Isajos 23:1 - Библия - Пэ Балтитко Романи чиб (Романэс) 2019

¹ Ангилпхэныбэ́н пал Ти́ро. – Ровэ́н, па́рмы (корабли) Фарсисостыр, пал-дова́, со ёв исын роспхагирдо; нанэ кхэра́, нико́н дрэ кхэра́ на заджа́ла. Адя́кэ пхэндло́ лэ́нгэ Китимоскирэ пхувья́тыр.

Biblija - Pe Baltitko Romani čib (Romanes) 2019

¹ Angilphenybén pal Tíro. – Rovén, pármy (korabli) Farsisostyr, pal-dová, so jov isyn rosphagirdo; nane kherá, nikón dre kherá na zadžála. Adiáke phendló lénge Kitimoskire phuvjátyr.

Isajos 23:1 Referans Kwoze

Džiibén 10:4

Яваноскирэ чхавэ́ сыс: Елиша [Елиса-р.с.], Фарсисо, Китимо (Китими) и Доданимо (Доданими).

Ереме́ё 47:4

Пал-дова́ со явэ́ла дывэ́с тэ вымарэн сарэ́ Филистимлянэн, тэ ячкирэн Ти́ро и Сидоно сарэ́са би помогибнаскиро, савэ́ ячэ́напэ. Рай Дэвэ́л ячкирэ́ла нисоса Филистимлянэн, савэ́ ячнэ́пэ островостыр Кафторостыр.

Ереме́ё 25:22

и сарэ́ кралье́н пир Ти́ро и сарэ́ кралье́н пир Сидоно, и сарэ́ кра́лья пир островы, савэ́ исын пал панинга́ морёскирэ (дэрьявэ́скирэ).

Isajos 2:16

Пэ сарэ́ па́рмы (корабли) Фарсисососкирэ, пэ сарэ́ лэ́нгирэ укэдыбэна.

Ереме́ё 2:10

Джа́н пал Хитимоскирэ островы, бичхавэн манушэ́н пэ Кидаро и обдуминэн миштэ́с, ци сыс вари-со кадасаво́, сыр кэрдэ́ мануша́:

Isajos 23:12

И пхэндя́: “На явэ́са ту буты́р тэ радынэспэ, патывалы́ тэрны́ джувлы́, сави́ сыс ладжакирды, чхай Сидоноскири! Ушты́, джа́ дрэ Китимо, нэ и одо́й ту на откхинёса.”

3 Kralip 22:48

Иосафа́то кэрдя́ па́рмы (корабли) пир мо́рё (дэрьява́), соб (кай) тэ плывинэн (тэ дэн плима) дро Офиро пал сувнака́й.

3 Kralip 10:22

Пал-дова́ со крали́стэ сыс пэ мо́рё (дэрья́в) Фарсискирэ па́рмы Хирамоскирэ пармэнца; дрэ трин бэрш е́кхвар явэ́лас Фарсискирэ па́рмы, савэ́ янэ́на сувнака́й и руп, и слонытко кокало, и порьялэн (обезьянэн), и павлинэн.

Дание́лё 11:30

Пал-дова́ со дро екх часо явэ́на пэ лэ́стэ па́рмы (корабли) Китимостыр; и ёв пэрэ́ла духо́са, и рисёла палэ и ёв кэрэ́ла, сыр ёв придуминдя и нэвэ́стыр (нэвэ́с) джа́ла, доракирэлпэ кодолэнца, кон отгия́ Свэнтонэ́ Заветостыр.

Езэкилё 26:1

И сыс адя́кэ дро дэшуекхто бэрш, дро пэ́рво чхон, пэ пэ́рво чхонытко дывэ́с, со сыс кэ мэ Ра́скирэ-Дэвлэ́скиро лав:

Ереме́ё 25:15

И ишчо (инкэ́), со Рай Дэвэ́л, Дэвэ́л Израилёскиро, пхэндя́ ма́нгэ: “Лэ тахта́й (чаша) моляса (виноса), со исын пхэрды́ холя́са Мирэ́ вастэ́стыр, и кэр адя́кэ, соб (кай) сарэ́ Наюды́тка на́цыи, кэ савэ́ Мэ бичхадём тут, тэ пьен лэ́стыр.

Isajos 60:9

Чачо́, Ман островы ужакирэ́на, и анги́л лэ́ндэ исын па́рмы Фарсисоскирэ, соб (кай) тэ пирилыджан дур тырэ́ чхавэ́н, лэ́нгиро руп и сувнака́й ваш тыро́ Ра́скирэ-Дэвлэ́скиро лав, пал-дова́ со Ёв дыя́ ту́кэ бари паты́в.

Isajos 24:10

Роспхагирдо исын чхучо́ фо́ро, сарэ́ кхэра́ закэрдэ пэ клыдын, нашты́ тэ заджас.

Isajos 15:8

Годлэна пир саро́ Моа́во кэ ме́жы, кэ Эглаимо исын лэ́скиро роибэ́н, кэ Беэр-Элимо исын лэ́скиро роибэ́н.

Psalmy 48:7

ёнэ страха́дынэ и нашнэ́, ёнэ лынэ́ тэ издран дукхаса сы́рбы джувлы́, сави́ биянэ́ла.

2 Паралипоменоно 9:21

Палдава́ со па́рмы крали́скирэ псирдэ́ дрэ Фарсисо Хирамоскирэ дынарье́нца, и дрэ трин бэрш е́кхвар рисёна па́рмы Фарсисостыр, и янэ́нас сувнака́й и руп, слонытко кокало, и порьялэн (обезьянэн), и павлинэн.

3 Kralip 5:1

И бичхадя́ Хирамо, кра́ли Тироскиро, пэ́скирэ дынарье́н кэ Соломо́но, ке́ли шундя́, со лэс помакхнэ дрэ крали́стэ пэ лэ́скирэ-дадэ́скиро штэ́то; пал-дова́ со Хирамо сыс мал пир ило́ Давидо́скэ пир саро́ джиибэ́н.

Isúso 19:29

тэ́ньчи (потом) ме́жа рисёла кэ Ра́ма кэ Ти́ро фо́ро зоралэ́ тыноса, и рискирэ́ла межакири риг кэ Хоса, и яго́ро ла́киро пашы́л мо́рё (дэрья́в) дро штэ́то Ахзива.

Čysly 24:24

Явэ́на па́рмы (корабли) Китимостыр, и притасавэ́на Асурос, и притасавэ́на Еверос; нэ и лэ́скэ [лэ́нгэ-р.с.] явэ́ла мэрибэ́н!”

Luka 10:13

Бида ту́кэ, Хоразино! Бида ту́кэ, Вифсаида! Пал-дова́ со, ко́ли дасавэ́ ди́вы, со сыс кэрдэ́ дрэ тумэ́ндэ, тэ явэ́н кэрдэ́ дро Ти́ро и Сидоно, ёнэ ґара́ рискирэнас пэ́скиро джиибэ́н кэ Дэвэ́л дро урибэ́н балытконэ гонэстыр и дро пепло;

Isajos 23:6

Пиритрадэн дро Фарсисо, ровэ́н, мануша́лэ, савэ́ дживэ́на пэ островы!

Езэкилё 26:2

“Манушэ́скиро чхава! Палдова́, со Ти́ро ракирэ́ла пал Ерусалимо: ‘А! Ёв исын роспхагирдо – народэнгиро вуда́р; ёв обрисёла кэ мэ; мэ пхэрдякиравапэ, ёв исын чхучо́ (пусто).’

Езэкилё 27:6

Васаноскирэ дэмбэндыр кэрэ́нас тырэ́ ровля (вёслы) , прэдки (скамейки) тырэ́, кэрэ́нас мануша́ Ашуростыр букитконэ каштэ́стыр, и укэдэнас лэн слонытконэ кокалоса Китимсконэ островэндыр.

Езэкилё 27:30

И заровэна пал ту́тэ зоралэ́ заня́са, и явэ́на тэ ровэ́н киркэс пал ту́тэ, чхувэ́на пра́ска (пепло), пэ пэ́скирэ шэрэ́ и явэ́на тэ равэнпэ дро пра́хо.

Jona 1:3

И Ёна уштыя́, соб (кай) тэ нашэ́л кэ Фарсисо Ра́стыр-Дэвлэ́стыр (сыр Лэ́скиро проро́ко). Ёна гия́ тэлэ́ кэ Иопия, плэскирдя ловэ́ пал па́рма (кораблё), бэсця́ пэ ла́тэ, и традыя́ лэ́нца кэ Фарсисо, соб (кай) тэ нашэ́л Ра́скирэ-Дэвлэ́скирэ якхэ́ндыр.