиёс 1:2

Акэ, Мэ кэрдём адя́кэ, со ту яця́н тыкно́ ро́до машки́р на́цыи; ту явэ́са дрэ бари напатыв.

Vygiiben 8:4

и пэ ту́тэ, и пэ тырэ́ манушэ́ндэ, и пэ сарэ́ тырэ́ дынарьендэ джа́на упрэ́ жамбы.’”

Isajos 2:12

Пал-дова́ со джа́ла дывэ́с Ра́скирэ-Дэвлэ́скиро, болыбна́скирэ-янголэ́нгиро пэ саро́ пхутькирдо и пэ саро́ ґаздыно́, саро́ ґаздыно́, саро́ дава́ явэ́ла ладжакирдо́.