Isajos 23:4 - Библия - Пэ Балтитко Романи чиб (Романэс) 2019

⁴ Ладжа, Сидоно, пал-дова́ со адя́кэ ракирэ́ла мо́рё (дэрья́в), зоралыпэ́н морёскиро (дэрьявэ́скиро): “Сы́рбы мэ на мэнчынаваспэ, ко́ли мэ и на биянавас, и на барьякиравас чхавэ́н и чхае́н, и мэ на давас палэ патывалэ́ джувле́н.”

Biblija - Pe Baltitko Romani čib (Romanes) 2019

⁴ Ladža, Sidono, pal-dová so adiáke rakiréla mórjo (derjáv), zoralypén morjoskiro (derjavéskiro): “Sýrby me na menčynavaspe, kóli me i na bijanavas, i na barjakiravas čhavén i čhajén, i me na davas pale patyvalé džuvlién.”

Isajos 23:4 Referans Kwoze

Sykadyipén 18:23

Буты́р на явэ́ла тэ зяинэл момолытконэскиро (лампакиро) дуд дрэ ту́тэ, и буты́р на явэ́на шундлэ́ тэрнэ́скирэ и тэрня́кирэ заня́ дрэ ту́тэ. Тырэ́ ку́пцы (тылга́рья) сыс най барэды́р пэ пхув, пал-дова́ со тырэ́ човаханыпнаса ёнэ хохавэнас сарэ́ манушы́тка на́цыи (народы).”

Džiibén 10:19

и сыс ме́жа, кай дживдэ́ Ханане́и Сидоностыр проти Гераро кэ Газа, адатхы́р кэ Содо́мо, Гомо́ра, Адма и Цевоимо, кэ Лаша.

Džiibén 10:15

Ханааностыр бия́ндынэ: Сидоно, лэ́скиро англатуно́ чхаво́, и Хе́то,

Isúso 11:8

И отдыя́ лэн Рай Дэвэ́л Израильтянэнгэ дрэ васта́, и домардэ́ ёнэ лэн, и традынэ лэн кэ баро́ Сидоно, и кэ Мисрефоф-Маима, и кэ до́ло Мицфа кэ васто́ко, и пиримардэ лэн адя́кэ, со никонэ́с лэ́ндыр на яця́пэ, кон бы тэ явэ́л джидо́.

Сэндарьенгири Лылвари́ 10:6

Израилёскирэ чхавэ́ дурэды́р кэрдэ́ фуипэ́н анги́л Ра́скирэ-Дэвлэ́скирэ якха́ и дынариндлэ́ Ваалэнгэ и Астартэнгэ, и Арамейсконэ дэвлорэ́нгэ, и Сидонсконэ дэвлорэ́нгэ, и Моавитсконэ дэвлорэ́нгэ, и Амонитсконэ дэвлорэ́нгэ, и Филистимсконэ дэвлорэ́нгэ; и ячкирдэ́ Рас-Дэвлэ́с и на дынариндлэ́ Лэ́скэ.

Ереме́ё 25:22

и сарэ́ кралье́н пир Ти́ро и сарэ́ кралье́н пир Сидоно, и сарэ́ кра́лья пир островы, савэ́ исын пал панинга́ морёскирэ (дэрьявэ́скирэ).

Ереме́ё 27:3

и бичха́в лэн Идумеякирэ (Эдомоскирэ) крали́скэ, Моавоскирэ крали́скэ, Амонитэнгирэ-чхавэ́нгирэ крали́скэ, Тироскирэ крали́скэ, Сидоноскирэ крали́скэ бичхаибнаскирэнгирэ вастэ́са, савэ́ явэ́на кэ Ерусалимо, кэ кра́ли Сэдэки́я пир Юдэ́я.

Езэкилё 28:21

“Манушэ́скиро чхава! Рисёв тырэ́ мо́са кэ Сидоно, ра́кир пэ лэ́стэ ангилпхэныбэ́н,

Езэкилё 28:22

Пхэн: ‘Акэ, Мэ выджава пэ ту́тэ, Сидоно, тэ прославинавапэ машки́р ту́тэ, и ґалёна, со Мэ сом Рай Дэвэ́л, Дэвэ́л, ке́ли Мэ ява́ва тэ сэндякирав лэс, и ке́ли Мэ сыкава́ва Пэс пир лэ́стэ, со Мэ сом Свэ́нто.