Isajos 23:13 - Библия - Пэ Балтитко Романи чиб (Романэс) 2019

¹³ Акэ, исын пхув Халдеенгири. На сыс англэды́р дава́ народо; Асуро кэрдя́ лэс манушэ́ндыр, савэ́ дживэ́нас пэ шуки́ пхув. Ёнэ чхувэ́на пэ́скирэ вучардя (башни), роспхагирэна лэ́скирэ райканэ кхэра́, пхагирэна лэн сарэ́са.

Biblija - Pe Baltitko Romani čib (Romanes) 2019

¹³ Ake, isyn phuv Xaldiejengiri. Na sys angledýr davá narodo; Asuro kerdiá les manušéndyr, savé dživénas pe šukí phuv. Jone čhuvéna péskire vučardia (bašni), rosphagirena léskire rajkane kherá, phagirena len sarésa.

Isajos 23:13 Referans Kwoze

Apostolengiri Butý 7:4

Тэды Авраа́мо мэкця́ Халдеенгири пхув и пиритрадыя дро Харано; коригэды́р, сыр лэ́скиро дад мыя́, Дэвэ́л пирикхардя лэс пэ дая́ пхув, пэ сави́ тумэ́ какана́ дживэ́на.

Avakumo 1:6

Пал-дова́ со Мэ, акэ, ґазда́ва Халдеен, кирки и сы́гно нацыя, сави́ кхарэ́лапэ (двигинэлапэ) пир пхувья́киро буґлыпэ́н, соб (кай) тэ заухтылэн джиибна́скирэ штэ́ты, савэ́ исын на лэ́нгирэ.

Дание́лё 4:30

[33] Пэ штэ́то кэрдя́пэ дава́ лав пэ Навуходоносоростэ, и ёв сыс традыно криг манушэ́ндыр, хая чар, сыр гурув, мордэ сыс лэ́скиро маса́ э болыбнытконэ пахлыняса (росаса) адя́кэ, со выбаринэ лэ́скирэ бала́ сыр пора кидостэ (орлостэ), и ная сыс сыр чириклэскирэ ная (когци).

Езэкилё 29:18

“Манушэ́скиро чхава! Навуходоносо́ро, Вавилоно́скиро кра́ли, кхинякирдя пэ́скирэ халадэ́н барэ́ бутяса пашо Ти́ро; пэ сарэ́ шэрэ́ выпынэ бала́, сарэ́ псикэ́ исын скхоснэ, а ни лэ́скэ, ни лэ́нгирэ халадэнгэ нанэ ловэ́ Тиростыр пал буты́, сави́ ёв кэрэ́ла.

Isajos 13:19

Вавило́но, шукарипэ́н пир саро́ кралипэ́н, Халдеёскиро пхутькирибэ́н, Дэвэ́л хасякирэ́ла сыр Содо́мо и Гомо́ра.

Isajos 10:7

Нэ ёв на адя́кэ подуминэла, на адя́кэ явэ́ла тэ мыслинэл лэ́скиро ило́ лэ́стэ: ‘Сыр бы тэ обчорэл, тэ замарэ́л бут народы?’

Isajos 10:5

“О, Асуре, дэсто́ Мирэ́ холя́тыр! Чхупны дро лэ́скиро васт исын Мири́ холы́!

Psalmy 72:9

Кодолэ́, савэ́ дживэ́на пэ чхучи́ пхув, явэ́на тэ бандякирэн чанга́ анги́л Лэ́стэ, и Лэ́скирэ вэ́рги явэ́на тэ чарэн пра́хо.

Ióvo 1:17

Ке́ли ёв ишчо (инкэ́) ракирдя́, яви́р бичхадо́ ману́ш явдя́ и пхэндя́: “Э Халде́и кэрдэ́ трин шайки, пынэ́ пэ верблюдэндэ и лынэ́ лэн, и чачо́, – замардэ́ курталакирэ чхиныбнаскирэса дынарье́н, и мэ екхджино́ яцёмпэ джидо́ тэ пхэна́в ту́кэ!”

2 Паралипоменоно 33:11

И палдава́ яндя́ Рай Дэвэ́л пэ лэ́ндэ барыдырэ́н Асирия́кирэ-крали́скирэ халадэндыр; и закуиндлэ ёнэ Манасияс дрэ састыра́, и закуиндлэ лэс зандирье́нца (цэпэнца), и лыджинэ́ лэс дро Вавило́но.

4 Kralip 20:12

Дрэ долэ́ дывеса бичхадя́ Беродахо Баладано, чхаво́ Баладаноскиро, Вавилоно́скиро кра́ли, лыла́ и почастунко Езэкияскэ; пал-дова́ со ёв шундя́, со Езэки́я сыс насвало́.

4 Kralip 17:24

И пирилыджия тэ дживэ́н кра́ли Асирия́кирэ манушэ́н Вавилоно́стыр, и Кутатыр, и Аватыр, и Емафатыр, и Сепарваиматыр, и обчхудя́ тэ дживэ́н лэн дрэ Самариякирэ фо́рья пэ штэ́то Израилёскирэ чхавэ́нгиро. И ёнэ заухтылдэ Сама́рия, и лынэ́ тэ дживэ́н дрэ ла́кирэ фо́рья.

Džiibén 11:31

И лыя́ Фара Аврамос, пэ́скирэ чхавэ́с, и Лотос, Араноскирэ чхавэ́с, пэ́скирэ унукос, и Сара, пэскирья́ борья, пэ́скирэ-чхавэ́скирэ Аврамоскирэ ромня́, и гия́ криг лэ́нца Уростыр Халдеенгиростыр, соб (кай) тэ джа́н пэ Ханаано́скири пхув; ке́ли догинэ́ ёнэ кэ Харано, ёнэ тэрдинэ́ одо́й.

Džiibén 11:28

И Гарано мыя́ анги́л пэ́скирэ дадэ́стэ Фарастэ, пэ пхув, пэ сави́ ёв бия́ндыя, Ўро Халдее́нгиро.

Džiibén 11:9

Палдава́ лэ́скэ дыно́ лав Вавило́но, одо́й Рай Дэвэ́л пирипэнтындя пир сари́ пхув ракирибэ́н, и одотхы́р лэн Рай Дэвэ́л росчхудя́ тэ дживэ́н пир сари́ пхув.

Džiibén 2:14

Тритона рэка (лэнь) кхардэ́ Хидэке́лё (Тигро); ёй тхадэ́ла анги́л Асирия. Шта́рто рэка (лэнь) исын Евфрато.

Isajos 13:21

Нэ явэ́на тэ дживэ́н одо́й рискирибна́скирэ мурдала́ (звери) чхучэ́ пхувья́тыр; кхэра́ явэ́на пхэрдэ́ чирикленца; чирикля́ и мурдала́ явэ́на тэ ухтэн одо́й.

Isajos 18:6

И ячкирэна саро́ дава́ чирикленгэ пэ бэ́рги и фэлдытконэ мурдалэ́нгэ (зверенгэ), чирикля́ явэ́на тэ дживэ́н одо́й лынаскиро, а сарэ́ фэлды́тка мурдала́ (звери) явэ́на тэ дживэ́н одо́й ивантакиро (зимакиро).

Isajos 43:14

Адя́кэ ракирэ́ла Рай Дэвэ́л, Саво́ выкиндя (выракхця) тумэн, Свэ́нто Израилёскиро: “Ваш тумэ́нгэ Мэ бичхадём кэ Вавило́но, роспхагирдём саро́, со сыс закэрдо и Халдеен, савэ́ сыс пхутькирдэ́ пэ́скирэ пармэнца (корабленца).

Езэкилё 23:23

Вавилоно́скирэ тэрнэ́ муршэ́н и сарэ́н Халдеен: Пеходостыр, Шоатыр и Коатыр, а лэ́нца – сарэ́ Асуроскирэ манушэ́н, гожонэ тэрнэ́ муршэ́н, округакирэ барыдырэ́н, тхэмэ́скирэ барыдырэ́н, ран халадэнгирэн, барвалэ́ манушэ́н и славутнонэ, сарэ́н, кон кучэс традэлас уклисто (уклистэ́).