Isajos 23:11 - Библия - Пэ Балтитко Романи чиб (Романэс) 2019

¹¹ Ёв протырдыя́ Пэ́скиро васт пэ мо́рё (дэрья́в), Ёв пиритринскирдя кралипэна́; Рай Дэвэ́л припхэндя́ пал Ханаано, соб (кай) тэ роспхагирэн лэ́скирэ тва́рдыми (крепости).

Biblija - Pe Baltitko Romani čib (Romanes) 2019

¹¹ Jov protyrdyjá Péskiro vast pe mórjo (derjáv), Jov piritrinskirdia kralipená; Raj Devél priphendiá pal Xanaano, sob (kaj) te rosphagiren léskire tvárdymi (krieposti).

Isajos 23:11 Referans Kwoze

Vygiiben 14:21

И чхудя́ Мо́йза пэ́скиро васт пэ мо́рё (дэрья́в), и традыя́ Рай Дэвэ́л мо́рё (дэрья́в) зоралэ́ васточнонэ балваляса сари́ рат, и кэрдя́пэ мо́рё (дэрья́в) шукэ́ пхувья́са, и отгинэ́ паня́.

Joannostir 2:16

И пхэндя́ Ису́со манушэ́нгэ, савэ́ бикнэнас голумбэн: “Закэдэн лэн адатхы́р! На кэрэ́н тарго Мирэ́-Дадэ́скирэ Кхэрэ́стыр.”

Marko 11:17

и Ёв сыклякирдя́ и пхэндя́ лэ́нгэ: “Сарэ́ манушэ явэ́на тэ кхарэ́н Миро кхэр ‘Мангипнытко кхэр’ ваш сарэ́ на́цыи, сыр исын чхиндло́?’ А тумэ́ кэрдэ́ лэ́стыр розмарибнарьенгири кирчыма.”

Заха́рия 14:21

И сарэ́ пирья (какавья) дро Ерусалимо и дрэ Юдэ́я явэ́на сыр свэнтыма Ра́скирэ-Дэвлэ́скири. И сарэ́, кон явэ́ла тэ янэл свэ́нто дыибэ́н, лэ́на лэн и кэравэна дрэ лэ́ндэ. И на явэ́ла буты́р ни екх Хананеё дро Кхэр Ра́скирэ-Дэвлэ́скиро , янголэ́нгиро-болыбна́скиро дро дова́ дывэ́с.

Agiejo 2:7

и Мэ тринскирава сарэ́ манушы́тка на́цыи (народы), и явэ́ла Месия и ваш сарэ́, манушы́тка ро́ды, и Мэ пхэрдякирава дава́ Кхэр (Кхангири́) барипнаса,’ – ракирэ́ла янголэ́нгирэ-болыбна́скиро, Рай Дэвэ́л.

Naumo 1:14

О Рай Дэвэ́л дыя́ припхэныбэ́н пал ту́тэ, Асуро: “Буты́р на явэ́ла ро́до тырэ́ лавэ́са; Мэ хасякира́ва вычхиндлэ́ муя́ кхэрэ́стыр, кай исын тырэ́ дэвлорэ́, и тырэ́ вычхудэ́ муя́. Мэ ґанавава ту́кэ маґила (кула), пал-дова́ со ту сан бэдо?’

Езэкилё 31:16

Шумибнаса лэ́скирэ пэрибнастыр Мэ дыём дар народэнгэ, ко́ли отлыджиём лэс пэ дова́ свэ́то, кэ мануша́, савэ́ мынэ́, и радынэнаспэ пэ дова́ свэ́то сарэ́ Эдэмоскирэ кашта́, сарэ́ лачхэ́ Ливаноскирэ, сарэ́, кон пьела пани́.

Езэкилё 26:10

Лэ́скирэ-грэнгирэ бутыпнастыр ту учхакирэсапэ прахоса, ке́ли зашуминэна лэ́скирэ мануша́, савэ́ традэ́на уклистэ́, ротэндыр и марибнытконэ́ вурдэнэндыр, то лэ́на тэ издран тырэ́ ва́нты, сыр ёв заджа́ла дрэ тырэ́ по́рты (вра́ты), сы́рбы заджа́на мануша́ дро розмардо фо́ро.

Ереме́ё 47:7

Нэ сыр ёй могинэ́ла тэ пириячэл (откхинёл)? – Ко́ли Рай Дэвэ́л припхэндя́ проти Аскалоно и проти брэ́го морёскиро (дэрьявэ́скиро)? Одо́й Ёв припхэндя́ курталакэ тэ чингирэл.”

Isajos 25:2

Ту роспхагирдян зоралы́ тва́рдыма сарэ́са, райкано кхэр (харомо), саво́ кэрдэ́ мануша́, буты́р нанэ дро фо́ро, буты́р николи лэс на ґаздэ́на.

Isajos 23:3

Пир баро́ пани́ янэ́нас лэ́скэ зя́рки (семяны) Сихороскирэ, умалото (урожаё) барэ́ рэка́тыр (лэня́тыр), сыс дая́ пхув штэтоса, кай народы бикнэнас.

Isajos 10:6

Мэ бичхава́ва лэс пэ грэхоскиро народо, пэ народо, со прилыя́ Мири́ холы́; Мэ да́ва лэ́скэ припхэныбэ́н, соб (кай) тэ чорэл барэ́ чорибнаса, соб (кай) тэ дорэсэл дорэсыбэ́н, соб (кай) тэ кэрэ́л далэ́ народо́стыр бла́та пэ вули́ца (га́са).

Isajos 2:19

И ґаздэ́напэ мануша́, дрэ ґебара́ (пешчэры) машкира́л скалы тэ гаравэнпэ Ра́скирэ-Дэвлэ́скирэ дара́тыр и Лэ́скирэ шардэ барипнастыр, ко́ли ґаздэ́лапэ Ёв тэ хасякирэ́л пхув.

Psalmy 71:3

Яв ваш ма́нгэ скаласа, пал сави́ ма́нгэ ўса́ды (сак) тэ гарадёвав. Ту дыя́н припхэныбэ́н тэ зракхэн ман, пал-дова́ со Ту сан сы́рбы мири́ ска́ла и тва́рдыма (диз) тэ приракхэн ман.

Psalmy 46:6

Дэвэ́л исын дро дава́ фо́ро, ёв на пэрэ́ла: Дэвэ́л подэла васт далэ́ фороскэ тасярлатыр.

Džiibén 9:25

И пхэндя́ ёв: “Тэ явэ́л прокошно́ Ханаано, писхарье́нгиро-дына́ри ёв явэ́ла пэ́скирэ пшалэ́нгэ.”

Isajos 5:25

Пал дова́ захачола Ра́скирэ-Дэвлэ́скири холы́ пэ Лэ́скиро народо, протырдэла Ёв Пэ́скиро васт пэ лэ́ндэ, и Ёв чилавэ́ла лэн адя́кэ, со бэ́рги издрана, а лэ́нгирэ тру́пы явэ́на вычхурдынэ пэ вули́цы (га́сы) сыр гнэё. И на пириячэ́ла Лэ́скири холы́, и васт Лэ́скиро явэ́ла протырдыно.

Isajos 13:13

Ваш дава́ Мэ чилавава болыбэ́н, и пхув зджа́ла пэ́скирэ штэто́стыр, ко́ли холясо́ла Рай Дэвэ́л, болыбна́скирэ-янголэ́нгиро, дро дывэ́с, ко́ли захачола Лэ́скири холы́.

Isajos 14:26

Дасаво исын припхэныбэ́н пал сари́ пхув, акэ, исын васт, протырдыно кэ сарэ́ народы.

Isajos 19:5

И вышутёла пани́ дро мо́рё (дэрья́в), и рэка (лэнь) пириячэ́ла тэ тхадэл и вышутёла.

Isajos 23:10

Псир пир тыри́ пхув, чхай Фарсисоскири, псир, сыр рэка (лэнь): нико́н буты́р пэ тыро́ дром на тэрдёла.

Isajos 50:2

Со́скэ на сыс никонэ́с, ко́ли Мэ явавас, и нико́н на отпхэндя́, ке́ли Мэ кхардём? Ци Миро васт буты́р на зракхэ́ла, ци нанэ Ма́ндэ зор, соб (кай) тэ зракхав? Акэ, Мирэ́ страхаса Мэ шутькирава мо́рё (дэрья́в), кэра́ва чхучи́ пхув рэкэндыр (лэнорьендыр); мачхэ́ дрэ лэ́ндэ кирнёна и мэрэ́на, пал-дова́ со нанэ пани́.

Езэкилё 26:4

И ёнэ розмарна Тироскирэ ва́нты (сцяны), и роспхагирэна лэ́скирэ вучардя (башни) и Мэ вышулавава лэ́стыр лэ́скиро пра́хо, кэра́ва Лэ́стыр нанги бэ́рга.